<p><strong>ನವದೆಹಲಿ:</strong> ಬೆಲೆ ಏರಿಕೆ ವಿಷಯವನ್ನು ಚರ್ಚೆಗೆ ಎತ್ತಿಕೊಳ್ಳುವ ವಿಚಾರದಲ್ಲಿ ಉಂಟಾದ ಗದ್ದಲ, ರಾಷ್ಟ್ರಪತಿ ಹಾಗೂ ಉಪರಾಷ್ಟ್ರಪತಿ ಚುನಾವಣೆ, ಪ್ರತಿಪಕ್ಷಗಳ ಒಡುಕು ಬಹಿರಂಗಗೊಂಡ ಹಲವು ವಿದ್ಯಮಾನಗಳೊಂದಿಗೆ ಸಂಸತ್ತಿನ ಮುಂಗಾರು ಅಧಿವೇಶನಕ್ಕೆ ಅವಧಿಗೂ ಮುನ್ನವೇ ಸೋಮವಾರ ತೆರೆ ಬಿದ್ದಿದೆ.</p>.<p>ಉಭಯ ಸದನಗಳನ್ನು ಅನಿರ್ದಿಷ್ಟಾವಧಿಗೆ ಮುಂದೂಡಿಕೆ ಮಾಡಲಾಗಿದೆ. ನಿಗದಿಗಿಂತಲೂ ಮೊದಲೇ ಅಧಿವೇಶನ ಕೊನೆಗೊಳ್ಳುತ್ತಿರುವುದು ಇದು ಸತತ ಏಳನೇ ಬಾರಿ.</p>.<p>ಮಂಗಳವಾರ ಮೊಹರಂ ಹಾಗೂ ಗುರುವಾರ ರಕ್ಷಾಬಂಧನ ಹಬ್ಬಗಳಿಗೆ ರಜೆಯಿದೆ. ಈ ಮಧ್ಯೆ ಎರಡು ದಿನಗಳ ಅಧಿವೇಶನ ನಡೆಸಲು ಕಾಲಾವಕಾಶವಿತ್ತು. ಆದರೆ, ಅವಧಿಗೂ ಮುನ್ನವೇ ಅಧಿವೇಶವನ್ನು ಮುಕ್ತಾಯಗೊಳಿಸಲು ಸರ್ಕಾರ ನಿರ್ಧರಿಸಿತು.ಅವಧಿಗೆ ಮುನ್ನವೇ ಅಧಿವೇಶನವನ್ನು ಮುಂದೂಡಿರುವುದಕ್ಕೆ ಪ್ರತಿಪಕ್ಷಗಳು ಆಕ್ಷೇಪ ವ್ಯಕ್ತಪಡಿಸಿವೆ.</p>.<p>ಟ್ವೀಟ್ ಮಾಡಿರುವ ಟಿಎಂಸಿ ಸಂಸದ ಡೆರೆಕ್ ಒಬ್ರಿಯಾನ್, ‘2020ರ ಬಜೆಟ್ ಅಧಿವೇಶನದಿಂದ ಆರಂಭವಾಗಿ, ಏಳನೇ ಬಾರಿ ಹೀಗಾಗುತ್ತಿದೆ. ಸಂಸತ್ತಿನ ಅಣಕ ಮಾಡುವುದನ್ನು ನಿಲ್ಲಿಸಿ’ ಎಂದು ಹೇಳಿದರು.</p>.<p>ಲೋಕಸಭೆಯು 44 ಗಂಟೆ (ಶೇ 48) ಹಾಗೂ ರಾಜ್ಯಸಭೆಯು 38 ಗಂಟೆ (ಶೇ 44) ಅವಧಿಯ ಕಲಾಪ ನಡೆಸಲು ಮಾತ್ರ ಸಾಧ್ಯವಾಗಿದೆ.ಗದ್ದಲದ ಕಾರಣದಿಂದ 47 ಗಂಟೆಗಳಷ್ಟು ಅವಧಿಯ ಕಲಾಪ ವ್ಯರ್ಥವಾಗಿದೆ.</p>.<p><strong>ಯಾವ ಮಸೂದೆ ಅಂಗೀಕಾರ?