‘ವರದ’ ಸಿನಿಮಾ ಹೊಡೆದಾಟ ದೃಶ್ಯ ಚಿತ್ರೀಕರಣ ವೇಳೆ ಗಾಯಗೊಂಡ ‘ಮರಿ ಟೈಗರ್’

ಬೆಂಗಳೂರು: ನಟ ‘ಮರಿ ಟೈಗರ್’ ವಿನೋದ್ ಪ್ರಭಾಕರ್ ಮಾಗಡಿ ರಸ್ತೆಯಲ್ಲಿ ನಡೆಯುತ್ತಿರುವ ‘ವರದ’ ಸಿನಿಮಾದ ಹೊಡೆದಾಟದ ದೃಶ್ಯವೊಂದರ ಚಿತ್ರೀಕರಣದ ವೇಳೆ ಬುಧವಾರ ಆಯತಪ್ಪಿ ಬಿದ್ದು ಗಾಯಗೊಂಡಿದ್ದಾರೆ.

. ಅಭಿಮಾನಿಗಳು ಆತಂಕಪಡುವಷ್ಟು ವಿನೋದ್ಗೆ ತೀವ್ರ ಸ್ವರೂಪದ ಗಾಯಗಳೇನು ಆಗಿಲ್ಲ. ನಾಗರಬಾವಿಯ ಎಎಚ್ಎ ಆರ್ಥೊಕೇರ್ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಕೊಡಿಸಲಾಗಿದೆ. ವೈದ್ಯರು 5 ವಾರಗಳ ವಿಶ್ರಾಂತಿ ಸೂಚಿಸಿದ್ದಾರೆ. ಎಡಗಾಲಿನ ಮಂಡಿ ಚಿಪ್ಪಿನಲ್ಲಿ ಸಣ್ಣದಾಗಿ ಮೂಳೆ ಬಿರುಕು (ಏರ್ಲೈನ್ ಕ್ರಾಕ್) ಬಿಟ್ಟಿರುವುದರಿಂದ ವಿಶ್ರಾಂತಿ ಪಡೆಯಲೇಬೇಕಾಗಿದೆ ಎಂದು ವಿನೋದ್ ಕುಟುಂಬದ ಆಪ್ತ ಮೂಲಗಳು ‘ಪ್ರಜಾವಾಣಿ’ಗೆ ತಿಳಿಸಿವೆ.

. ಬುಧವಾರ ಬೆಳಿಗ್ಗೆ ಐವರು ಫೈಟರ್ಗಳೊಂದಿಗೆ ಹೊಡೆದಾಟದ ದೃಶ್ಯದಲ್ಲಿ ಪಾಲ್ಗೊಂಡಿದ್ದರು. ಫೈಟ್ ಮಾಸ್ಟರ್ ವಿಕ್ರಮ್ ನೇತೃತ್ವದಲ್ಲಿ ಕಿಕ್ ಮಾಡುವಾಗ ಆಯತಪ್ಪಿ ಬೆಡ್ ಮೇಲೆ ಬಿದ್ದರು. ಆಗ ಕಾಲು ಟ್ವಿಸ್ಟ್ ಆಗಿ, ನೋವು ಕಾಣಿಸಿಕೊಂಡಿತು.

. ವಿನೋದ್ ಪ್ರಭಾಕರ್ ನಟನೆಯ ಆ್ಯಕ್ಸನ್ ಕಮ್ ಲವ್ ಸಿನಿಮಾ ‘ರಗಡ್’ ಕಳೆದ ವಾರವಷ್ಟೇ ಬಿಡುಗಡೆಯಾಗಿದೆ. ದೇಹವನ್ನು ಹುರಿಗೊಳಿಸಿ 8 ಪ್ಯಾಕ್ ಮಾಡಿಕೊಂಡಿರುವುದು ಚಿತ್ರರಸಿಕರ ಗಮನ ಸೆಳೆದಿದೆ. ಈ ಚಿತ್ರ ರಾಜ್ಯದಾದ್ಯಂತ ಯಶಸ್ವಿ ಪ್ರದರ್ಶನ ಕಾಣುತ್ತಿದ್ದು, ಮಂಗಳವಾರಷ್ಟೇ ಸುದ್ದಿಗೋಷ್ಠಿಯಲ್ಲಿ ಚಿತ್ರ ತಂಡದೊಂದಿಗೆ ನಟ ಸಂಭ್ರಮ ಹಂಚಿಕೊಂಡಿದ್ದರು.

. ಮಾಗಡಿ ರಸ್ತೆಯಲ್ಲಿ ಮಂಗಳವಾರ ಫೈಟ್ ದೃಶ್ಯಕ್ಕೆ ರೋಪ್ ಶಾಟ್ ಚಿತ್ರೀಕರಿಸಿಕೊಳ್ಳುವಾಗ ಮುಂಗೈಗೆ ಸಣ್ಣ ಪ್ರಮಾಣದಲ್ಲಿ ತರಚು ಗಾಯ ಆಗಿರುವುದಾಗಿ ವಿನೋದ್ ಸುದ್ದಿಗೋಷ್ಠಿಯಲ್ಲಿ ಹೇಳಿದ್ದರು.

