ಆಳ-ಅಗಲ | ಕೌಂಟಿ ರಚನೆ: ಬಲವಾಗುತ್ತಿದೆಯೇ ಚೀನಾ ಹಿಡಿತ?

ಭಾರತವು ಸಂಬಂಧ ಸುಧಾರಣೆಯ ದಿಸೆಯಲ್ಲಿ ಹಲವು ರೀತಿಯ ಮಾತುಕತೆ, ಒಪ್ಪಂದಕ್ಕೆ ಸಮ್ಮತಿ ಸೂಚಿಸಿದ ನಂತರವೂ ಚೀನಾ ಅದನ್ನು ಉಲ್ಲಂಘಿಸುತ್ತಲೇ ಬರುತ್ತಿದೆ. ಏಕಪಕ್ಷೀಯವಾಗಿ ಗಡಿಯಲ್ಲಿ ಸೇನೆ ನಿಯೋಜಿಸುವುದು ಮತ್ತು ವಿವಾದಾತ್ಮಕ ಪ್ರದೇಶದಲ್ಲಿ ಹಲವು ರೀತಿಯ ಯೋಜನೆಗಳನ್ನು ಕೈಗೆತ್ತಿಕೊಳ್ಳುವಂತಹ ನಡೆಗಳಿಗೆ ಮುಂದಾಗುತ್ತಿದೆ. ಎರಡೂ ದೇಶಗಳ ನಡುವೆ ದ್ವಿಪಕ್ಷೀಯ ಬಾಂಧವ್ಯ ಸುಧಾರಣೆಗೆ ಸಂಬಂಧಿಸಿದಂತೆ 23ನೇ ಮಾತುಕತೆ ನಡೆದ ಕೆಲವೇ ದಿನಗಳಲ್ಲಿ ಚೀನಾ ವಿವಾದಿತ ಅಕ್ಸಾಯ್ ಚಿನ್ ಪ್ರದೇಶವನ್ನು ಒಳಗೊಂಡಂತೆ ಎರಡು ಕೌಂಟಿಗಳನ್ನು ರಚಿಸಿದೆ. ಇದನ್ನು ವಿರೋಧಿಸಿರುವ ಭಾರತ, ತನ್ನ ಪ್ರತಿಭಟನೆಯನ್ನು ದಾಖಲಿಸಿದೆ. ವಿವಾದಿತ ಪ್ರದೇಶದ ಮೇಲೆ ತನ್ನ ಆಡಳಿತಾತ್ಮಕ ಹಿಡಿತ ಬಲಪಡಿಸಲು ಚೀನಾ ಕೌಂಟಿಗಳನ್ನು ನಿರ್ಮಿಸಿದೆ ಎನ್ನಲಾಗುತ್ತಿದೆ