</strong><br />32 ಮಸೂದೆಗಳಿಗೆ ಅಂಗೀಕಾರ ಪಡೆಯಲು ಸರ್ಕಾರ ಉದ್ದೇಶಿಸಿತ್ತು. ಈ ಪೈಕಿ ರಾಜ್ಯಸಭೆಯು ಏಳು ಹಾಗೂ ಲೋಕಸಭೆಯು ಐದು ಮಸೂದೆಗಳಿಗಷ್ಟೇ ಅಂಗೀಕಾರ ನೀಡಿದವು. ವೈಯಕ್ತಿಕ ದತ್ತಾಂಶ ಭದ್ರತೆ ಮಸೂದೆಯನ್ನು ಸರ್ಕಾರ ಹಿಂಪಡೆಯಿತು.</p>.<p>ನವೀಕರಿಸಬಹುದಾದ ಇಂಧನಗಳ ಬಳಕೆ ಪ್ರೋತ್ಸಾಹಿಸುವ ಮಸೂದೆ; ನ್ಯೂಡೆಲ್ಲಿ ಇಂಟರ್ನ್ಯಾಷನಲ್ ಆರ್ಬಿಟ್ರೇಷನ್ ಸೆಂಟರ್ ಅನ್ನು ಇಂಡಿಯಾ ಇಂಟರ್ನ್ಯಾಷನಲ್ ಆರ್ಬಿಟ್ರೇಷನ್ ಸೆಂಟರ್ ಎಂದು ಬದಲಾಯಿಸುವ ಮಸೂದೆ; ಹಾಗೂ ನ್ಯಾಷನಲ್ ರೈಲ್ ಅಂಡ್ ಟ್ರಾನ್ಸ್ಪೋರ್ಟೇಷನ್ ಯೂನಿವರ್ಸಿಟಿ ಅನ್ನು ಗತಿಶಕ್ತಿ ವಿಶ್ವವಿದ್ಯಾಲಯ ಹೆಸರಿನ ಸ್ವಾಯತ್ತ ಸಂಸ್ಥೆಯಾಗಿ ಪರಿವರ್ತಿಸುವ ಮಸೂದೆಗಳಿಗೆ ಒಪ್ಪಿಗೆ ನೀಡಲಾಯಿತು.ವಿದ್ಯುತ್ ತಿದ್ದುಪಡಿ ಮಸೂದೆ 2022 ಅನ್ನು ಸಂಸದೀಯ ಸ್ಥಾಯಿಸಮಿತಿ ಪರಿಶೀಲನೆಗೆ ಒಪ್ಪಿಸಲಾಯಿತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ:</strong> ಬೆಲೆ ಏರಿಕೆ ವಿಷಯವನ್ನು ಚರ್ಚೆಗೆ ಎತ್ತಿಕೊಳ್ಳುವ ವಿಚಾರದಲ್ಲಿ ಉಂಟಾದ ಗದ್ದಲ, ರಾಷ್ಟ್ರಪತಿ ಹಾಗೂ ಉಪರಾಷ್ಟ್ರಪತಿ ಚುನಾವಣೆ, ಪ್ರತಿಪಕ್ಷಗಳ ಒಡುಕು ಬಹಿರಂಗಗೊಂಡ ಹಲವು ವಿದ್ಯಮಾನಗಳೊಂದಿಗೆ ಸಂಸತ್ತಿನ ಮುಂಗಾರು ಅಧಿವೇಶನಕ್ಕೆ ಅವಧಿಗೂ ಮುನ್ನವೇ ಸೋಮವಾರ ತೆರೆ ಬಿದ್ದಿದೆ.</p>.<p>ಉಭಯ ಸದನಗಳನ್ನು ಅನಿರ್ದಿಷ್ಟಾವಧಿಗೆ ಮುಂದೂಡಿಕೆ ಮಾಡಲಾಗಿದೆ. ನಿಗದಿಗಿಂತಲೂ ಮೊದಲೇ ಅಧಿವೇಶನ ಕೊನೆಗೊಳ್ಳುತ್ತಿರುವುದು ಇದು ಸತತ ಏಳನೇ ಬಾರಿ.</p>.<p>ಮಂಗಳವಾರ ಮೊಹರಂ ಹಾಗೂ ಗುರುವಾರ ರಕ್ಷಾಬಂಧನ ಹಬ್ಬಗಳಿಗೆ ರಜೆಯಿದೆ. ಈ ಮಧ್ಯೆ ಎರಡು ದಿನಗಳ ಅಧಿವೇಶನ ನಡೆಸಲು ಕಾಲಾವಕಾಶವಿತ್ತು. ಆದರೆ, ಅವಧಿಗೂ ಮುನ್ನವೇ ಅಧಿವೇಶವನ್ನು ಮುಕ್ತಾಯಗೊಳಿಸಲು ಸರ್ಕಾರ ನಿರ್ಧರಿಸಿತು.