ಕಾಜಿರಂಗ ರಾಷ್ಟ್ರೀಯ ಉದ್ಯಾನ, ಮಾನಸ್ ವನ್ಯಜೀವಿ ಧಾಮ, ಪೋಬಿತೊರಾ ವನ್ಯಜೀವಿ ಅಭಯಾರಣ್ಯಗಳು ಘೇಂಡಾಮೃಗಗಳಿಗೆ, ಆನೆಗಳಿಗೆ, ಬಾರಹಸಿಂಗಾ ಜಿಂಕೆಗಳಿಗೆ ನೆಚ್ಚಿನ ತಾಣಗಳಾಗಿವೆ. ಹೆಚ್ಚಿನ ಪ್ರಾಣಿಗಳಿಗೆ ಇಲ್ಲಿನ ಹುಲ್ಲುಗಾವಲೇ ಪ್ರಮುಖ ಆಹಾರ ತಾಣ. ಆದರೆ ಇದೀಗ ಹುಲ್ಲುಗಾವಲನ್ನು ಒಂದು ಬಗೆಯ ವಿನಾಶಕಾರಿ ಸಸ್ಯಗಳು ಆವರಿಸಿಕೊಳ್ಳುತ್ತಿದ್ದು, ಸಸ್ಯಹಾರಿ ಪ್ರಾಣಿಗಳ ಆಹಾರವನ್ನು ನಾಶಗೊಳಿಸುತ್ತಿವೆ. ಇದರಿಂದ ಈಗಾಗಲೇ ವಿನಾಶದ ಅಂಚಿನಲ್ಲಿರುವ ಘೇಂಡಾಮೃಗಗಳ ಸಂತತಿಗೆ ಪ್ರಮುಖ ಸವಾಲಾಗಿ ಪರಿಣಮಿಸಿದೆ.