ನವದೆಹಲಿ(ಪಿಟಿಐ): ದೇಶದ 100 ರೈಲು ನಿಲ್ದಾಣಗಳಲ್ಲಿ ಸಾರ್ವಜನಿಕ ವೈಫೈ ಸೇವೆಗಳನ್ನು ನೀಡುವ ಪ್ರಧಾನಿ ವೈಫೈ ಆ್ಯಕ್ಸಸ್ ನೆಟ್‌ವರ್ಕ್ ಇಂಟರ್‌ಫೇಸ್(ಪಿಎಂ-ವಾಣಿ) ಯೋಜನೆಗೆ ಸೋಮವಾರ ರೈಲ್‌ಟೆಲ್ ಚಾಲನೆ ನೀಡಿದೆ.
ಈ ಜನಸ್ನೇಹಿ ಸೇವೆಗಳಿಗೆ ರೈಲ್‌ಟೆಲ್ ವ್ಯವಸ್ಥಾಪಕ ನಿರ್ದೇಶಕ ಮತ್ತು ಅಧ್ಯಕ್ಷ ಪುನೀತ್ ಚಾವ್ಲಾ ಅವರು ಚಾಲನೆ ನೀಡಿದರು.2022ರ ಜೂನ್ ಅಂತ್ಯದ ವೇಳೆಗೆ ದೇಶದ 6102 ರೈಲು ನಿಲ್ದಾಣಗಳಲ್ಲಿ ಪಿಎಂ-ವಾಣಿ ವೈಫೈ ಸೇವೆಗಳನ್ನು ವಿಸ್ತರಿಸಲಾಗುತ್ತದೆ.
ಪ್ರಸ್ತುತ ಗೂಗಲ್ ಪ್ಲೇ ಸ್ಟೋರ್‌ನಲ್ಲಿ ಲಭ್ಯವಿರುವ ವಿ-ಡಾಟ್ ಆ್ಯಪ್ ಮೂಲಕ ಈ ವೈಫೈ ನೆಟ್‌ವರ್ಕ್ ಅನ್ನು ಬಳಸಬಹುದಾಗಿದೆ.