. ಮೇಲುಕೋಟೆ, ಮೈಸೂರು ಭಾಗದಲ್ಲಿ ಚಿತ್ರೀಕರಣ ಮುಗಿಸಿ, ಕಳೆದ ಎರಡು ದಿನಗಳಿಂದ ಮಾಗಡಿ ರಸ್ತೆಯಲ್ಲಿ ಚಿತ್ರೀಕರಣದಲ್ಲಿ ಭಾಗಿಯಾಗಿದ್ದರು. ಒಂದು ದಿನವೂ ಬಿಡುವುದಿಲ್ಲದೆ ಚಿತ್ರೀಕರಣ ಸಾಗಿತ್ತು. ಚಿತ್ರತಂಡ ಇದೇ 15ರವರೆಗೆ ಚಿತ್ರೀಕರಣದ ಯೋಜನೆ ಹಾಕಿಕೊಂಡಿತ್ತು. ವರದ ಸಿನಿಮಾ ಮುಗಿದ ತಕ್ಷಣ ಮತ್ತೆ ಮೂರು ಸಿನಿಮಾಗಳಲ್ಲಿ ವಿನೋದ್ ತೊಡಗಿಕೊಳ್ಳಬೇಕಿತ್ತು. ಈಗ ನಮ್ಮನ್ನು ನಂಬಿಕೊಂಡಿದ್ದವರಿಗೆ ಮತ್ತು ಸಹ ಕಲಾವಿದರಿಗೆ ತೊಂದರೆಯಾಗಿಬಿಟ್ಟಿದೆ. ಅಲ್ಲದೆ, ಜಿಮ್ನಲ್ಲಿ ದೇಹ ಹುರಿಗೊಳಿಸಲು (ಬಾಡಿ ವರ್ಕೌಟ್) ಸಾಧ್ಯವಾಗದಂತಾಗಿದೆ ಎಂದು ನಟ ಬೇಸರ ತೋಡಿಕೊಂಡಿರುವುದಾಗಿ ಕುಟುಂಬದ ಆಪ್ತ ಮೂಲಗಳು ತಿಳಿಸಿವೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

‘ವರದ’ ಸಿನಿಮಾ ಹೊಡೆದಾಟ ದೃಶ್ಯ ಚಿತ್ರೀಕರಣ ವೇಳೆ ಗಾಯಗೊಂಡ ‘ಮರಿ ಟೈಗರ್’

ಚಿನಕುರುಳಿ | ಶನಿವಾರ, 19 ಜುಲೈ 2025

ಚುರುಮುರಿ | ಮನೆ ಖಾಲಿ ಇಲ್ಲ!

ಭಾರತ–ಪಾಕಿಸ್ತಾನ ಸಂಘರ್ಷದ ವೇಳೆ 5 ಜೆಟ್‌ಗಳನ್ನು ಹೊಡೆದುರುಳಿಸಲಾಗಿದೆ: ಟ್ರಂಪ್

ದಿನ ಭವಿಷ್ಯ | ಇತರರ ಬಗ್ಗೆ ಗೌರವ ಹಾಗೂ ತಾಳ್ಮೆ ಹೊಂದಿರುವುದು ಮುಖ್ಯ

FIDE Women’s World Cup: ಕೋನೇರು ಹಂಪಿಗೆ ಯುಕ್ಸಿನ್ ಸವಾಲು

ಕಬಡ್ಡಿ ಟೂರ್ನಿ: ಎಪಿಎಸ್ ಶಾಲೆಗೆ ಪ್ರಶಸ್ತಿ

ಬ್ಯಾಸ್ಕೆಟ್‌ಬಾಲ್‌: ಎಚ್‌ಬಿಆರ್‌ ಬಿ.ಸಿ ತಂಡಕ್ಕೆ ಜಯ

ಫ್ರೀಸ್ಟೈಲ್‌ ಚೆಸ್ ಗ್ರ್ಯಾನ್‌ಸ್ಲಾಮ್‌ ಟೂರ್: ಅರೋನಿಯನ್‌ಗೆ ಮಣಿದ ಇರಿಗೇಶಿ

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಚಿನಕುರುಳಿ | ಶನಿವಾರ, 19 ಜುಲೈ 2025

ಚುರುಮುರಿ | ಮನೆ ಖಾಲಿ ಇಲ್ಲ!

ಭಾರತ–ಪಾಕಿಸ್ತಾನ ಸಂಘರ್ಷದ ವೇಳೆ 5 ಜೆಟ್‌ಗಳನ್ನು ಹೊಡೆದುರುಳಿಸಲಾಗಿದೆ: ಟ್ರಂಪ್

ದಿನ ಭವಿಷ್ಯ | ಇತರರ ಬಗ್ಗೆ ಗೌರವ ಹಾಗೂ ತಾಳ್ಮೆ ಹೊಂದಿರುವುದು ಮುಖ್ಯ