ತೃಣಮೂಲ ಕಾಂಗ್ರೆಸ್ ಸಂಸದೆ ಹಾಗೂ ನಟಿ ನುಸ್ರತ್ ಜಹಾನ್ ಕೋಲ್ಕತ್ತದಲ್ಲಿ ಗಂಡು ಮಗುವಿಗೆ ಜನ್ಮ ನೀಡಿದ್ದಾರೆ.
ಈ ವಿಚಾರವಾಗಿ ಮಾಧ್ಯಮ ಸಂಸ್ಥೆ ನ್ಯೂಸ್ 18ಗೆ ನುಸ್ರತ್ ಜಹಾನ್ ಮಾಜಿ ಸಂಗಾತಿ ನಿಖಿಲ್ ಜೈನ್ ಪ್ರತಿಕ್ರಿಯಿಸಿದ್ದಾರೆ.
'ನಾನು ನುಸ್ರತ್ ಜಹಾನ್ಗೆ ಒಳ್ಳೆಯದನ್ನು ಬಯಸುತ್ತೇನೆ. ಆರೋಗ್ಯಕರ ಜೀವನ ಮತ್ತು ಸಮೃದ್ಧ ಭವಿಷ್ಯವನ್ನು ಮಗು ಹೊಂದಲಿ. ಅವರಿಬ್ಬರಿಗೂ ಶುಭವಾಗಲಿ' ಎಂದು ನಿಖಿಲ್ ಜೈನ್ ತಿಳಿಸಿದ್ದಾರೆ.
'ನಾನೀಗ ನುಸ್ರತ್ ಜೊತೆ ಭಾವನಾತ್ಮಕವಾಗಿ ಯಾವುದೇ ಸಂಬಂಧ ಹೊಂದಿಲ್ಲ. ಆ ಕಾರಣ, ಆಕೆಯ ಹೆರಿಗೆಯ ಸುದ್ದಿಯು ನನ್ನ ಭಾವನೆಗಳಲ್ಲಿ ಯಾವುದೇ ಬದಲಾವಣೆಯನ್ನು ಉಂಟುಮಾಡಿಲ್ಲ' ಎಂದು ಜೈನ್ ಹೇಳಿದ್ದಾರೆ.