ಆಳ ಅಗಲ| ಕಲಿಕಾ ಸಾಮರ್ಥ್ಯ: ಕರ್ನಾಟಕದ ಮಕ್ಕಳು ಹಿಂದೆ

‘ಪರಖ್‌’ (PARAKH) ರಾಷ್ಟ್ರೀಯ ಸಮೀಕ್ಷೆ 2024 ವರದಿಯ ಭಾಗವಾಗಿ ಕರ್ನಾಟಕವೂ ಸೇರಿದಂತೆ ವಿವಿಧ ರಾಜ್ಯಗಳಲ್ಲಿರುವ ಕೇಂದ್ರ ಸರ್ಕಾರದ ಶಾಲೆಗಳು, ರಾಜ್ಯ ಸರ್ಕಾರದ ಶಾಲೆಗಳು, ಖಾಸಗಿ ಹಾಗೂ ಅನುದಾನಿತ ಶಾಲೆಗಳ 3, 6 ಮತ್ತು 9ನೇ ತರಗತಿಯ ವಿದ್ಯಾರ್ಥಿಗಳ ವಿಷಯವಾರು ಕಲಿಕಾ ಸಾಮರ್ಥ್ಯವನ್ನು ಮೌಲ್ಯಮಾಪನ ಮಾಡಲಾಗಿದೆ. ಸಮೀಕ್ಷೆಯಲ್ಲಿ ಕರ್ನಾಟಕದ ಮಕ್ಕಳ ಕಲಿಕಾ ಸಾಮರ್ಥ್ಯದ ಸರಾಸರಿ ರಾಷ್ಟ್ರೀಯ ಸರಾಸರಿಗಿಂತ ಕಡಿಮೆ ಇದ್ದು, ಕಲಿಕೆಯಲ್ಲಿ ಮಕ್ಕಳು  ಹಿಂದುಳಿದಿದ್ದಾರೆ. ರಾಜ್ಯದ ಜಿಲ್ಲೆಗಳು ವಿವಿಧ ವಿಷಯಗಳ ಕಲಿಕೆಯಲ್ಲಿ ಯಾವ ಯಾವ ಸ್ಥಾನದಲ್ಲಿವೆ ಎನ್ನುವುದನ್ನೂ ವರದಿ ಒಳಗೊಂಡಿದೆ