Fact Check| ನ್ಯೂಯಾರ್ಕ್‌ ಟೈಮ್ಸ್ ಮುಖಪುಟ ಆವರಿಸಿದರೇ ಮೋದಿ?

ವೈರಲ್ ಆಗಿರುವ ಸ್ಕ್ರೀನ್‌ಶಾಟ್‌ನಲ್ಲಿರುವ ಕೆಲವು ಅಂಶಗಳು ಸಂದೇಹಾಸ್ಪದವಾಗಿವೆ. ಮುಖಪುಟದಲ್ಲಿ ‘ಸೆಪ್ಟೆಂಬರ್’ ಎಂಬುದರ ಸ್ಪೆಲ್ಲಿಂಗ್‌ ತಪ್ಪಾಗಿ ಬರೆಯಲಾಗಿದೆ. ಹೆಡ್‌ಲೈನ್‌ನಲ್ಲಿ ಬಳಸಿದ ಅಕ್ಷರದ ಸ್ವರೂಪ ಪತ್ರಿಕೆಯ ಎಂದಿನ ರೀತಿಯಲ್ಲಿಲ್ಲ. ಚಿತ್ರದ ಅಡಿಬರಹವು ನೂರು ವರ್ಷಗಳ ಇತಿಹಾಸ ಹೊಂದಿರುವ ಪತ್ರಿಕೆಗೆ ತಕ್ಕುದಾಗಿಲ್ಲ ಎಂದು ಲಾಜಿಕಲ್ ಇಂಡಿಯನ್ ಫ್ಯಾಕ್ಟ್ ಚೆಕ್ ತಂಡ ಅಭಿಪ್ರಾಯಪಟ್ಟಿದೆ. ನ್ಯೂಯಾರ್ಕ್ ಟೈಮ್ಸ್ ಪತ್ರಿಕೆಯ ಸೆ. 26ರ ಆವೃತ್ತಿಯನ್ನು ಪರಿಶೀಲಿಸಿದಾಗ, ವೈರಲ್ ಆಗಿರುವ ಚಿತ್ರದ ಯಾವ ಅಂಶವೂ ಪತ್ರಿಕೆಯ ಮುಖಪುಟದಲ್ಲಿ ಕಂಡುಬಂದಿಲ್ಲ. ಹೀಗಾಗಿ ಇದು ಕಿಡಿಗೇಡಿಗಳು ಫೋಟೊಶಾಪ್‌ನಲ್ಲಿ ಮಾಡಿದ ದುಷ್ಕೃತ್ಯ ಎಂದು ಅಭಿಪ್ರಾಯಪಟ್ಟಿದೆ.