‘ದಿ ವಿಲನ್’ ಟೀಸರ್‌ನಲ್ಲಿ ಶಿವಣ್ಣ, ಸುದೀಪ್ ಅಬ್ಬರ

‘ಜಗತ್ತಿನ ಯಾವುದೇ ಮೂಲೆಲಿದ್ರೂ ಆ ಬೇಟೆ ನಂದು...’ ಎಂದು ಅಬ್ಬರಿಸುತ್ತಾರೆ ‘ಹ್ಯಾಟ್ರಿಕ್ ಹೀರೊ’ ಶಿವರಾಜ್ಕುಮಾರ್. ಇದಕ್ಕೆ ಪ್ರತಿಯಾಗಿ ‘ಹೋ... ಭ್ರಮೆ’ ಎಂದು ಕೂಲಾಗಿ ಪ್ರತಿಕ್ರಿಯೆ ನೀಡುತ್ತಾರೆ ನಟ ಕಿಚ್ಚ ಸುದೀಪ್.

. –‘ದಿ ವಿಲನ್’ ಚಿತ್ರದ ಹತ್ತು ಸೆಕೆಂಡ್ಗಳ ನಾಲ್ಕು ಟೀಸರ್ಗಳನ್ನು ನಿರ್ದೇಶಕ ಪ್ರೇಮ್ ಬಿಡುಗಡೆಗೊಳಿಸಿ ಎಲ್ಲರನ್ನೂ ಕುತೂಹಲದ ಕಡಲಿಯೊಳಗೆ ಮೀಯುವಂತೆ ಮಾಡಿದರು. ಮತ್ತೊಮ್ಮೆ ಆ ಟೀಸರ್ಗಳ ಪ್ರದರ್ಶನಕ್ಕೂ ಕೋರಿಕೆ ಬಂತು. ‘ಅಷ್ಟು ಸಾಕು. ಉಳಿದದ್ದನ್ನು ಥಿಯೇಟರ್ನಲ್ಲಿ ನೋಡಿ’ ಎಂದು ನಕ್ಕರು ಪ್ರೇಮ್.

. ಶಿವರಾಜ್ಕುಮಾರ್ ಮತ್ತು ಸುದೀಪ್ ನಟಿಸಿರುವ ಈ ಚಿತ್ರ ಅಕ್ಟೋಬರ್ 18ರಂದು ರಾಜ್ಯದಾದ್ಯಂತ ತೆರೆಕಾಣುತ್ತಿದೆ. ವ್ಯವಸ್ಥಿತವಾಗಿ ಬಿಡುಗಡೆಗೆ ಚಿತ್ರತಂಡ ಸಿದ್ಧತೆ ನಡೆಸಿದೆ.

. ‘ಶಿವಣ್ಣ ಮತ್ತು ಸುದೀಪ್ ಜೊತೆಗೆ ಕೆಲಸ ಮಾಡುವುದು ಖುಷಿಯ ವಿಚಾರ. ನಿರ್ಮಾಪಕರೇ ಈ ಚಿತ್ರದ ನಿಜವಾದ ಹೀರೊ. ಕೇಳಿದಷ್ಟು ಹಣ ವ್ಯಯಿಸಿದ್ದಾರೆ. ಅವರು ನನ್ನ ಕಾಟ ಸಹಿಸಿಕೊಂಡಿರುವುದೇ ಹೆಚ್ಚು’ ಎಂದ ಪ್ರೇಮ್ ಅವರ ನೋಟ ಪಕ್ಕದಲ್ಲಿ ನಿಂತಿದ್ದ ಸಂಗೀತ ನಿರ್ದೇಶಕ ಅರ್ಜುನ್ ಜನ್ಯ ಅವರತ್ತ ಹೊರಳಿತು.

. ‘ಅರ್ಜುನ್ಗೆ ಸಾಕಷ್ಟು ತೊಂದರೆ ಕೊಟ್ಟಿದ್ದೇನೆ. ಅದೆಲ್ಲವನ್ನೂ ಸಹಿಸಿಕೊಂಡು ಒಳ್ಳೆಯ ಹಾಡುಗಳನ್ನು ಕೊಟ್ಟಿದ್ದಾರೆ’ ಎಂದು ಮೆಚ್ಚುಗೆ ಸೂಚಿಸಿದರು.

. ‘ಪ್ರೇಮ್ ಸರ್ ಜೊತೆಗೆ ಕೆಲಸ ಮಾಡುವುದು ಕಷ್ಟವೆಂದು ಎಲ್ಲರೂ ಹೇಳುತ್ತಾರೆ. ಆದರೆ, ನನಗೆ ಯಾವುದೇ ಕಷ್ಟವಾಗಲಿಲ್ಲ. ನಾವು ಸಾಕಷ್ಟು ಕಷ್ಟಪಟ್ಟು ಕೆಲಸ ಮಾಡುತ್ತಿದ್ದೆವು. ಸಂಜೆ ನಗುತ್ತಲೇ ಸ್ಟುಡಿಯೊಕ್ಕೆ ಬರುತ್ತಿದ್ದ ಅವರು ಮಗ ಅದನ್ನು ಡಿಲಿಟ್ ಮಾಡು ಎನ್ನುತ್ತಿದ್ದರು. ಯಾವುದೇ ಬೇಸರವಿಲ್ಲದೆ ಆ ಕೆಲಸ ಮಾಡುತ್ತಿದ್ದೆ. ಮತ್ತೆ ಹೊಸದಾಗಿ ಕೆಲಸ ಆರಂಭಿಸುತ್ತಿದ್ದೆ. ಹಾಗಾಗಿಯೇ, ಒಳ್ಳೆಯ ಹಾಡುಗಳು ಮೂಡಿಬಂದಿವೆ’ ಎಂದು ವಿವರಿಸಿದರು.