ಅವಧಿಗೆ ಮುನ್ನವೇ ಅಧಿವೇಶನವನ್ನು ಮುಂದೂಡಿರುವುದಕ್ಕೆ ಪ್ರತಿಪಕ್ಷಗಳು ಆಕ್ಷೇಪ ವ್ಯಕ್ತಪಡಿಸಿವೆ.</p>.<p>ಟ್ವೀಟ್ ಮಾಡಿರುವ ಟಿಎಂಸಿ ಸಂಸದ ಡೆರೆಕ್ ಒಬ್ರಿಯಾನ್, ‘2020ರ ಬಜೆಟ್ ಅಧಿವೇಶನದಿಂದ ಆರಂಭವಾಗಿ, ಏಳನೇ ಬಾರಿ ಹೀಗಾಗುತ್ತಿದೆ. ಸಂಸತ್ತಿನ ಅಣಕ ಮಾಡುವುದನ್ನು ನಿಲ್ಲಿಸಿ’ ಎಂದು ಹೇಳಿದರು.</p>.<p>ಲೋಕಸಭೆಯು 44 ಗಂಟೆ (ಶೇ 48) ಹಾಗೂ ರಾಜ್ಯಸಭೆಯು 38 ಗಂಟೆ (ಶೇ 44) ಅವಧಿಯ ಕಲಾಪ ನಡೆಸಲು ಮಾತ್ರ ಸಾಧ್ಯವಾಗಿದೆ.ಗದ್ದಲದ ಕಾರಣದಿಂದ 47 ಗಂಟೆಗಳಷ್ಟು ಅವಧಿಯ ಕಲಾಪ ವ್ಯರ್ಥವಾಗಿದೆ.</p>.<p><strong>ಯಾವ ಮಸೂದೆ ಅಂಗೀಕಾರ?</strong><br />32 ಮಸೂದೆಗಳಿಗೆ ಅಂಗೀಕಾರ ಪಡೆಯಲು ಸರ್ಕಾರ ಉದ್ದೇಶಿಸಿತ್ತು. ಈ ಪೈಕಿ ರಾಜ್ಯಸಭೆಯು ಏಳು ಹಾಗೂ ಲೋಕಸಭೆಯು ಐದು ಮಸೂದೆಗಳಿಗಷ್ಟೇ ಅಂಗೀಕಾರ ನೀಡಿದವು. ವೈಯಕ್ತಿಕ ದತ್ತಾಂಶ ಭದ್ರತೆ ಮಸೂದೆಯನ್ನು ಸರ್ಕಾರ ಹಿಂಪಡೆಯಿತು.</p>.<p>ನವೀಕರಿಸಬಹುದಾದ ಇಂಧನಗಳ ಬಳಕೆ ಪ್ರೋತ್ಸಾಹಿಸುವ ಮಸೂದೆ; ನ್ಯೂಡೆಲ್ಲಿ ಇಂಟರ್ನ್ಯಾಷನಲ್ ಆರ್ಬಿಟ್ರೇಷನ್ ಸೆಂಟರ್ ಅನ್ನು ಇಂಡಿಯಾ ಇಂಟರ್ನ್ಯಾಷನಲ್ ಆರ್ಬಿಟ್ರೇಷನ್ ಸೆಂಟರ್ ಎಂದು ಬದಲಾಯಿಸುವ ಮಸೂದೆ; ಹಾಗೂ ನ್ಯಾಷನಲ್ ರೈಲ್ ಅಂಡ್ ಟ್ರಾನ್ಸ್ಪೋರ್ಟೇಷನ್ ಯೂನಿವರ್ಸಿಟಿ ಅನ್ನು ಗತಿಶಕ್ತಿ ವಿಶ್ವವಿದ್ಯಾಲಯ ಹೆಸರಿನ ಸ್ವಾಯತ್ತ ಸಂಸ್ಥೆಯಾಗಿ ಪರಿವರ್ತಿಸುವ ಮಸೂದೆಗಳಿಗೆ ಒಪ್ಪಿಗೆ ನೀಡಲಾಯಿತು.ವಿದ್ಯುತ್ ತಿದ್ದುಪಡಿ ಮಸೂದೆ 2022 ಅನ್ನು ಸಂಸದೀಯ ಸ್ಥಾಯಿಸಮಿತಿ ಪರಿಶೀಲನೆಗೆ ಒಪ್ಪಿಸಲಾಯಿತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>