ಗುಜರಾತ್: ಕೋತಿಯನ್ನು ನುಂಗಿದ್ದ 11 ಅಡಿ ಹೆಬ್ಬಾವಿನ ರಕ್ಷಣೆ
ಅಕ್ಷರ ಗಾತ್ರ :ಆ |ಆ |ಆ
ಅಹಮದಾಬಾದ್‌: ಕೋತಿಯನ್ನು ನುಂಗಿದ್ದ 11 ಅಡಿ ಉದ್ದದ ಹೆಬ್ಬಾವನ್ನು ಗುಜರಾತಿನ ವಡೋದರಾ ನಗರದ ಬಳಿಯ ನದಿ ತೀರದಲ್ಲಿ ರಕ್ಷಿಸಲಾಗಿದೆ ಎಂದು ಅರಣ್ಯ ಅಧಿಕಾರಿಗಳು ಮಂಗಳವಾರ ತಿಳಿಸಿದ್ದಾರೆ.
ವಡೋದರಾ ಬಳಿಯ ವಾಸ್ನಾ–ಕೊಟಾರಿಯಾ ಹಳ್ಳಿಯ ನಡುವೆ ಹಾದು ಹೋಗುತ್ತಿದ್ದ ಈ ಬೃಹತ್‌ ಹೆಬ್ಬಾವನ್ನು ಸ್ಥಳೀಯರು ಗಮನಿಸಿದ್ದಾರೆ. ನಂತರ ಗ್ರಾಮಸ್ಥರು ಕರೆಲಿಬಾಗ್‌ ವ್ಯಾಪ್ತಿಯ ಅರಣ್ಯ ಕಚೇರಿಗೆ ಮಾಹಿತಿ ನೀಡಿದ್ದಾರೆ ಎಂದು ವನ್ಯಜೀವಿ ಸಂರಕ್ಷಕ ಶೈಲೇಶ್ ರಾವಲ್ ತಿಳಿಸಿದರು.
‘ಹಲವು ಪ್ರಯತ್ನಗಳ ನಂತರ, ನಮ್ಮ ತಂಡ ಹೆಬ್ಬಾವನ್ನು ಹಿಡಿಯುವವಲ್ಲಿ ಯಶಸ್ವಿಯಾಯಿತು. ನಾವು ಅದನ್ನು ಕರೆಲಿಬಾಗ್‌ನಲ್ಲಿರುವ ರಕ್ಷಣಾ ಕೇಂದ್ರಕ್ಕೆ ಕರೆತಂದೆವು. ನಂತರ ಹೆಬ್ಬಾವು ನುಂಗಿದ್ದ ಕೋತಿಯನ್ನು ಹೊರತೆಗೆಯಲಾಯಿತು‘ ಎಂದು ರಾವಲ್ ಸುದ್ದಿ ಸಂಸ್ಥೆಗೆ ತಿಳಿಸಿದರು.
ಹೆಬ್ಬಾವಿಗೆ ಚಿಕಿತ್ಸೆ ನೀಡಿದ್ದು ನಿಗಾದಲ್ಲಿಡಲಾಗಿದೆ. ಹಾವು ಆರೋಗ್ಯವಾಗಿದೆ ಎಂದು ಪಶುವೈದ್ಯರು ದೃಢಪಡಿಸಿದ ನಂತರ, ಕಾಡಿಗೆ ಬಿಡಲಾಗುವುದು ಎಂದು ಅವರು ಹೇಳಿದರು.
ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ
ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.
