ಬೆಂಗಳೂರು: ತಿರುವನಂತಪುರ ಬಳಿಯ ಉಡ್ಡಯನ ಕೇಂದ್ರದಿಂದ ಇಸ್ರೊದ ‘ಆರ್ಎಚ್200’ ರಾಕೆಟ್ ಅನ್ನು ಬುಧವಾರ ಯಶಸ್ವಿಯಾಗಿ ಉಡಾವಣೆ ಮಾಡಲಾಯಿತು.
‘ಇದು ಈ ಸರಣಿಯಲ್ಲಿ ಸಂಸ್ಥೆಯು ನೆರವೇರಿಸಿರುವ 200ನೇ ಉಡ್ಡಯನವಾಗಿದೆ. ಮಾಜಿ ರಾಷ್ಟ್ರಪತಿ ರಾಮನಾಥ ಕೋವಿಂದ್, ಇಸ್ರೊ ಅಧ್ಯಕ್ಷ ಎಸ್.ಸೋಮನಾಥ್ ಅವರು ಈ ಐತಿಹಾಸಿಕ ಕ್ಷಣಕ್ಕೆ ಸಾಕ್ಷಿಯಾದರು’ ಎಂದು ಸಂಸ್ಥೆ ಹೇಳಿದೆ.
‘ಆರ್ಎಚ್200’ ಎಂಬುದು ಹವಾಮಾನವಿಜ್ಞಾನ, ಖಗೋಳವಿಜ್ಞಾನದಲ್ಲಿ ಸಂಶೋಧನೆಗೆ ಸಂಬಂಧಿಸಿದ ಪ್ರಯೋಗಗಳನ್ನು ನಡೆಸಲು ಬಳಸುವ ರಾಕೆಟ್ ಆಗಿದೆ.