ಪ್ಲಾಸ್ಟಿಕ್‌ ಚೀಲದಲ್ಲೊಂದು ಪ್ರಯೋಗ

ಜಿಪ್ ಹಾಕಿ ಸೀಲ್ ಮಾಡಬಹುದಾದ ಪ್ಲಾಸ್ಟಿಕ್ ಚೀಲ ಬಳಸಿ, ಅದು ಡಬ್ ಎಂದು ಸಿಡಿಯುವಂತೆ ಮಾಡಬಹುದು ಎಂಬುದು ಗೊತ್ತಿದೆಯೇ? ಇದು ಬಹಳ ಸುಲಭ.

. ಬೇಕಿರುವುದು ಏನು?

. ಒಂದಿಷ್ಟು ಬೇಕಿಂಗ್ ಸೋಡಾ, ಬೆಚ್ಚಗಿನ ನೀರು, ವಿನೆಗರ್, ಜಿಪ್ ಹಾಕಿ ಮುಚ್ಚಬಹುದಾದ ಪ್ಲಾಸ್ಟಿಕ್ ಚೀಲ (ಅಥವಾ ಸೀಲ್ ಮಾಡಬಹುದಾದ ಪ್ಲಾಸ್ಟಿಕ್ ಚೀಲ).

. ಏನು ಮಾಡಬೇಕು?

. 1) ಕೈ ತೊಳೆಯುವ ಅಥವಾ ಪಾತ್ರೆಗಳನ್ನು ತೊಳೆಯುವ ಸಿಂಕ್ನಲ್ಲಿ ನೀವು ಈ ಪ್ರಯೋಗ ಮಾಡಬೇಕು. ಅವು ಇಲ್ಲದಿದ್ದರೆ, ಸ್ವಚ್ಛಗೊಳಿಸಲು ಸುಲಭವಾದ ಯಾವುದಾದರೂ ಜಾಗದಲ್ಲಿ ಇದನ್ನು ಮಾಡಬಹುದು. ಮೊದಲಿಗೆ ಪ್ಲಾಸ್ಟಿಕ್ ಚೀಲದಲ್ಲಿ ಕಾಲು ಕಪ್ ಬೆಚ್ಚಗಿನ ನೀರು ಹಾಕಿ.

. 2) ಇದಕ್ಕೆ ಅರ್ಧ ಕಪ್ ವಿನೆಗರ್ ಹಾಕಿ. ಚೀಲದ ಬಾಯಿಯನ್ನು ಜಿಪ್ ಹಾಕಿ ಅರ್ಧದಷ್ಟು ಮುಚ್ಚಿ.

. 3) ಮೂರು ಚಮಚ ಬೇಕಿಂಗ್ ಸೋಡಾ ತೆಗೆದುಕೊಂಡು, ಅವಷ್ಟನ್ನೂ ಒಂದೇ ಬಾರಿಗೆ ಪ್ಲಾಸ್ಟಿಕ್ ಚೀಲದೊಳಕ್ಕೆ ಸುರಿಯಿರಿ. ಈಗ ತಕ್ಷಣಕ್ಕೆ ಆ ಚೀಲದ ಬಾಯಿ ಮುಚ್ಚಬೇಕು. ಒಂದೆರಡು ಹೆಜ್ಜೆ ಹಿಂದೆ ಬಂದು ಆ ಚೀಲವನ್ನು ಗಮನಿಸಿ.

. 4) ಬೇರೆ ಬೇರೆ ಪ್ಲಾಸ್ಟಿಕ್ ಚೀಲಗಳಲ್ಲಿ ಬೇರೆ ಬೇರೆ ಪ್ರಮಾಣದಲ್ಲಿ ಬೇಕಿಂಗ್ ಸೋಡಾ ಮತ್ತು ವಿನೆಗರ್ ಹಾಕಿ ಈ ಪ್ರಯೋಗ ಮಾಡಿ ನೋಡಬಹುದು.

. ಏನಾಗುತ್ತದೆ?

. ಪ್ಲಾಸ್ಟಿಕ್ ಚೀಲ ಉಬ್ಬಿಕೊಳ್ಳಲು ಆರಂಭಿಸುತ್ತದೆ. ನಂತರ, ಫಟ್ ಅಂತ ಒಡೆಯುತ್ತದೆ!

. ಏಕೆ ಗೊತ್ತೇ?

. ಇದೊಂದು ಸರಳ ರಾಸಾಯನಿಕ ಪ್ರಕ್ರಿಯೆ. ಬೇಕಿಂಗ್ ಸೋಡಾದ ರಾಸಾಯನಿಕ ಹೆಸರು ಸೋಡಿಯಂ ಬೈಕಾರ್ಬೊನೇಟ್. ವಿನೆಗರ್ ಮತ್ತು ಬೇಕಿಂಗ್ ಸೋಡಾ ಬೆರೆತಾಗ, ಇಂಗಾಲದ ಡೈ ಆಕ್ಸೈಡ್ ಉತ್ಪಾದನೆ ಆಗುತ್ತದೆ.

