ಸಾಲ ಸರಿದೂಗಿಸಲು ಆಸ್ತಿ ಮಾರಾಟಕ್ಕೆ ಮುಂದಾದ ಕೈಮಗ್ಗ ನಿಗಮ

ಹುಬ್ಬಳ್ಳಿ: ಜಾತಿಗೊಂದು ನಿಗಮ ಮಾಡಬೇಕು ಎಂದು ಹೋರಾಟಗಳು ನಡೆದಿವೆ. ಆದರೆ, ನೇಕಾರರ ಅಭಿವೃದ್ಧಿಗೆ ರಚಿಸಿದ್ದಕರ್ನಾಟಕ ಕೈಮಗ್ಗ ಅಭಿವೃದ್ಧಿ ನಿಗಮವು ಸಾಲದಿಂದ ಮುಕ್ತಿ ಪಡೆಯಲು ಬೆಂಗಳೂರಿನ ಪೀಣ್ಯ, ಹಲಸೂರು ಪ್ರದೇಶದಲ್ಲಿರುವ 3 ಎಕರೆ ಭೂಮಿ ಮಾರಾಟ ಮಾಡಲು ಸರ್ಕಾರಕ್ಕೆ ಪ್ರಸ್ತಾವ ಸಲ್ಲಿಸುವ ಸ್ಥಿತಿಗೆ ತಲುಪಿದೆ.

. ನಿಗಮವು ತೀವ್ರಆರ್ಥಿಕ ಸಂಕಷ್ಟದಲ್ಲಿದ್ದು, ₹110 ಕೋಟಿ ಸಾಲದ ಹೊರೆ ಹೊತ್ತಿದೆ. ಪ್ರತಿ ವರ್ಷ ಬಡ್ಡಿಗೆ ₹9 ಕೋಟಿ ಪಾವತಿಸಲಾಗುತ್ತಿದೆ. ಭೂಮಿ ಮಾರಾಟದಿಂದ ₹100 ಕೋಟಿಗೂ ಹೆಚ್ಚು ಆದಾಯ ನಿರೀಕ್ಷಿಸಲಾಗಿದೆ ಎಂದು ನಿಗಮದ ವ್ಯವಸ್ಥಾಪಕ ನಿರ್ದೇಶಕ ರಾಮಚಂದ್ರ ‘ಪ್ರಜಾವಾಣಿ’ಗೆ ತಿಳಿಸಿದರು.

. ನಿಗಮದಡಿ 9 ಸಾವಿರ ನೇಕಾರರು ಹೆಸರು ನೋಂದಾಯಿಸಿಕೊಂಡಿದ್ದಾರೆ. 5,600 ಮಂದಿ ಮಾತ್ರ ಕೆಲಸ ಮಾಡುತ್ತಿದ್ದಾರೆ. ಪವರ್ ಲೂಮ್ ಬಂದ ಮೇಲೆ ಕೈಮಗ್ಗ ಬಟ್ಟೆಗೆ ಬೇಡಿಕೆ ಕಡಿಮೆಯಾಗಿದೆ. ನೇಕಾರರಿಗೆ ಮೂರು ವರ್ಷಗಳಿಂದ ಕೂಲಿ ಹೆಚ್ಚಿಸಿಲ್ಲ. ₹130ರಿಂದ 150 ಮಾತ್ರ ಕೂಲಿ ದೊರೆಯುತ್ತಿರುವುದರಿಂದ ಅವರು ಬೇರೆ ಕೆಲಸಗಳನ್ನು ಹುಡುಕಿಕೊಂಡು ಹೋಗುತ್ತಿದ್ದಾರೆ.

. ವಿದ್ಯಾವಿಕಾಸ ಯೋಜನೆ

. ಪ್ರತಿವರ್ಷ ನಿಗಮದ ನೇಕಾರರಿಗೆ ಕೆಲಸ ನೀಡಲು ಬಹುಮುಖ್ಯ ಮೂಲವೆಂದರೆ ಮಕ್ಕಳಿಗೆಸಮವಸ್ತ್ರ ಪೂರೈಸುವ ಶಿಕ್ಷಣ ಇಲಾಖೆಯ ವಿದ್ಯಾವಿಕಾಸ ಯೋಜನೆ. ನಿಗಮದ ನೇಕಾರರಿಗೆ 40 ಲಕ್ಷ ಮೀಟರ್ ಬಟ್ಟೆಯ ನೇಯುವ ಆದೇಶ ದೊರೆಯುತ್ತಿತ್ತು. ಈ ವರ್ಷ ಕೋವಿಡ್–19ನಿಂದಾಗಿ ಶಾಲೆಗಳು ಆರಂಭವಾಗದ್ದರಿಂದ ಆ ಆದೇಶವೂ ದೊರೆತಿಲ್ಲ.

. ದಸರಾ, ದೀಪಾವಳಿಗೂ ವೇತನವಿಲ್ಲ

. ನಿಗಮದಲ್ಲಿ 170 ಮಂದಿ ಕಾಯಂ ಸಿಬ್ಬಂದಿ ಸೇರಿದಂತೆ 290 ಮಂದಿ ಕಾರ್ಯ ನಿರ್ವಹಿಸುತ್ತಿದ್ದಾರೆ. ಅವರಿಗೆ ದಸರಾ, ದೀಪಾವಳಿ ಹಬ್ಬದ ಸಂದರ್ಭಲ್ಲಿಯೂ (ಮೂರು ತಿಂಗಳು) ವೇತನವಾಗಿಲ್ಲ. ನೌಕರರಿಗೆ ನೀಡಬೇಕಾದ ₹3 ಕೋಟಿ ಬಾಕಿ ಉಳಿದುಕೊಂಡಿದೆ.ಆ ಕುಟುಂಬಗಳು ಆರ್ಥಿಕ ಸಂಕಷ್ಟಕ್ಕೆ ಸಿಲುಕಿವೆ. ಎರಡು ವರ್ಷಗಳಿಂದ ನೇಕಾರರಿಗೂ ಪ್ರೋತ್ಸಾಹ ಧನ ನೀಡಿಲ್ಲ.

