ಠಾಣೆ: ಪಾಲ್ಗಾರ್ ಗುಂಪು ಹಲ್ಲೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ತಂದೆ ಮತ್ತು ಇಬ್ಬರು ಮಕ್ಕಳು ಸೇರಿದಂತೆ ನಾಲ್ವರಿಗೆ ವಿಶೇಷ ನ್ಯಾಯಾಲಯ ಮಂಗಳವಾರ ಜಾಮೀನು ಮಂಜೂರು ಮಾಡಿದೆ.
ಜಿಲ್ಲಾ ನ್ಯಾಯಾಧೀಶ ಪಿ.ಪಿ ಜಾಧವ್ ಜಾಮೀನು ಅರ್ಜಿ ವಿಚಾರಣೆ ನಡೆಸಿದರು. ₹15 ಸಾವಿರ ಮೌಲ್ಯದ ವೈಯಕ್ತಿಕ ಬಾಂಡ್ ಮೇಲೆ ಆರೋಪಿಗಳಿಗೆ ಜಾಮೀನು ನೀಡಲಾಗಿದೆ.
ಈ ಪ್ರಕರಣದಲ್ಲಿ ಈವರೆಗೆ 200 ಮಂದಿಯನ್ನು ಬಂಧಿಸಲಾಗಿದ್ದು, ಇದೇ ಮೊದಲ ಬಾರಿ ಜಾಮೀನು ಮಂಜೂರಾಗಿದೆ. ಲಕ್ಷ್ಮಣ್ ರಾಮಾಜಿ ಜಾಧವ್ (58), ನಿತಿನ್ ಲಕ್ಷ್ಮಣ್ ಜಾಧವ್ (26), ಮನೋಜ್ ಲಕ್ಷ್ಮಣ್ ಜಾಧವ್ (25) ಮತ್ತು ತುಕಾರಾಂ ರೂಪ್ ಜಿ ಸಥ್ (40) ಜಾಮೀನು ಪಡೆದವರು.
