ಬುಧವಾರ, ಅಕ್ಟೋಬರ್ 28, 2020
28 °C

ಪ್ರತಿದಾಳಿ ನಡೆಸುವ ಹಕ್ಕಿದೆ: ಚೀನಾಗೆ ತೈವಾನ್‌ ಎಚ್ಚರಿಕೆ

ರಾಯಿಟರ್ಸ್‌ Updated:

ಅಕ್ಷರ ಗಾತ್ರ : | |

Prajavani

ತೈಪೆ: ತಮ್ಮ ಸೇನೆಗೆ ಸ್ವಯಂ ರಕ್ಷಣೆ ಮಾಡಿಕೊಳ್ಳುವ ಹಾಗೂ ಪ್ರತಿದಾಳಿ ನಡೆಸುವ ಹಕ್ಕಿದೆ ಎಂದು ಚೀನಾಗೆ ತೈವಾನ್‌ ಎಚ್ಚರಿಕೆಯ ಸಂದೇಶ ರವಾನಿಸಿದೆ. 

ಕಳೆದ ಕೆಲ ತಿಂಗಳಿಂದ ಚೀನಾ ಹಾಗೂ ತೈವಾನ್‌ ನಡುವಿನ ಬಿಕ್ಕಟ್ಟು ಹೆಚ್ಚಾಗಿದ್ದು, ತೈವಾನ್‌ ತನ್ನ ಭಾಗವೆಂದು ಚೀನಾ ವಾದಿಸುತ್ತಿದೆ. ಅಗತ್ಯವಿದ್ದರೆ ಬಲಪ್ರಯೋಗದಿಂದ ತೈವಾನ್‌ ವಶಪಡಿಸಿಕೊಳ್ಳುತ್ತೇವೆ ಎಂದೂ ತಿಳಿಸಿದೆ. ಇಂಥ ಸ್ಥಿತಿಯ ನಡುವೆಯೇ ಕಳೆದ ವಾರ ಸೂಕ್ಷ್ಮಪ್ರದೇಶವಾಗಿರುವ ತೈವಾನ್ ಸ್ಟ್ರೈಟ್‌ಗೆ ತನ್ನ ಹಲವು ಯುದ್ಧ ವಿಮಾನಗಳನ್ನು ಚೀನಾ ರವಾನಿಸಿದೆ. 

‘ಶತ್ರು ರಾಷ್ಟ್ರದ ಯುದ್ಧ ಹಡಗುಗಳು ಹಾಗೂ ವಿಮಾನದಿಂದಾಗಿ ತೈವಾನ್‌ಗೆ ಅಪಾಯ ಎದುರಾಗಿದೆ. ಪ್ರತಿದಾಳಿ ನಡೆಸುವ ಹಕ್ಕು ನಮಗೂ ಇದೆ. ಆದರೆ ನಾವು ಬಿಕ್ಕಟ್ಟು ಇನ್ನಷ್ಟು ಹೆಚ್ಚಬಾರದು ಎನ್ನುವ ಉದ್ದೇಶದಿಂದ ಮಾರ್ಗಸೂಚಿಗಳ ಅನ್ವಯ ನಡೆದುಕೊಂಡಿದ್ದೇವೆ. ಯಾವು ಯಾರನ್ನೂ ಪ್ರಚೋದಿಸುವುದಿಲ್ಲ. ಆದರೆ, ಶತ್ರುಗಳಿಗೂ ನಾವು ಹೆದರುವುದಿಲ್ಲ’ ಎಂದು ತೈವಾನ್‌ ರಕ್ಷಣಾ ಇಲಾಖೆ ಪ್ರಕಟಣೆಯಲ್ಲಿ ತಿಳಿಸಿದೆ.

ಈ ನಡುವೆ ತೈವಾನ್‌ ಚೀನಾದ ಭಾಗ ಎಂದು ಚೀನಾದ ವಿದೇಶಾಂಗ ಇಲಾಖೆ ವಕ್ತಾರ ವಾಂಗ್‌ ವೆನ್‌ಬಿನ್‌ ಬೀಜಿಂಗ್‌ನಲ್ಲಿ ಹೇಳಿದ್ದು, ಸ್ಟ್ರೈಟ್‌ ಎನ್ನುವ ಯಾವುದೇ ರೇಖೆ ಇಲ್ಲ ಎಂದಿದ್ದಾರೆ. ಎರಡೂ ರಾಷ್ಟ್ರಗಳ ಯುದ್ಧವಿಮಾನಗಳು ತೈವಾನ್‌ ಸ್ಟ್ರೈಟ್‌ ರೇಖೆಯನ್ನು ದಾಟಿ ಹೋಗುವುದಿಲ್ಲ. ಈ ಕುರಿತು ಎರಡೂ ರಾಷ್ಟ್ರಗಳ ನಡುವೆ ಯಾವುದೇ ಅಧಿಕೃತ ಒಪ್ಪಂದಗಳು ಇಲ್ಲದೇ ಇದ್ದರೂ, ಅನಧಿಕೃತವಾಗಿ ಇದನ್ನು ಪಾಲಿಸಿಕೊಂಡು ಬರಲಾಗುತ್ತಿದೆ.   ‌  

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು