ಸದ್ಯಕ್ಕೆ ಸೋನಿಯಾ ಗಾಂಧಿ ಅವರಿಗೆ ಇ.ಡಿ ಯಾವುದೇ ಹೊಸ ಸಮನ್ಸ್ ಜಾರಿಗೊಳಿಸಿಲ್ಲ. ಅಗತ್ಯವಿದ್ದಲ್ಲಿ ಮತ್ತೆ ಅವರನ್ನು ವಿಚಾರಣೆಗೆ ಒಳಪಡಿಸುವ ಸಾಧ್ಯತೆ ಇದೆ ಎಂದು ಮೂಲಗಳು ತಿಳಿಸಿವೆ.

ಪ್ರಿಯಾಂಕಾ ಗಾಂಧಿ ಅವರ ಜತೆ ಬೆಳಿಗ್ಗೆ 11 ಗಂಟೆಗೆ ಇ.ಡಿ. ಕಚೇರಿಗೆ ಬಂದ ಸೋನಿಯಾ ಅವರು, ಅಧಿಕಾರಿಗಳ ಎದುರು ತಮ್ಮ ಹೇಳಿಕೆ ದಾಖಲಿಸಿದ್ದಾರೆ.

ಸೋನಿಯಾ ಅವರಿಗೆ ಆಗಾಗ್ಗೆ ಔಷಧ ಹಾಗೂ ಮಾತ್ರೆಗಳನ್ನು ನೀಡಬೇಕಿದ್ದರಿಂದ, ಪ್ರಿಯಾಂಕಾ ಅವರು ಇ.ಡಿ. ಕಚೇರಿಯ ಮತ್ತೊಂದು ಕೋಣೆಯಲ್ಲಿ ಇದ್ದರು.

ಸೋನಿಯಾ ಗಾಂಧಿ ಅವರು ಜುಲೈ 26ರಂದು (ಮಂಗಳವಾರ) ಆರು ತಾಸು ಹಾಗೂ ಜುಲೈ 21ರಂದು ಎರಡೂವರೆ ಗಂಟೆ ವಿಚಾರಣೆ ಎದುರಿಸಿದ್ದರು.

ಇ.ಡಿ ಅಧಿಕಾರಿಗಳು ಕೇಳಿದ್ದ 28 ಪ್ರಶ್ನೆಗಳಿಗೆ ಉತ್ತರಿಸಿದ್ದರು. ನ್ಯಾಷನಲ್ ಹೆರಾಲ್ಡ್ ಪತ್ರಿಕೆ ಹಾಗೂ ಯಂಗ್ ಇಂಡಿಯಾ ಕಂಪನಿಯಲ್ಲಿನ ಪಾತ್ರದ ಕುರಿತು ಸೋನಿಯಾ ಅವರನ್ನು ಪ್ರಶ್ನಿಸಲಾಯಿತ್ತು.