<p><strong>ನವದೆಹಲಿ: </strong>ಬಿಹಾರದ ಜೆಡಿಯು ಶಾಸಕ ಗೋಪಾಲ್ ಮಂಡಲ್ ಅವರು ರೈಲಿನಲ್ಲಿ ಒಳ ಉಡುಪು ಧರಿಸಿ ಸಂಚರಿಸುತ್ತಿದ್ದರೆಂಬ ಕಾರಣಕ್ಕೆ ಪ್ರಯಾಣಿಕರೊಬ್ಬರು ಅವರೊಂದಿಗೆ ವಾಗ್ವಾದಕ್ಕೆ ಇಳಿದಿದ್ದು ಈ ಬಗ್ಗೆ ಸ್ಪಷ್ಟನೆ ನೀಡಿದ ಮಂಡಲ್ ಅವರು,‘ ನನ್ನ ಹೊಟ್ಟೆ ಕೆಟ್ಟಿತ್ತು. ಹಾಗಾಗಿ ಆತುರದಲ್ಲಿ ಒಳಉಡುಪಿನಲ್ಲೇ ನಾನು ಶೌಚಾಲಯಕ್ಕೆ ತೆರಳಿದೆ’ ಎಂದಿದ್ದಾರೆ.</p>.<p>ಪಟ್ನಾ–ನವದೆಹಲಿ ತೇಜಸ್ ರಾಜಧಾನಿ ರೈಲಿನಲ್ಲಿ ಗುರುವಾರ ಈ ಘಟನೆ ನಡೆದಿದೆ. ರೈಲ್ವೆ ಪೊಲೀಸ್ ಪಡೆ(ಆರ್ಪಿಎಫ್) ಮತ್ತು ಟಿಕೆಟ್ ಪರೀಕ್ಷಕರು ಮಧ್ಯ ಪ್ರವೇಶಿಸಿ ಅವರಿಬ್ಬರ ನಡುವಿನ ವಾಗ್ವಾದವನ್ನು ನಿಲ್ಲಿಸಿದರು.</p>.<p>‘ನಾನು ರೈಲು ಹತ್ತಿದ ತಕ್ಷಣ ಶೌಚಾಲಯಕ್ಕೆ ಹೋಗುವ ಆತುರದಲ್ಲಿದ್ದೆ. ಈ ಅವಸರದಲ್ಲಿ ಕುರ್ತಾ ಮತ್ತು ಪೈಜಾಮಾ ತೆಗೆದು ಟವೆಲ್ ಅನ್ನು ಸೊಂಟಕ್ಕೆ ಸುತ್ತುವ ಬದಲು, ಭುಜದ ಮೇಲೆ ಹಾಕಿ ಶೌಚಾಲಯದತ್ತ ತೆರಳಿದೆ’ ಎಂದು ಮಂಡಲ್ ವರದಿಗಾರರಿಗೆ ತಿಳಿಸಿದರು.</p>.<p>‘ಹೊಟ್ಟೆ ಕೆಟ್ಟಿದ್ದರಿಂದ ನಾನು ಒಳ ಉಡುಪಿನಲ್ಲೇ ಹೋದೆ. ಟವೆಲ್ ಅನ್ನು ಸೊಂಟಕ್ಕೆ ಸುತ್ತಿಕೊಳ್ಳಬೇಕಿತ್ತು. ಆದರೆ ಅದಕ್ಕೆ ಸಮಯ ಸಿಗಲಿಲ್ಲ. ಈ ವೇಳೆ ಪ್ರಯಾಣಿಕರೊಬ್ಬರು ನನ್ನನ್ನು ತಡೆದು, ನಗ್ನವಾಗಿ ಏಕೆ ಓಡಾಡುತ್ತಿದ್ದೀರಿ ಎಂದು ಪ್ರಶ್ನಿಸಿದರು’ ಎಂದು ಅವರು ಹೇಳಿದರು.</p>.