ಮಂಗಳವಾರ, 19 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಕೋವಿಡ್‌–19 ಚಿಕಿತ್ಸೆಗೆ ಅಗ್ಗದ ಔಷಧ: ಪ್ರತಿ ಮಾತ್ರೆಗೆ ₹33

Last Updated 13 ಆಗಸ್ಟ್ 2020, 23:10 IST
ಅಕ್ಷರ ಗಾತ್ರ

ಹೈದರಾಬಾದ್‌: ಕೋವಿಡ್‌–19 ದೃಢಪಟ್ಟವರಿಗೆ ಚಿಕಿತ್ಸೆ ನೀಡಲು ಅಗ್ಗದ ದರದ ಔಷಧವನ್ನು ಬಿಡುಗಡೆ ಮಾಡುವುದಾಗಿ ಹೈದರಾಬಾದ್‌ ಮೂಲದ ಔಷಧ ತಯಾರಿಕಾ ಕಂಪನಿ ಎಂಎಸ್‌ಎನ್‌ ಗ್ರೂಪ್‌ ಗುರುವಾರ ಹೇಳಿದೆ.

ಫೆವಿಪಿರವಿರ್ ಆ್ಯಂಟಿ ವೈರಲ್‌‌ ಔಷಧವನ್ನು200 ಎಂಜಿ ಮಾತ್ರೆಗಳ ರೂಪದಲ್ಲಿ ತಯಾರಿಸಲಾಗಿದೆ. ಮಾತ್ರೆಯೊಂದಕ್ಕೆ ₹33 ಬೆಲೆ ನಿಗದಿ ಮಾಡಲಾಗಿದೆ.

‘ಫ್ಯಾವಿಲೋ’ ಬ್ರ್ಯಾಂಡ್‌ ಹೆಸರಿನಲ್ಲಿ ಈ ಔಷಧವು ದೇಶದ ಎಲ್ಲಾ ಔಷಧ ಮಳಿಗೆಗಳಲ್ಲಿ ಲಭ್ಯವಾಗಲಿದೆ. 400 ಎಂಜಿ ಮಾತ್ರೆಗಳ ರೂಪದಲ್ಲೂ ಔಷಧ ಸಿದ್ಧಪಡಿಸಲಾಗಿದ್ದು ಇದನ್ನೂ ಶೀಘ್ರವೇ ಮಾರುಕಟ್ಟೆಗೆ ತರಲು ಚಿಂತಿಸಲಾಗಿದೆ ಎಂದೂ ಹೇಳಲಾಗಿದೆ.

‘ಕೋವಿಡ್‌ ಬಿಕ್ಕಟ್ಟಿನಿಂದಾಗಿ ಎಲ್ಲರೂ ಸಂಕಷ್ಟಕ್ಕೆ ಸಿಲುಕಿದ್ದಾರೆ. ಕೋವಿಡ್‌ ಪ್ರಕರಣಗಳು ದಿನದಿಂದ ದಿನಕ್ಕೆ ಏರಿಕೆಯಾಗುತ್ತಿರುವ ಈ ಸಮಯದಲ್ಲೇ ನಾವು ಔಷಧವನ್ನು ಮಾರುಕಟ್ಟೆಗೆ ತರಲು ಮುಂದಾಗಿದ್ದೇವೆ. ಕಡಿಮೆ ದರದಲ್ಲಿ ಗುಣಮಟ್ಟದ ಔಷಧ ಪೂರೈಸುವುದಕ್ಕೆ ನಾವು ಆದ್ಯತೆ ನೀಡಲಿದ್ದೇವೆ’ ಎಂದು ಎಂಎಸ್‌ಎನ್‌ ಸಮೂಹದ ಸಿಎಂಡಿ ಎಂಎಸ್‌ಎನ್‌ ರೆಡ್ಡಿ ತಿಳಿಸಿದ್ದಾರೆ.

ಹೈದರಾಬಾದ್‌ನ ಬೊಲ್ಲಾರಾಮ್‌ನಲ್ಲಿರುವಎಂಎಸ್‌ಎನ್‌ ಸಮೂಹದ ಔಷಧ ತಯಾರಿಕಾ ಘಟಕದಲ್ಲಿ ಈ ಔಷಧವನ್ನು ಸಿದ್ಧಪಡಿಸಲಾಗುತ್ತಿದೆ. ಆಗಸ್ಟ್‌‌ 15ರಂದು ಇದನ್ನು ಮಾರುಕಟ್ಟೆಗೆ ಬಿಡುಗಡೆ ಮಾಡುವ ಬಗ್ಗೆಯೂ ಚಿಂತಿಸಲಾಗಿದೆ.

ಜಪಾನ್‌ನ ಫ್ಯೂಜಿಫಿಲ್ಮಿ ಹೋಲ್ಡಿಂಗ್ಸ್‌ ಕಾರ್ಪ್ ಕಂಪನಿಯು ಏವಿಗನ್‌ ಎಂಬ ಬ್ರ್ಯಾಂಡ್‌ ಹೆಸರಿನಲ್ಲಿ ಮೊದಲುಫೆವಿಪಿರವಿರ್ ಆ್ಯಂಟಿ ವೈರಲ್‌‌ ಔಷಧವನ್ನು ಅಭಿವೃದ್ಧಿಪಡಿಸಿತ್ತು.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT