‘ಛಪಾಕ್‌’ ಚಿತ್ರಕ್ಕೆ ಯು ಪ್ರಮಾಣಪತ್ರ

ಚಿತ್ರದಲ್ಲಿ ಯಾವುದೇ ದೃಶ್ಯಗಳಿಗೆ ಆಕ್ಷೇಪ, ಕತ್ತರಿ ಹಾಕದೆ ಸೆನ್ಸರ್‌ ಮಂಡಳಿ ‘ಯು’ ಪ್ರಮಾಣಪತ್ರವನ್ನು ನೀಡಿರುವುದು ಚಿತ್ರತಂಡಕ್ಕೆ ಖುಷಿ ನೀಡಿದೆ.

ಈ ಬಗ್ಗೆ ಸಂತೋಷ ಹಂಚಿಕೊಂಡಿರುವ ಚಿತ್ರದ ನಿರ್ದೇಶಕಿ ಮೇಘಾನ ಗುಲ್ಜಾರ್‌, ‘ಸಿನಿಮಾದಲ್ಲಿ ಲಕ್ಷ್ಮೀ ಕತೆಯನ್ನು ಸಿನಿಮಾ ರೂಪದಲ್ಲಿ ತೋರಿಸುವುದು ಸವಾಲಾಗಿತ್ತು. ತಂಡಕ್ಕೂ ಕಷ್ಟವಾಗಿತ್ತು. ಈಗ ಈ ಚಿತ್ರಕ್ಕೆ ‘ಯು’ ಪ್ರಮಾಣಪತ್ರ ನೀಡುವ ಮೂಲಕ ಸಿಬಿಎಫ್‌ಸಿ ಸಿನಿಮಾವನ್ನು ಎಲ್ಲರಿಗೂ ವೀಕ್ಷಿಸುವ ಹಾಗೂ ಉತ್ತಮ ಸಂದೇಶ ರವಾನಿಸುವ ಅವಕಾಶ ಕೊಟ್ಟಿದ್ದಾರೆ. ದೀಪಿಕಾ, ಲಕ್ಷಿ ಪಾತ್ರ ನಿಭಾಯಿಸಲು ಬಹಳ ಶ್ರಮಪಟ್ಟಿದ್ದಾರೆ. ಅವರು ಪಾತ್ರದೊಳಗೆ ಪರಾಕಾಯ ಪ್ರವೇಶ ಮಾಡಿದ್ದಾರೆ. ಇದಕ್ಕಾಗಿ ಚಿತ್ರತಂಡ ಬಹಳ ಶ್ರಮಿಸಿದೆ ಎಂದು ಸಂತಸ ಹಂಚಿಕೊಂಡಿದ್ದಾರೆ.

ಈ ಹಿಂದೆ ಮೇಘಾನ, ಆಲಿಯಾಭಟ್‌ ಅಭಿನಯದ ‘ರಾಝಿ’ ಮತ್ತು ‘ತಲ್ವಾರ್‌’ ಚಿತ್ರವನ್ನು ನಿರ್ದೇಶಿಸಿದ್ದರು. ‘ಛಪಾಕ್‌’ ಸಿನಿಮಾದಲ್ಲಿಸಾಮಾಜಿಕ ಹೋರಾಟಗಾರನಾಗಿ ವಿಕ್ರಮ್‌ ಮಸ್ಸೆ ಹಾಗೂ ದೀಪಿಕಾ ಜೋಡಿಯಾಗಿ ಅಲೋಕ್‌ ದೀಕ್ಷಿತ್‌ ನಟಿಸಿದ್ದಾರೆ.

ಇದನ್ನೂ ಓದಿ:ದೀಪಿಕಾ ಪಡುಕೋಣೆ ಅಭಿನಯದ ‘ಛಪಾಕ್’ ಚಿತ್ರದ ಫಸ್ಟ್‌ಲುಕ್ ಬಿಡುಗಡೆ