<p>ವಿಶಾಲವಾದ ಬೆಟ್ಟದ ತುಂಬಾ ಬಂಡೆಗಳ ರಾಶಿ. ಬಂಡೆಗಳ ಸುತ್ತ ಹಸಿರ ಹೊದಿಕೆ ಜತೆಗೆ ತಂಪಾದ ಗಾಳಿ. ಇಂಥ ಹಿತಕರವಾದ ವಾತಾವರಣದಲ್ಲಿ ಹಾಸನ ಜಿಲ್ಲೆ ಅರಸೀಕೆರೆಯ ಕುಮಾರಯ್ಯ ಮತ್ತು ತಂಡ ‘ಪ್ರಜಾವಾಣಿ ಫೇಸ್ಬುಕ್ ಲೈವ್’ನಲ್ಲಿ ವಾದ್ಯಗಳೊಂದಿಗೆ ‘ಚಿಟ್ ಮೇಳ’ ಪ್ರಸ್ತುತಪಡಿಸಿದರು.</p>.<p>ಅಮೆರಿಕ ‘ನಾವಿಕ’ ಉತ್ಸವದಲ್ಲಿ ನಾಲ್ಕು ಸಾವಿರ ಜನರ ಎದುರು ಸೂಪರ್ ಹಿಟ್ ಪ್ರದರ್ಶನ ನೀಡಿದ್ದ ‘ಚಿಟ್ ಮೇಳದ’ ಈ ತಂಡ ಫೇಸ್ಬುಕ್ ಲೈವ್ನಲ್ಲಿ ಸತತ ಒಂದು ತಾಸು 25ಕ್ಕೂ ಹೆಚ್ಚು ಹಾಡುಗಳನ್ನು ನುಡಿಸುವ ಮೂಲಕ ಸಂಗೀತ ಪ್ರೇಮಿಗಳ ಮನರಂಜಿಸಿತು. ಮುಖವೀಣೆ, ಕರಡೇವು, ದೋಣು, ತಮಟೆ, ತಾಳ ವಾದ್ಯಗಳ ನಾದ-ತಾಳದ ಜತೆಗೆ ವಾದ್ಯಗಾರರು ಹೆಜ್ಜೆ ಹಾಕುತ್ತಾ ಕಾರ್ಯಕ್ರಮಕ್ಕೆ ಮೆರುಗು ನೀಡಿದರು.</p>.<p>ಗ್ರಾಮೀಣ ಕಲೆಗಳು, ಜಾನಪದ ಸಂಸ್ಕೃತಿ ಕಣ್ಮರೆಯಾಗುತ್ತಿರುವ ಈ ಹೊತ್ತಿನಲ್ಲಿ ಇಂಥ ಕಾರ್ಯಕ್ರಮಗಳನ್ನು ಪ್ರದರ್ಶಿಸುತ್ತಿರುವ ಸ್ವಾಗತಾರ್ಹ ಕ್ರಮ ಎಂದು ಕಾರ್ಯಕ್ರಮ ವೀಕ್ಷಿಸುತ್ತಿದ್ದ ಅನೇಕರು ಕಮೆಂಟ್ ಬಾಕ್ಸ್ನಲ್ಲಿ ಅಭಿಪ್ರಾಯ ವ್ಯಕ್ತಪಡಿಸುತ್ತಿದ್ದರು.</p>.<p>ಜನಪ್ರಿಯ ಜಾನಪದ ಗೀತೆಗಳಾದ ‘ಚನ್ನಪ್ಪ ಚನ್ನೇಗೌಡ ಕುಂಬಾರ ಮಾಡಿದ ಕೊಡನವ್ವಾ..’, ‘ಘಲ್ಲು ಘಲ್ಲೆನತಾ ಗೆಜ್ಜೆ ಘಲ್ಲು ತಾಜೆನುತಾ.. ಗೆಜ್ಜೆ ಘಲ್ಲು ತಾಜೆನುತಾ.. ನಮ್ ಬಲ್ಲಿದರಂಗನ ವಲ್ಲಿಯ ಮೇಲೆ ಚೆಲ್ಲಿದರೋಕಳಿಯೋ...', ಹಾಡುಗಳಿಗೆ ಸಹಕಲಾವಿದರು ವಾದ್ಯ ನುಡಿಸುತ್ತಲೇ ಸಣ್ಣದಾಗಿ ಹೆಜ್ಜೆ ಹಾಕಿದರು.</p>.<p>‘ಚೆಲ್ಲಿದರು ಮಲ್ಲಿಗೆಯಾ ಬಾಣಾಸುರರೇರಿ ಮ್ಯಾಗೆ..’, ‘ಚೆಲುವಯ್ಯ ಚೆಲುವೋ ತಾನಿತಂದಾನ ಚಿನ್ಮಾಯಾರೂಪೇ ಕೋಲಣ್ಣ ಕೋಲೇ..’ ಹಾಡು ನುಡಿಸಿದರು. ಶಿಕ್ಷಕಿ ಮಮತಾ ಅರಸೀಕರೆ ಕಾರ್ಯಕ್ರಮ ನಿರೂಪಿಸಿದರು. ಕುಮಾರಯ್ಯ ಮುಖವೀಣೆ ನುಡಿಸಿದರು. ಪಕ್ಕವಾದ್ಯದಲ್ಲಿ ಮುಖವೀಣೆ (ಹಿಮ್ಮೇಳ)– ಜಯಣ್ಣ, ಶೃತಿ – ರಘು, ಕರಡೇವು – ಸುರೇಶ್ ಮತ್ತು ತಿಮ್ಮಯ್ಯ, ದೋಣು – ಓಂಕಾರಮೂರ್ತಿ, ಗುರುಸಿದ್ದಪ್ಪ, ತಾಳ– ಮೂರ್ತಿ, ತಮಟೆ– ಪುಟ್ಟಸ್ವಾಮಿ ಜತೆಯಾಗಿದ್ದರು. ಕುಮಾರಯ್ಯ ಮತ್ತು ತಂಡದ ಚಿಟ್ ಮೇಳದ ಪೂರ್ಣ ಕಾರ್ಯಕ್ರಮಕ್ಕಾಗಿ<a href="https://www.facebook.com/prajavani.net/" target="_blank"><strong>Fb.com/Prajavani.net</strong> </a>ಲಿಂಕ್ ಕ್ಲಿಕ್ಕಿಸಿ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ವಿಶಾಲವಾದ ಬೆಟ್ಟದ ತುಂಬಾ ಬಂಡೆಗಳ ರಾಶಿ. ಬಂಡೆಗಳ ಸುತ್ತ ಹಸಿರ ಹೊದಿಕೆ ಜತೆಗೆ ತಂಪಾದ ಗಾಳಿ. ಇಂಥ ಹಿತಕರವಾದ ವಾತಾವರಣದಲ್ಲಿ ಹಾಸನ ಜಿಲ್ಲೆ ಅರಸೀಕೆರೆಯ ಕುಮಾರಯ್ಯ ಮತ್ತು ತಂಡ ‘ಪ್ರಜಾವಾಣಿ ಫೇಸ್ಬುಕ್ ಲೈವ್’ನಲ್ಲಿ ವಾದ್ಯಗಳೊಂದಿಗೆ ‘ಚಿಟ್ ಮೇಳ’ ಪ್ರಸ್ತುತಪಡಿಸಿದರು.</p>.<p>ಅಮೆರಿಕ ‘ನಾವಿಕ’ ಉತ್ಸವದಲ್ಲಿ ನಾಲ್ಕು ಸಾವಿರ ಜನರ ಎದುರು ಸೂಪರ್ ಹಿಟ್ ಪ್ರದರ್ಶನ ನೀಡಿದ್ದ ‘ಚಿಟ್ ಮೇಳದ’ ಈ ತಂಡ ಫೇಸ್ಬುಕ್ ಲೈವ್ನಲ್ಲಿ ಸತತ ಒಂದು ತಾಸು 25ಕ್ಕೂ ಹೆಚ್ಚು ಹಾಡುಗಳನ್ನು ನುಡಿಸುವ ಮೂಲಕ ಸಂಗೀತ ಪ್ರೇಮಿಗಳ ಮನರಂಜಿಸಿತು. ಮುಖವೀಣೆ, ಕರಡೇವು, ದೋಣು, ತಮಟೆ, ತಾಳ ವಾದ್ಯಗಳ ನಾದ-ತಾಳದ ಜತೆಗೆ ವಾದ್ಯಗಾರರು ಹೆಜ್ಜೆ ಹಾಕುತ್ತಾ ಕಾರ್ಯಕ್ರಮಕ್ಕೆ ಮೆರುಗು ನೀಡಿದರು.