ಹೈದರಾಬಾದ್: ತೆಲಂಗಾಣದ ಕುಮಾರಂ ಭೀಮ್ ಜಿಲ್ಲೆಯ ಕದಂಬ ಗ್ರಾಮದಲ್ಲಿ ಶನಿವಾರ ರಾತ್ರಿ ನಡೆದ ಗುಂಡಿನ ಚಕಮಕಿಯಲ್ಲಿ ಇಬ್ಬರು ಮಾವೋವಾದಿಗಳು ಹತ್ಯೆಯಾಗಿದ್ದಾರೆ.
ಖಚಿತ ಮಾಹಿತಿ ಆಧರಿಸಿ ಈ ಭಾಗದಲ್ಲಿ ಪೊಲೀಸರು, ವಿಶೇಷ ಪಡೆ ಸಿಬ್ಬಂದಿ ಕಾರ್ಯಾಚರಣೆ ನಡೆಸಿದ್ದರು. ಮಾವೋವಾದಿಗಳ ಗುಂಪು ಪೊಲೀಸರ ಮೇಲೇ ಗುಂಡು ಹಾರಿಸಿದ್ದು, ಪ್ರತಿಯಾಗಿ ಪೊಲೀಸರೂ ಗುಂಡು ಹಾರಿಸಿದರು.
ಇಬ್ಬರು ಸತ್ತಿದ್ದು, ಉಳಿದವರು ಪರಾರಿಯಾಗಿದ್ದಾರೆ. ಸ್ಥಳವನ್ನು ತಪಾಸಣೆ ವೇಳೆ ಇಬ್ಬರ ಶವಗಳು ಪತ್ತೆಯಾದವರು. ಇವರ ಪೈಕಿ ಒಬ್ಬನನ್ನು ಗುರುತಿಸಲಾಗಿದೆ ಎಂದು ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ವಿ.ಸತ್ಯನಾರಾಯಣ ತಿಳಿಸಿದರು.
ಇನ್ನೊಬ್ಬನನ್ನು ಗುರುತಿಸುವ ಕಾರ್ಯ ನಡೆದಿದೆ. ಈ ತಿಂಗಳ ಆರಂಭದಲ್ಲಿಯೂ ಗುಂಡಿನ ಚಕಮಕಿ ನಡೆದಿದ್ದು, ಆಗ ಎರಡು ಪ್ರತ್ಯೇಕ ಪ್ರಕರಣಗಳಲ್ಲಿ ಮೂವರುಮಾವೋವಾದಿಗಳು ಮೃತಪಟ್ಟಿದ್ದರು.
