ಉತ್ತರ ಪ್ರದೇಶದಲ್ಲಿ ಹೊಸ ನ್ಯಾಯ‌ದಾನ ವ್ಯವಸ್ಥೆಯೊಂದು ಸದ್ದು ಮಾಡುತ್ತಿದೆ. ಸಂಘಟಿತ ಅಪರಾಧಗಳು ಸೇರಿದಂತೆ ಮಾಫಿಯಾ ಮಟ್ಟ ಹಾಕುವುದು, ಪೋಕ್ಸೊ, ಕೊಲೆಯಂಥ ಗಂಭೀರ ಪ್ರಕರಣಗಳ ತ್ವರಿತ ವಿಲೇವಾರಿಗೆ ರೂಪಿಸಲಾಗಿರುವ ‘ಆಪರೇಷನ್ ಕನ್ವಿಕ್ಷನ್’ ಹೆಸರಿನ ವ್ಯವಸ್ಥೆ ಜಾರಿಗೆ ಬಂದ ಎರಡು ವರ್ಷಗಳಲ್ಲಿ 97,158 ಅಪರಾಧಿಗಳಿಗೆ ಶಿಕ್ಷೆಯಾಗಿದೆ. ಎನ್‌ಕೌಂಟರ್‌ ಹತ್ಯೆಗಳು, ಬುಲ್ಡೋಜರ್‌ ಬಳಸಿ ಆರೋಪಿಗಳು, ಅಪರಾಧಿಗಳ ಆಸ್ತಿಯನ್ನು ಧ್ವಂಸಗೊಳಿಸುವುದಕ್ಕೆ ನ್ಯಾಯಾಂಗ ಸೇರಿದಂತೆ ವಿವಿಧ ವಲಯಗಳಿಂದ ಉತ್ತರ ಪ್ರದೇಶದ ಬಿಜೆಪಿ ಸರ್ಕಾರ ಟೀಕೆಗೆ ಗುರಿಯಾಗಿತ್ತು. ಆದರೆ, ಎರಡು ವರ್ಷಗಳ ಹಿಂದೆ ಅದು ಅನುಷ್ಠಾನಗೊಳಿಸಿರುವ ‘ಆಪರೇಷನ್‌ ಕನ್ವಿಕ್ಷನ್‌’ ಈಗ ದೇಶದ ಗಮನ ಸೆಳೆದಿದೆ