</p>.<p>ಗ್ರಾಮೀಣ ಕಲೆಗಳು, ಜಾನಪದ ಸಂಸ್ಕೃತಿ ಕಣ್ಮರೆಯಾಗುತ್ತಿರುವ ಈ ಹೊತ್ತಿನಲ್ಲಿ ಇಂಥ ಕಾರ್ಯಕ್ರಮಗಳನ್ನು ಪ್ರದರ್ಶಿಸುತ್ತಿರುವ ಸ್ವಾಗತಾರ್ಹ ಕ್ರಮ ಎಂದು ಕಾರ್ಯಕ್ರಮ ವೀಕ್ಷಿಸುತ್ತಿದ್ದ ಅನೇಕರು ಕಮೆಂಟ್ ಬಾಕ್ಸ್ನಲ್ಲಿ ಅಭಿಪ್ರಾಯ ವ್ಯಕ್ತಪಡಿಸುತ್ತಿದ್ದರು.</p>.<p>ಜನಪ್ರಿಯ ಜಾನಪದ ಗೀತೆಗಳಾದ ‘ಚನ್ನಪ್ಪ ಚನ್ನೇಗೌಡ ಕುಂಬಾರ ಮಾಡಿದ ಕೊಡನವ್ವಾ..’, ‘ಘಲ್ಲು ಘಲ್ಲೆನತಾ ಗೆಜ್ಜೆ ಘಲ್ಲು ತಾಜೆನುತಾ.. ಗೆಜ್ಜೆ ಘಲ್ಲು ತಾಜೆನುತಾ.. ನಮ್ ಬಲ್ಲಿದರಂಗನ ವಲ್ಲಿಯ ಮೇಲೆ ಚೆಲ್ಲಿದರೋಕಳಿಯೋ...', ಹಾಡುಗಳಿಗೆ ಸಹಕಲಾವಿದರು ವಾದ್ಯ ನುಡಿಸುತ್ತಲೇ ಸಣ್ಣದಾಗಿ ಹೆಜ್ಜೆ ಹಾಕಿದರು.</p>.<p>‘ಚೆಲ್ಲಿದರು ಮಲ್ಲಿಗೆಯಾ ಬಾಣಾಸುರರೇರಿ ಮ್ಯಾಗೆ..’, ‘ಚೆಲುವಯ್ಯ ಚೆಲುವೋ ತಾನಿತಂದಾನ ಚಿನ್ಮಾಯಾರೂಪೇ ಕೋಲಣ್ಣ ಕೋಲೇ..’ ಹಾಡು ನುಡಿಸಿದರು. ಶಿಕ್ಷಕಿ ಮಮತಾ ಅರಸೀಕರೆ ಕಾರ್ಯಕ್ರಮ ನಿರೂಪಿಸಿದರು. ಕುಮಾರಯ್ಯ ಮುಖವೀಣೆ ನುಡಿಸಿದರು. ಪಕ್ಕವಾದ್ಯದಲ್ಲಿ ಮುಖವೀಣೆ (ಹಿಮ್ಮೇಳ)– ಜಯಣ್ಣ, ಶೃತಿ – ರಘು, ಕರಡೇವು – ಸುರೇಶ್ ಮತ್ತು ತಿಮ್ಮಯ್ಯ, ದೋಣು – ಓಂಕಾರಮೂರ್ತಿ, ಗುರುಸಿದ್ದಪ್ಪ, ತಾಳ– ಮೂರ್ತಿ, ತಮಟೆ– ಪುಟ್ಟಸ್ವಾಮಿ ಜತೆಯಾಗಿದ್ದರು. ಕುಮಾರಯ್ಯ ಮತ್ತು ತಂಡದ ಚಿಟ್ ಮೇಳದ ಪೂರ್ಣ ಕಾರ್ಯಕ್ರಮಕ್ಕಾಗಿ<a href="https://www.facebook.com/prajavani.net/" target="_blank"><strong>Fb.com/Prajavani.net</strong> </a>ಲಿಂಕ್ ಕ್ಲಿಕ್ಕಿಸಿ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
