ಬಾಲಾಸೋರ್‌, ಒಡಿಶಾ: ಎಸ್ಎಫ್ಡಿಆರ್ (ಸಾಲಿಡ್‌ ಫ್ಯುಯಲ್‌ ಡಕ್ಟೆಡ್ ರಾಮ್‌ಜೆಟ್‌) ತಂತ್ರಜ್ಞಾನ ಆಧರಿತ ಯುದ್ಧವಿಮಾನದ ಪರೀಕ್ಷಾರ್ಥ ಹಾರಾಟವನ್ನು ರಕ್ಷಣಾ ಸಂಶೋಧನೆ ಮತ್ತು ಅಭಿವೃದ್ಧಿ ಸಂಸ್ಥೆ ಶುಕ್ರವಾರ ಒಡಿಶಾದಲ್ಲಿ ಯಶಸ್ವಿಯಾಗಿ ನಡೆಸಿತು.
ಚಾಂದಿಪುರ್‌ ಉಡಾವಣಾ ಕೇಂದ್ರದಲ್ಲಿ ಬೆಳಿಗ್ಗೆ 10.30 ಸುಮಾರಿಗೆ ಈ ಪ್ರಯೋಗ ನಡೆಯಿತು. ಈ ಯಶಸ್ಸಿ ಪ್ರಯೋಗದ ಹಿನ್ನೆಲೆಯಲ್ಲಿ ಡಿಆರ್‌ಡಿಒ ಈಗ ದೂರಗಾಮಿ ಗುರಿಯ ಕ್ಷಿಪಣಿಗಳನ್ನು ಅಭಿವೃದ್ಧಿಪಡಿಸುವುದು ಸಾಧ್ಯವಾಗಲಿದೆ ಎಂದು ಮೂಲಗಳು ತಿಳಿಸಿವೆ.
ವಿಮಾನದ ಹಾರಾಟದ ವೇಳೆ ಗ್ರೌಂಡ್‌ ಬೂಸ್ಟರ್‌ ಮೋಟಾರ್‌ ಒಳಗೊಂಡಂತೆ ಎಲ್ಲ ಯಾಂತ್ರಿಕ ವ್ಯವಸ್ಥೆಯು ನಿರೀಕ್ಷೆಯಂತೆ ಕಾರ್ಯನಿರ್ವಹಿಸಿದವು ಎಂದು ಮೂಲಗಳು ತಿಳಿಸಿವೆ.
