ಕೋವಿಡ್‌–19 ಪಿಡುಗಿನ ಹಿನ್ನೆಲೆಯಲ್ಲಿ ಪುನರಾರಂಭಕ್ಕಿರುವ ಮಾರ್ಗಸೂಚಿಗಳನ್ನು ಸಚಿವಾಲಯವು ಪ್ರಕಟಿಸಿದೆ. ಪ್ರಸ್ತುತ ಜಾರಿಯಲ್ಲಿರುವ ಅನ್‌ಲಾಕ್‌ ಮಾರ್ಗಸೂಚಿಗಳ ಅನ್ವಯ, ಆಯಾ ರಾಜ್ಯದಲ್ಲಿರುವ ನಿಯಮಗಳಿಗೆ ಅನುಸಾರವಾಗಿ ವಸ್ತುಸಂಗ್ರಹಾಲಯಗಳನ್ನು ಪುನರಾರಂಭಿಸಬಹುದು. ವಸ್ತು ಸಂಗ್ರಹಾಲಯದ ಇರುವ ಪ್ರದೇಶವನ್ನು ಆಗಾಗೆ ಸೋಂಕು ನಿರೋಧಕದಿಂದ ಸ್ವಚ್ಛಗೊಳಿಸಬೇಕು, ಪ್ರವೇಶಕ್ಕೆ ಮುಖಗವಸು ಕಡ್ಡಾಯಗೊಳಿಸಬೇಕು, ಪ್ರವಾಸಿಗರಿಗೆ ಆಡಿಯೊ ಗೈಡ್‌ (ಪ್ರದೇಶ, ವಸ್ತುವಿನ ವಿವರಣೆ ಇರುವ ಉಪಕರಣ) ನೀಡಬಾರದು. ಆಡಿಯೊ ಗೈಡ್‌ಗಳನ್ನು ಪ್ರತಿ ಬಳಕೆಯ ನಂತರ ಸೋಂಕು ನಿರೋಧಕಗಳಿಂದ ಸ್ವಚ್ಛಗೊಳಿಸಿದ್ದರೆ ಮಾತ್ರವೇ ಇನ್ನೊಬ್ಬರಿಗೆ ನೀಡಬಹುದು. ಟಚ್‌ ಆಧಾರಿತ ಡಿಜಿಟಲ್‌ ಉಪಕರಣಗಳ ಬಳಕೆಯನ್ನು ಆದಷ್ಟು ಕಡಿಮೆಗೊಳಿಸಬೇಕು ಎಂದು ಮಾರ್ಗಸೂಚಿಯಲ್ಲಿ ಉಲ್ಲೇಖಿಸಲಾಗಿದೆ.