<p>‘ನನ್ನನ್ನು ಹೀಗೆ ತಡೆಯಲು ನೀವು ಯಾರು ಎಂದು ಪ್ರಶ್ನಿಸಿದಾಗ, ಅವರು ನಾನು ಸಾರ್ವಜನಿಕ ಎಂದು ಉತ್ತರಿಸಿದರು. ಇದಕ್ಕೆ ನಾನು ಒಬ್ಬ ಶಾಸಕನೊಂದಿಗೆ ಯಾರು ಹೀಗೆ ವರ್ತಿಸುತ್ತಾರೆ ಎಂದು ಕೇಳಿದೆ. ಅಷ್ಟರೊಳಗೆ ಸ್ಥಳಕ್ಕೆ ಪೊಲೀಸರು ಆಗಮಿಸಿದರು. ಆಗ ಅವರು ನನ್ನ ಕೈ ಹಿಡಿದು, ತಳ್ಳಿದರು. ಇದರಿಂದ ನನಗೆ ಮುಜುಗರವಾಯಿತು. ಬಳಿಕ ನಾನು ಅವರಲ್ಲಿ ಕ್ಷಮೆಯಾಚಿಸಿದೆ’ ಎಂದು ಅವರು ತಿಳಿಸಿದರು.</p>.<p>‘ಆ ಬೋಗಿಯಲ್ಲಿ ಮಹಿಳಾ ಪ್ರಯಾಣಿಕರು ಕೂಡ ಇರಲಿಲ್ಲ’ ಎಂದು ಅವರು ಹೇಳಿದರು. ಘಟನೆ ಬಳಿಕ ಪೊಲೀಸರು ಅವರನ್ನು ಬೇರೆ ಬೋಗಿಗೆ ಸ್ಥಳಾಂತರಿಸಿದ್ದರು.</p>.<p>ಗೋಪಾಲ್ ಮಂಡಲ್ ಅವರುರೈಲಿನಲ್ಲಿ ಬಿಳಿ ಬಣ್ಣದ ಒಳಉಡುಪಿನಲ್ಲಿ ತಿರುಗಾಡುತ್ತಿರುವ ಫೋಟೊ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ: </strong>ಬಿಹಾರದ ಜೆಡಿಯು ಶಾಸಕ ಗೋಪಾಲ್ ಮಂಡಲ್ ಅವರು ರೈಲಿನಲ್ಲಿ ಒಳ ಉಡುಪು ಧರಿಸಿ ಸಂಚರಿಸುತ್ತಿದ್ದರೆಂಬ ಕಾರಣಕ್ಕೆ ಪ್ರಯಾಣಿಕರೊಬ್ಬರು ಅವರೊಂದಿಗೆ ವಾಗ್ವಾದಕ್ಕೆ ಇಳಿದಿದ್ದು ಈ ಬಗ್ಗೆ ಸ್ಪಷ್ಟನೆ ನೀಡಿದ ಮಂಡಲ್ ಅವರು,‘ ನನ್ನ ಹೊಟ್ಟೆ ಕೆಟ್ಟಿತ್ತು. ಹಾಗಾಗಿ ಆತುರದಲ್ಲಿ ಒಳಉಡುಪಿನಲ್ಲೇ ನಾನು ಶೌಚಾಲಯಕ್ಕೆ ತೆರಳಿದೆ’ ಎಂದಿದ್ದಾರೆ.</p>.<p>ಪಟ್ನಾ–ನವದೆಹಲಿ ತೇಜಸ್ ರಾಜಧಾನಿ ರೈಲಿನಲ್ಲಿ ಗುರುವಾರ ಈ ಘಟನೆ ನಡೆದಿದೆ. ರೈಲ್ವೆ ಪೊಲೀಸ್ ಪಡೆ(ಆರ್ಪಿಎಫ್) ಮತ್ತು ಟಿಕೆಟ್ ಪರೀಕ್ಷಕರು ಮಧ್ಯ ಪ್ರವೇಶಿಸಿ ಅವರಿಬ್ಬರ ನಡುವಿನ ವಾಗ್ವಾದವನ್ನು ನಿಲ್ಲಿಸಿದರು.</p>.<p>‘ನಾನು ರೈಲು ಹತ್ತಿದ ತಕ್ಷಣ ಶೌಚಾಲಯಕ್ಕೆ ಹೋಗುವ ಆತುರದಲ್ಲಿದ್ದೆ. ಈ ಅವಸರದಲ್ಲಿ ಕುರ್ತಾ ಮತ್ತು ಪೈಜಾಮಾ ತೆಗೆದು ಟವೆಲ್ ಅನ್ನು ಸೊಂಟಕ್ಕೆ ಸುತ್ತುವ ಬದಲು, ಭುಜದ ಮೇಲೆ ಹಾಕಿ ಶೌಚಾಲಯದತ್ತ ತೆರಳಿದೆ’ ಎಂದು ಮಂಡಲ್ ವರದಿಗಾರರಿಗೆ ತಿಳಿಸಿದರು.</p>.<p>‘ಹೊಟ್ಟೆ ಕೆಟ್ಟಿದ್ದರಿಂದ ನಾನು ಒಳ ಉಡುಪಿನಲ್ಲೇ ಹೋದೆ. ಟವೆಲ್ ಅನ್ನು ಸೊಂಟಕ್ಕೆ ಸುತ್ತಿಕೊಳ್ಳಬೇಕಿತ್ತು. ಆದರೆ ಅದಕ್ಕೆ ಸಮಯ ಸಿಗಲಿಲ್ಲ. ಈ ವೇಳೆ ಪ್ರಯಾಣಿಕರೊಬ್ಬರು ನನ್ನನ್ನು ತಡೆದು, ನಗ್ನವಾಗಿ ಏಕೆ ಓಡಾಡುತ್ತಿದ್ದೀರಿ ಎಂದು ಪ್ರಶ್ನಿಸಿದರು’ ಎಂದು ಅವರು ಹೇಳಿದರು.</p>.<p>‘ನನ್ನನ್ನು ಹೀಗೆ ತಡೆಯಲು ನೀವು ಯಾರು ಎಂದು ಪ್ರಶ್ನಿಸಿದಾಗ, ಅವರು ನಾನು ಸಾರ್ವಜನಿಕ ಎಂದು ಉತ್ತರಿಸಿದರು. ಇದಕ್ಕೆ ನಾನು ಒಬ್ಬ ಶಾಸಕನೊಂದಿಗೆ ಯಾರು ಹೀಗೆ ವರ್ತಿಸುತ್ತಾರೆ ಎಂದು ಕೇಳಿದೆ. ಅಷ್ಟರೊಳಗೆ ಸ್ಥಳಕ್ಕೆ ಪೊಲೀಸರು ಆಗಮಿಸಿದರು. ಆಗ ಅವರು ನನ್ನ ಕೈ ಹಿಡಿದು, ತಳ್ಳಿದರು. ಇದರಿಂದ ನನಗೆ ಮುಜುಗರವಾಯಿತು. ಬಳಿಕ ನಾನು ಅವರಲ್ಲಿ ಕ್ಷಮೆಯಾಚಿಸಿದೆ’ ಎಂದು ಅವರು ತಿಳಿಸಿದರು.</p>.<p>‘ಆ ಬೋಗಿಯಲ್ಲಿ ಮಹಿಳಾ ಪ್ರಯಾಣಿಕರು ಕೂಡ ಇರಲಿಲ್ಲ’ ಎಂದು ಅವರು ಹೇಳಿದರು. ಘಟನೆ ಬಳಿಕ ಪೊಲೀಸರು ಅವರನ್ನು ಬೇರೆ ಬೋಗಿಗೆ ಸ್ಥಳಾಂತರಿಸಿದ್ದರು.</p>.<p>ಗೋಪಾಲ್ ಮಂಡಲ್ ಅವರುರೈಲಿನಲ್ಲಿ ಬಿಳಿ ಬಣ್ಣದ ಒಳಉಡುಪಿನಲ್ಲಿ ತಿರುಗಾಡುತ್ತಿರುವ ಫೋಟೊ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>