<p><strong>ಮುಂಬೈ: </strong>‘ಕೋವಿಡ್19‘ ಮಾರ್ಗಸೂಚಿಯೊಂದಿಗೆ ಈಗಾಗಲೇ ನಗರದಲ್ಲಿ ನಿಗದಿಪಡಿಸಿರುವ ವಿವಿಧ ರಾಜ್ಯ, ರಾಷ್ಟ್ರ ಮತ್ತು ಅಂತರರಾಷ್ಟ್ರೀಯ ಶಿಕ್ಷಣ ಮಂಡಳಿಗಳ ಪರೀಕ್ಷೆಯನ್ನು ಭೌತಿಕವಾಗಿಯೇ ನಡೆಸಲು ಬೃಹನ್ ಮುಂಬೈ ಮಹಾನಗರ ಪಾಲಿಕೆ(ಬಿಎಂಸಿ) ಅವಕಾಶ ನೀಡಿದೆ.</p>.<p>ಜನವರಿ 18 ರಿಂದ ಈ ಎಲ್ಲ ಪರೀಕ್ಷೆಗಳನ್ನು ಆರಂಭಿಸಲು ಅವಕಾಶ ನೀಡಲಾಗಿದೆ ಎಂದು ಬುಧವಾರ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.</p>.<p>ಪರೀಕ್ಷೆಗಳನ್ನು ನಡೆಸಲು ಅವಕಾಶ ನೀಡದಿದ್ದರೆ, ವಿದ್ಯಾರ್ಥಿಗಳಿಗೆ ಒಂದು ವರ್ಷ ನಷ್ಟವಾಗಬಹುದು ಎಂಬ ಹಿನ್ನೆಲೆಯಲ್ಲಿ ಎಲ್ಲ ರಾಜ್ಯ, ರಾಷ್ಟ್ರ ಮತ್ತು ಅಂತರರಾಷ್ಟ್ರೀಯ ಮಂಡಳಿಗಳು ಪರೀಕ್ಷೆ ನಡೆಸಲು ಅವಕಾಶ ಕಲ್ಪಿಸಿದೆ ಎಂದು ಬಿಎಂಸಿ ಮಂಗಳವಾರ ತಡರಾತ್ರಿ ಹೊರಡಿಸಿದ ಆದೇಶದಲ್ಲಿ ಉಲ್ಲೇಖಿಸಿದೆ.</p>.<p>ಇದೇ ವೇಳೆ, ‘ಕೋವಿಡ್ 19‘ನ ಎರಡನೇ ಅಲೆ ಭೀತಿಯಿಂದಾಗಿ ಜ. 15ರವರೆಗೆ ಶಾಲಾ ಕಾಲೇಜುಗಳು ತೆರೆಯುವುದನ್ನು ಮುಂದೂಡಿದೆ.</p>.<p>ಇಂಟರ್ನ್ಯಾಷನಲ್ ಸ್ಕೂಲ್ಸ್ ಅಸೋಸಿಯೇಶನ್ (ಕೇಂಬ್ರಿಡ್ಜ್ ಬೋರ್ಡ್) ಸದಸ್ಯರು 9 ರಿಂದ 12 ನೇ ತರಗತಿಗಳ ಪ್ರಾಥಮಿಕ ಅಥವಾ ಪೂರ್ವ ಯೋಜಿತ ಪರೀಕ್ಷೆಗಳನ್ನು ನಡೆಸಬಹುದು ಎಂದು ಆದೇಶದಲ್ಲಿ ತಿಳಿಸಲಾಗಿದೆ.</p>.<p>ಎಸ್ಎಸ್ಸಿ, ಎಚ್ಎಸ್ಸಿ (ಮಹಾರಾಷ್ಟ್ರ ಮಂಡಳಿ), ಸಿಬಿಎಸ್ಇ, ಐಬಿ, ಸಿಐಎಸ್ಸಿಇ ಮತ್ತು ಐಜಿಸಿಎಸ್ಇ ಮತ್ತು ಇತರ ಮಂಡಳಿಗಳು ತಮ್ಮ ಯೋಜಿತ ಸಮಯ ವೇಳಾಪಟ್ಟಿಯ ಪ್ರಕಾರ ಘೋಷಿತ ಮತ್ತು 10 ಮತ್ತು 12 ನೇ ತರಗತಿಗಳ ಪರೀಕ್ಷೆಗಳನ್ನು ನಡೆಸಬಹುದು ಎಂದು ಬಿಎಂಸಿ ಆದೇಶದಲ್ಲಿ ತಿಳಿಸಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮುಂಬೈ: </strong>‘ಕೋವಿಡ್19‘ ಮಾರ್ಗಸೂಚಿಯೊಂದಿಗೆ ಈಗಾಗಲೇ ನಗರದಲ್ಲಿ ನಿಗದಿಪಡಿಸಿರುವ ವಿವಿಧ ರಾಜ್ಯ, ರಾಷ್ಟ್ರ ಮತ್ತು ಅಂತರರಾಷ್ಟ್ರೀಯ ಶಿಕ್ಷಣ ಮಂಡಳಿಗಳ ಪರೀಕ್ಷೆಯನ್ನು ಭೌತಿಕವಾಗಿಯೇ ನಡೆಸಲು ಬೃಹನ್ ಮುಂಬೈ ಮಹಾನಗರ ಪಾಲಿಕೆ(ಬಿಎಂಸಿ) ಅವಕಾಶ ನೀಡಿದೆ.</p>.<p>ಜನವರಿ 18 ರಿಂದ ಈ ಎಲ್ಲ ಪರೀಕ್ಷೆಗಳನ್ನು ಆರಂಭಿಸಲು ಅವಕಾಶ ನೀಡಲಾಗಿದೆ ಎಂದು ಬುಧವಾರ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.</p>.<p>ಪರೀಕ್ಷೆಗಳನ್ನು ನಡೆಸಲು ಅವಕಾಶ ನೀಡದಿದ್ದರೆ, ವಿದ್ಯಾರ್ಥಿಗಳಿಗೆ ಒಂದು ವರ್ಷ ನಷ್ಟವಾಗಬಹುದು ಎಂಬ ಹಿನ್ನೆಲೆಯಲ್ಲಿ ಎಲ್ಲ ರಾಜ್ಯ, ರಾಷ್ಟ್ರ ಮತ್ತು ಅಂತರರಾಷ್ಟ್ರೀಯ ಮಂಡಳಿಗಳು ಪರೀಕ್ಷೆ ನಡೆಸಲು ಅವಕಾಶ ಕಲ್ಪಿಸಿದೆ ಎಂದು ಬಿಎಂಸಿ ಮಂಗಳವಾರ ತಡರಾತ್ರಿ ಹೊರಡಿಸಿದ ಆದೇಶದಲ್ಲಿ ಉಲ್ಲೇಖಿಸಿದೆ.</p>.<p>ಇದೇ ವೇಳೆ, ‘ಕೋವಿಡ್ 19‘ನ ಎರಡನೇ ಅಲೆ ಭೀತಿಯಿಂದಾಗಿ ಜ. 15ರವರೆಗೆ ಶಾಲಾ ಕಾಲೇಜುಗಳು ತೆರೆಯುವುದನ್ನು ಮುಂದೂಡಿದೆ.</p>.<p>ಇಂಟರ್ನ್ಯಾಷನಲ್ ಸ್ಕೂಲ್ಸ್ ಅಸೋಸಿಯೇಶನ್ (ಕೇಂಬ್ರಿಡ್ಜ್ ಬೋರ್ಡ್) ಸದಸ್ಯರು 9 ರಿಂದ 12 ನೇ ತರಗತಿಗಳ ಪ್ರಾಥಮಿಕ ಅಥವಾ ಪೂರ್ವ ಯೋಜಿತ ಪರೀಕ್ಷೆಗಳನ್ನು ನಡೆಸಬಹುದು ಎಂದು ಆದೇಶದಲ್ಲಿ ತಿಳಿಸಲಾಗಿದೆ.</p>.<p>ಎಸ್ಎಸ್ಸಿ, ಎಚ್ಎಸ್ಸಿ (ಮಹಾರಾಷ್ಟ್ರ ಮಂಡಳಿ), ಸಿಬಿಎಸ್ಇ, ಐಬಿ, ಸಿಐಎಸ್ಸಿಇ ಮತ್ತು ಐಜಿಸಿಎಸ್ಇ ಮತ್ತು ಇತರ ಮಂಡಳಿಗಳು ತಮ್ಮ ಯೋಜಿತ ಸಮಯ ವೇಳಾಪಟ್ಟಿಯ ಪ್ರಕಾರ ಘೋಷಿತ ಮತ್ತು 10 ಮತ್ತು 12 ನೇ ತರಗತಿಗಳ ಪರೀಕ್ಷೆಗಳನ್ನು ನಡೆಸಬಹುದು ಎಂದು ಬಿಎಂಸಿ ಆದೇಶದಲ್ಲಿ ತಿಳಿಸಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>