. ನಟ ಶಿವರಾಜ್ಕುಮಾರ್, ‘ನಾನು ಪ್ರೇಮ್ಗೆ ಪ್ರೀಯಾಗಿ ಸಿಗುತ್ತೇನೆ. ಹಾಗಾಗಿ, ನನಗೆ ವಿಚಿತ್ರ ವೇಷ ಹಾಕಿಸುತ್ತಾನೆ. ನನ್ನ ಮೂರನೇ ಕಣ್ಣನ್ನು ಅವನಿನ್ನೂ ನೋಡಿಲ್ಲ’ ಎಂದು ಹಾಸ್ಯ ಚಟಾಕಿ ಹಾರಿಸಿದರು.

. ‘ಬ್ಯಾಂಕಾಕ್, ಲಂಡನ್, ಬೆಂಗಳೂರಿನಲ್ಲಿ ಚಿತ್ರೀಕರಣ ನಡೆಸಲಾಗಿದೆ. ಅಭಿಮಾನಿಗಳು ಶಿವಣ್ಣ ಮತ್ತು ಸುದೀಪ್ ಎಂಬ ಭೇದಭಾವ ಮಾಡದೆ ಒಟ್ಟಾಗಿ ಸಿನಿಮಾ ನೋಡಬೇಕು. ಇದು ಚಿತ್ರರಂಗದ ಅಭ್ಯುದಯಕ್ಕೂ ಸಹಕಾರಿಯಾಗಲಿದೆ’ ಎಂದರು.

. ಚಿತ್ರಕ್ಕೆ ಬಂಡವಾಳ ಹೂಡಿರುವ ನಿರ್ಮಾಪಕ ಸಿ.ಆರ್. ಮನೋಹರ್, ‘ಕನ್ನಡದಲ್ಲಿಯೂ ದೊಡ್ಡ ಬಜೆಟ್ಗಳ ಸಿನಿಮಾ ಮಾಡಬೇಕೆಂಬ ಆಸೆ ಈಡೇರಿದೆ’ ಎಂದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

‘ದಿ ವಿಲನ್’ ಟೀಸರ್‌ನಲ್ಲಿ ಶಿವಣ್ಣ, ಸುದೀಪ್ ಅಬ್ಬರ

ಚಿನಕುರುಳಿ: 04 ಜುಲೈ 2025, ಶುಕ್ರವಾರ

ಚುರುಮುರಿ | ಒಳಾರ್ಥ–ಗೂಢಾರ್ಥ!

ದಿನ ಭವಿಷ್ಯ | ಈ ರಾಶಿಯವರ ವ್ಯವಹಾರಗಳು ಜಯಪ್ರದವಾಗುತ್ತವೆ

ಮಂಡ್ಯ: ಕಾವೇರಿ ನದಿಗೆ ಹಾರಿ ಮಧ್ಯ ಸಿಲುಕಿದ್ದ ಕಾನೂನು ವಿದ್ಯಾರ್ಥಿನಿ ರಕ್ಷಣೆ

ಸ್ನೂಕರ್ ಟೂರ್ನಿ: ಕ್ವಾರ್ಟರ್‌ಗೆ ಪಂಕಜ್‌

ವಿಂಬಲ್ಡನ್‌ ಟೆನಿಸ್ ಟೂರ್ನಿ: ಮ್ಯಾಡಿಸನ್‌ಗೆ ಲಾರಾ ಆಘಾತ

ಡುರಾಂಡ್‌ ಕಪ್‌: ಪ್ರಶಸ್ತಿಗೆ 24 ತಂಡಗಳ ಪೈಪೋಟಿ

IND vs ENG: ಬ್ರೂಕ್-ಸ್ಮಿತ್ ತ್ರಿಶತಕ ಜೊತೆಯಾಟ; ಇಂಗ್ಲೆಂಡ್ ದಿಟ್ಟ ಹೋರಾಟ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 04 ಜುಲೈ 2025, ಶುಕ್ರವಾರ

ಚುರುಮುರಿ | ಒಳಾರ್ಥ–ಗೂಢಾರ್ಥ!

ದಿನ ಭವಿಷ್ಯ | ಈ ರಾಶಿಯವರ ವ್ಯವಹಾರಗಳು ಜಯಪ್ರದವಾಗುತ್ತವೆ

ಮಂಡ್ಯ: ಕಾವೇರಿ ನದಿಗೆ ಹಾರಿ ಮಧ್ಯ ಸಿಲುಕಿದ್ದ ಕಾನೂನು ವಿದ್ಯಾರ್ಥಿನಿ ರಕ್ಷಣೆ