ನವದೆಹಲಿ: ಭ್ರಷ್ಟಾಚಾರ ಪ್ರಕರಣದಲ್ಲಿ ಬಂಧಿತರಾಗಿದ್ದ ಮಹಾರಾಷ್ಟ್ರದ ಮಾಜಿ ಗೃಹ ಸಚಿವ ಅನಿಲ್‌ ದೇಶಮುಖ್‌ ಅವರಿಗೆ ಬಾಂಬೆ ಹೈಕೋರ್ಟ್‌ ಜಾಮೀನು ನೀಡಿದ್ದನ್ನು ಪ್ರಶ್ನಿಸಿ ಸಿಬಿಐ ಸುಪ್ರೀಂ ಕೋರ್ಟ್‌ಗೆ ಅರ್ಜಿ ಸಲ್ಲಿಸಿದೆ.
ಅನಿಲ್‌ ಅವರಿಗೆ ಜಾಮೀನು ನೀಡುವಾಗ ತನಿಖೆಗೆ ಆಗುವ ಗಂಭೀರ ಅಪಾಯಗಳನ್ನು ಹೈಕೋರ್ಟ್‌ ಲೆಕ್ಕಿಸಿಲ್ಲ ಎಂದು ಸಿಬಿಐ ತನ್ನ ಅರ್ಜಿಯಲ್ಲಿ ಹೇಳಿದೆ.
ಡಿ.12 ರಂದು ಹೈಕೋರ್ಟ್‌ ಎನ್‌ಸಿಪಿ ನಾಯಕ ಅನಿಲ್‌ಗೆ ಜಾಮೀನು ನೀಡಿದೆ. ಆದರೆ 10 ದಿನಗಳ ಬಳಿಕ ಇದು ಜಾರಿಗೆ ಬರಲಿದೆ ಎಂದು ತಿಳಿಸಿತ್ತು. ಅದರ ನಡುವೆಯೇ ಈ ಅರ್ಜಿ ಸಲ್ಲಿಸಲಾಗಿದೆ.