. ಹಾಗೆ ಉತ್ಪಾದನೆ ಆಗುವ ಇಂಗಾಲದ ಡೈ ಆಕ್ಸೈಡ್, ಪ್ಲಾಸ್ಟಿಕ್ ಚೀಲವನ್ನು ಆವರಿಸಿಕೊಳ್ಳುತ್ತದೆ. ಚೀಲ ಉಬ್ಬಿಕೊಳ್ಳುತ್ತದೆ. ಚೀಲದ ಸಾಮರ್ಥ್ಯಕ್ಕಿಂತ ಹೆಚ್ಚಿನ ಇಂಗಾಲದ ಡೈ ಆಕ್ಸೈಡ್ ಬಿಡುಗಡೆ ಆದಾಗ, ಚೀಲವು ಫಟ್ ಎಂದು ಒಡೆಯುತ್ತದೆ.

. ಇದು ಪಿಕೊ!

. ದಕ್ಷಿಣ ಕೊರಿಯಾದ ಸೋಲ್ನಲ್ಲಿ ನೆಲೆ ಹೊಂದಿರುವ ಕಂಪನಿಯೊಂದು ವಿಶ್ವದ ಅತ್ಯಂತ ಚಿಕ್ಕ, ಗಾಳಿಯ ಗುಣಮಟ್ಟ ಪರೀಕ್ಷಿಸುವ ಸಾಧನ ಅಭಿವೃದ್ಧಿಪಡಿಸಿದೆ. ಇದಕ್ಕೆ ಅದು ಪಿಕೊ ಎಂದು ಹೆಸರಿಟ್ಟಿದೆ.

. 48 ಮಿಲಿ ಮೀಟರ್ ಉದ್ದ ಹಾಗೂ ಅಷ್ಟೇ ಅಗಲದ ಈ ಸಾಧನವು, ಸಣ್ಣ ದೂಳಿನ ಕಣಗಳನ್ನು, ಇಂಗಾಲದ ಡೈ ಆಕ್ಸೈಡ್ ಮತ್ತಿತರ ಮಾಲಿನ್ಯಕಾರಕಗಳನ್ನು ಪತ್ತೆ ಮಾಡಬಲ್ಲದು. ಈ ಸಾಧನವು ಉಷ್ಣಾಂಶ ಮತ್ತು ವಾತಾವರಣದಲ್ಲಿನ ಆರ್ದ್ರತೆಯನ್ನೂ ಗುರುತಿಸಬಲ್ಲದು.

. ನೀವು ಈ ಪಿಕೊ ಸಾಧನವನ್ನು ನಿಮ್ಮ ಸ್ಮಾರ್ಟ್ ಫೋನ್ ಜೊತೆ ಸಂಪರ್ಕಿಸಿಕೊಂಡರೆ, ನಿಮ್ಮ ಕೋಣೆಯ ಗಾಳಿಯ ಗುಣಮಟ್ಟವನ್ನು ಇದು ಹೇಳುತ್ತದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಪ್ಲಾಸ್ಟಿಕ್‌ ಚೀಲದಲ್ಲೊಂದು ಪ್ರಯೋಗ

ಚಿನಕುರುಳಿ | 05 ಜುಲೈ 2025, ಶನಿವಾರ

ಚುರುಮುರಿ | ಮೌಂಟನ್ ಮೀಟಿಂಗ್!

ಅರಣ್ಯ ‌ಇಲಾಖೆಯಲ್ಲಿ ಖಾಲಿ ಇರುವ 6000 ಹುದ್ದೆಗಳ ನೇಮಕ: ಸಚಿವ ಈಶ್ವರ ಬಿ.ಖಂಡ್ರೆ

ಮಂಗಳೂರು: ಬಾಲೆಯ ಚಿಕಿತ್ಸೆಗೆ 15 ಗಂಟೆಯಲ್ಲಿ ₹75 ಲಕ್ಷ ಸಂಗ್ರಹ

ಚಿನ್ನ ಗೆದ್ದ ನೀರಜ್ ಚೋಪ್ರಾ: ಜಾವೆಲಿನ್ ಥ್ರೋ ಹಬ್ಬದಲ್ಲಿ ಸಂಭ್ರಮಿಸಿದ ಬೆಂಗಳೂರು

IND vs ENG U19: ಸೂರ್ಯವಂಶಿ ಮತ್ತೆ ‘ವೈಭವ’

ಕೆನಡಾ ಓಪನ್‌: ಸೆಮಿಫೈನಲ್‌ಗೆ ಶ್ರೀಕಾಂತ್

Wimbledon: ಸಬಲೆಂಕಾ, ಸಿನ್ನರ್‌ ಮುನ್ನಡೆ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ | 05 ಜುಲೈ 2025, ಶನಿವಾರ

ಚುರುಮುರಿ | ಮೌಂಟನ್ ಮೀಟಿಂಗ್!

ಅರಣ್ಯ ‌ಇಲಾಖೆಯಲ್ಲಿ ಖಾಲಿ ಇರುವ 6000 ಹುದ್ದೆಗಳ ನೇಮಕ: ಸಚಿವ ಈಶ್ವರ ಬಿ.ಖಂಡ್ರೆ

ಮಂಗಳೂರು: ಬಾಲೆಯ ಚಿಕಿತ್ಸೆಗೆ 15 ಗಂಟೆಯಲ್ಲಿ ₹75 ಲಕ್ಷ ಸಂಗ್ರಹ