ದಿನ ಭವಿಷ್ಯ: ಈ ರಾಶಿಯವರು ವೃತ್ತಿ– ಕನಸಿನ ನಡುವಿನ ಗೊಂದಲ ಪರಿಹರಿಸಿಕೊಳ್ಳುವಿರಿ
Published 8 ಆಗಸ್ಟ್ 2025, 20:06 IST
ವಿದ್ಯಾಶಂಕರ ಸೋಮಯಾಜಿ, ಕಮ್ಮರಡಿ
ಮೇಷ
ಮಾಡುತ್ತಿರುವ ಕೆಲಸಗಳಿಗೆ ಶ್ರದ್ಧೆಯಿಂದ ಸಹಚರರು ಕೈಜೋಡಿಸದೆ ಇರುವುದು ಕಷ್ಟಕ್ಕೆ ಕಾರಣವಾಗಬಹುದು. ದೂಳು ಹಾಗು ಸಣ್ಣ ಕಸಗಳಿಂದ ಶ್ವಾಸಕೋಶ ಹಾಗು ಶ್ವಾಸನಾಳಕ್ಕೆ ತೊಂದರೆ ಉಂಟಾಗಬಹುದು.
08 ಆಗಸ್ಟ್ 2025, 20:06 IST
ವೃಷಭ
ಕಟ್ಟಡ ರಚನೆಯಂಥ ಕಾರ್ಯಗಳು ಭರದಿಂದ ಸಾಗಲಿವೆ. ಈಗಿನ ಪೈಪೋಟಿ ಜೀವನದಲ್ಲಿ ಲಾಭದ ಅಂಶವನ್ನು ಪರಿಗಣಿಸಬೇಡಿ. ವಿದ್ಯುತ್ ಉಪಕರಣಗಳಿಂದ ಅಪಾಯ ಸಾಧ್ಯತೆ ಇರುವುದರಿಂದ ಎಚ್ಚರವಾಗಿರಿ.
08 ಆಗಸ್ಟ್ 2025, 20:06 IST
ಮಿಥುನ
ಶಾಸ್ತ್ರಜ್ಞರಿಗೆ ಬಂದ ಉತ್ತಮ ಅವಕಾಶಗಳನ್ನು ಉಪಯೋಗಿಸಿಕೊಳ್ಳಿ. ಇಚ್ಛೆಯ ಸಂಸ್ಥೆಯ ಕೆಲಸವನ್ನು ನಿರೀಕ್ಷಿಸುವುದರಲ್ಲಿ ಹುರುಳಿಲ್ಲವೆಂದು ಕಾಣುತ್ತದೆ. ವಿದ್ಯಾಭ್ಯಾಸದ ನಿರ್ಲಕ್ಷ್ಯ ತಲೆನೋವಾಗಬಹುದು.
08 ಆಗಸ್ಟ್ 2025, 20:06 IST
ಕರ್ಕಾಟಕ
ಧಾರ್ಮಿಕ ಕಾರ್ಯಕ್ರಮದ ಜವಾಬ್ದಾರಿ ತೆಗೆದುಕೊಳ್ಳುವುದು ಶ್ರೇಯಸ್ಸಿಗೆ ಕಾರಣವಾಗುತ್ತದೆ. ವೈದ್ಯರು ವೃತ್ತಿಯಲ್ಲಿ ಮುಖ್ಯವಾಗಿ ಹೆಚ್ಚಿನ ಜಾಗ್ರತೆ ವಹಿಸುವುದು ಒಳ್ಳೆಯದು. ದೃಷ್ಟಿಕೋನದಲ್ಲಿ ಪರಾಮರ್ಶಿಸಿಕೊಳ್ಳಿರಿ.
08 ಆಗಸ್ಟ್ 2025, 20:06 IST
ಸಿಂಹ
ಮನೆಯ ರಕ್ಷಣೆ ವಿಚಾರದಲ್ಲಿ ಎದುರಾದ ಸಮಸ್ಯೆಗಳು ಪರಿಹಾರ ಕಾಣಲಿವೆ. ಯಾವುದೇ ವಿಚಾರದಲ್ಲಿಯೂ ಆತುರದ ನಿರ್ಧಾರ ಒಳ್ಳೆಯದಲ್ಲ. ಹೆಂಡತಿಯ ಆರೋಗ್ಯದಲ್ಲಿ ಸಾಕಷ್ಟು ಸುಧಾರಣೆ ಕಾಣಲಿದೆ.
08 ಆಗಸ್ಟ್ 2025, 20:06 IST
ಕನ್ಯಾ
ವೃತ್ತಿಪರವಾಗಿ ವಿದೇಶಕ್ಕೆ ಹೋಗುವ ಬಯಕೆಗೆ, ಕೆಲವೊಂದು ಷರತ್ತುಗಳನ್ನು ಒಪ್ಪಿಕೊಂಡಲ್ಲಿ ಈಡೇರುವ ಸಾಧ್ಯತೆಗಳಿದೆ. ಕೃಷಿ ಹಾಗೂ ಹೈನು ವ್ಯಾಪಾರಗಳಿಂದ ಅಧಿಕ ಲಾಭ. ಕೃಷ್ಣನನ್ನು ಆರಾಧಿಸಿ ಉತ್ತರ ಸಿಗುವುದು.
08 ಆಗಸ್ಟ್ 2025, 20:06 IST
ತುಲಾ
ಅತಿಯಾದರೆ ಅಮೃತವು ವಿಷ ಎಂಬಂತೆ ಮಕ್ಕಳ ಮೇಲಿನ ಅತಿ ಪ್ರೀತಿ ಮಾರಕವಾಗಿ ಪರಿಣಮಿಸಬಹುದು. ಅಭಿವೃದ್ಧಿಗೆ ಕುಂಠಿತವಾಗಬಹುದು. ಸೌಹಾರ್ದಯುತ ಸಂಬಂಧಗಳನ್ನು ಕಾಯ್ದುಕೊಳ್ಳುವಲ್ಲಿ ಯಶಸ್ವಿಯಾಗುವಿರಿ.
08 ಆಗಸ್ಟ್ 2025, 20:06 IST
ವೃಶ್ಚಿಕ
ಮನೆಯ ವಿಸ್ತರಣೆ ವಿಷಯವಾಗಿ ಉತ್ತಮ ಆಲೋಚನೆಗಳು ಗರಿಗೆದರಲಿವೆ. ದೂರ ಪ್ರವಾಸದಿಂದ ಖರ್ಚು ಉಂಟಾದರೂ ಮನಸ್ಸಿಗೆ ಹಿತ. ಕುಟುಂಬದ ಸದಸ್ಯರ ಅಭಿವೃದ್ಧಿಯಿಂದ ಕೀರ್ತಿ ಪ್ರತಿಷ್ಠೆಗಳು ಹೆಚ್ಚಲಿವೆ.
08 ಆಗಸ್ಟ್ 2025, 20:06 IST
ಧನು
ವೃತ್ತಿ ಮತ್ತು ಕನಸಿನ ನಡುವೆ ಮೂಡಿದ್ದ ಗೊಂದಲಗಳನ್ನು ಪರಿಹರಿಸಿಕೊಳ್ಳುವಿರಿ. ವೃತ್ತಿಯಲ್ಲಿ ಪ್ರತಿಭೆ ಪ್ರದರ್ಶಿಸಲು ಸಕಾಲ. ಪ್ರೇಮ ಜೀವನದ ಸಾಫಲ್ಯಕ್ಕೆ ಹೊಂದಾಣಿಕೆಯೇ ಮೈಲಿಗಲ್ಲು ಎಂಬುವುದನ್ನು ಮರೆಯದಿರಿ.
08 ಆಗಸ್ಟ್ 2025, 20:06 IST
ಮಕರ
ಬಿಡುವಿಲ್ಲದ ದಿನಚರಿಯಲ್ಲಿ ಆಯಾಸವಾಗಿದ್ದರೂ ಮನೆಯವರಿಗೆ ಸಮಯವು ಅತ್ಯಂತ ಪ್ರಮುಖವಾಗಿರುತ್ತದೆ. ಹರಿತವಾದ ಮಾತುಗಳು ನಿಮ್ಮನ್ನು ಇಂದು ಘಾಸಿಗೊಳಿಸಬಹುದು.
08 ಆಗಸ್ಟ್ 2025, 20:06 IST
ಕುಂಭ
ಸಂಪೂರ್ಣ ಮುಗಿಸಲೇಬೇಕೆಂದು ಪಣತೊಟ್ಟು ನಿಯೋಜಿತ ಕೆಲಸಗಳನ್ನು ಮಾಡಿದರೆ ಇನ್ನೊಂದು ಹೊಸ ಕೆಲಸ ಕಾದಿರುತ್ತದೆ. ಸಂಗೀತಗಾರರಿಗೆ, ನೃತ್ಯ ಕಲೆಗಳಿಗೆ ಮನ್ನಣೆ ಸಿಗಲಿದೆ.
08 ಆಗಸ್ಟ್ 2025, 20:06 IST
ಮೀನ
ಕೆಲಸಕ್ಕೆ ಬೇಕಾದ ಎಲ್ಲಾ ಮಾಹಿತಿಗಳನ್ನು ಸಂಗ್ರಹಿಸಿಕೊಳ್ಳುವುದು ಯಶಸ್ಸಿಗೆ ಕಾರಣವಾಗುತ್ತದೆ. ಆತ್ಮವಿಶ್ವಾಸದಿಂದ ಸಕಾರಾತ್ಮಕವಾಗಿ ಮುಂದುವರಿಯಿರಿ. ನೀಲಿ ಬಣ್ಣ ಶುಭದಾಯಕ.
08 ಆಗಸ್ಟ್ 2025, 20:06 IST