ರಾಜಸ್ಥಾನ ಬಿಜೆಪಿ ಮುಖ್ಯಸ್ಥ ಸತೀಶ್ ಪೂನಿಯಾಗೆ ಕೋವಿಡ್–19 ದೃಢ

‘ನಿನ್ನೆ, ನಾನು ಮನೆಗೆ ಮರಳಿದ ಬಳಿಕ ಕೋವಿಡ್–19 ಪರೀಕ್ಷೆ ನಡೆಸಲಾಯಿತು. ಯಾವುದೇ ಗುಣಲಕ್ಷಣಗಳಿಲ್ಲದಿದ್ದರೂ ನನಗೆ ಪಾಸಿಟಿವ್‌ ಬಂದಿದೆ. ವೈದ್ಯರು ಪ್ರತ್ಯೇಕವಾಸದಲ್ಲಿರಲು ಸಲಹೆ ನೀಡಿದ್ದಾರೆ. ನನ್ನ ಸಂಪರ್ಕಕ್ಕೆ ಬಂದ ಎಲ್ಲರೂ ಪರೀಕ್ಷೆ ಮಾಡಿಸಿಕೊಳ್ಳಬೇಕೆಂದು ಮನವಿ ಮಾಡಿಕೊಳ್ಳುತ್ತೇನೆ. ಬೆಂಬಲಕ್ಕಾಗಿ ಧನ್ಯವಾದಗಳು’ ಎಂದು ಟ್ವೀಟ್‌ ಮಾಡಿದ್ದಾರೆ.

ಇದಕ್ಕೂ ಮೊದಲು ಸೆಪ್ಟೆಂಬರ್‌ 2 ರಂದುರಾಜ್ಯ ವಿಧಾನಸಭೆ ವಿರೋಧ ಪಕ್ಷದ ನಾಯಕ ರಾಜೇಂದ್ರ ರಾಥೋಡ್‌ ಅವರಿಗೆ ಕೋವಿಡ್ ದೃಢಪಟ್ಟಿತ್ತು. ರಾಜಸ್ಥಾನದಲ್ಲಿ ಇದುವರೆಗೆ ಒಟ್ಟು 84,674 ಸೋಂಕು ಪ್ರಕರಣಗಳು ವರದಿಯಾಗಿವೆ. ಇದರಲ್ಲಿ 70,674 ಸೋಂಕಿತರು ಗುಣಮುಖರಾಗಿದ್ದು, 1,081 ಮಂದಿ ಮೃತಪಟ್ಟಿದ್ದಾರೆ.