. ಅನುದಾನ ಕಡಿತ

. ಈ ಹಿಂದೆ ನಿಗಮಕ್ಕೆ ವಾರ್ಷಿಕ₹30 ಕೋಟಿ ಅನುದಾನ ನೀಡಲಾಗುತ್ತಿತ್ತು. ಈಗ ಅದನ್ನು₹15 ಕೋಟಿಗೆ ಇಳಿಸಲಾಗಿದೆ. ಹಿಂದಿನ ವರ್ಷಗಳಷ್ಟೇ ಅನುದಾನವನ್ನು ನೀಡಬೇಕು ಎಂದು ಸರ್ಕಾರಕ್ಕೆ ಮನವಿ ಮಾಡಲಾಗಿದೆ. ನಿಗಮವು ರಾಜ್ಯದಾದ್ಯಂತ 16 ಪ್ರಿಯದರ್ಶಿನಿ ಮಳಿಗೆಗಳಿದ್ದು,ವಾರ್ಷಿಕ ₹120 ಕೋಟಿ ವಹಿವಾಟು ಹೊಂದಿದೆ. ವರ್ಷದಿಂದ ವರ್ಷಕ್ಕೆ ಪ್ರತಿ ವರ್ಷ ₹5 ರಿಂದ ₹10 ಕೋಟಿ ನಷ್ಟವಾಗುತ್ತಿದೆ ಎನ್ನುತ್ತಾರೆ ರಾಮಚಂದ್ರ.

. ನೇಕಾರರಿಗೆ ಸಂಬಂಧಿಸಿದಂತೆ ಜವಳಿ ಅಭಿವೃದ್ಧಿ ನಿಗಮ, ಕಾವೇರಿ ಹ್ಯಾಂಡಲೂಮ್ ನಿಗಮ, ಕೈಮಗ್ಗ ನಿಗಮಗಳಿವೆ. ಮೂರನ್ನೂ ಸೇರಿಸಿ, ಒಂದೇ ನಿಗಮ ಮಾಡಬೇಕಿದೆ. ಇದರಿಂದ ಅನುಕೂಲವಾಗಲಿದೆ ಎನ್ನುತ್ತಾರೆ ನಿಗಮದ ಅಧ್ಯಕ್ಷ ಸಿದ್ದು ಸವದಿ.

. ***

. ನೇಕಾರರು ದೇಶದಲ್ಲಿಯೇ ಕನಿಷ್ಠ ಕೂಲಿಯಲ್ಲಿ ಕೆಲಸ ಮಾಡುತ್ತಿದ್ದಾರೆ. ಮೂರು ವರ್ಷಗಳಿಂದ ಕೂಲಿ ಹೆಚ್ಚಿಸಿಲ್ಲ. ನೇಕಾರರನ್ನು ಉಳಿಸಬೇಕೆಂದರೆ ಕೂಡಲೇ ಕೂಲಿ ದರ ಹೆಚ್ಚಿಸಬೇಕಿದೆ.

. –ಸಿದ್ದು ಸವದಿ, ಅಧ್ಯಕ್ಷ, ಕರ್ನಾಟಕ ಕೈಮಗ್ಗ ಅಭಿವೃದ್ಧಿ ನಿಗಮ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಸಾಲ ಸರಿದೂಗಿಸಲು ಆಸ್ತಿ ಮಾರಾಟಕ್ಕೆ ಮುಂದಾದ ಕೈಮಗ್ಗ ನಿಗಮ

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಹೃದಯಾಘಾತ: ಕೋವಿಡ್ ಲಸಿಕೆ ಬಗ್ಗೆ ಸಿದ್ದರಾಮಯ್ಯ ಹೇಳಿಕೆ ಖಂಡಿಸಿದ ಕಿರಣ್ ಮಜುಂದಾರ್

ಜಾವೆಲಿನ್‌ ಥ್ರೊ ಕೂಟ: ಬೆಂಗಳೂರಿನಲ್ಲಿ ಕಣಕ್ಕಿಳಿಯಲು ನೀರಜ್ ಉತ್ಸುಕ

ಬ್ಯಾಡ್ಮಿಂಟನ್: ಕ್ವಾರ್ಟರ್‌ಗೆ ಶ್ರೀಕಾಂತ್‌

ಚೆಸ್‌: ಮುನ್ನಡೆ ಹಂಚಿಕೊಂಡ ಗುಕೇಶ್‌

ವಿಂಬಲ್ಡನ್‌ ಟೆನಿಸ್‌ ಟೂರ್ನಿ: ಎರಡನೇ ಸುತ್ತಿಗೆ ಬಾಲಾಜಿ– ವರೆಲಾ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಹೃದಯಾಘಾತ: ಕೋವಿಡ್ ಲಸಿಕೆ ಬಗ್ಗೆ ಸಿದ್ದರಾಮಯ್ಯ ಹೇಳಿಕೆ ಖಂಡಿಸಿದ ಕಿರಣ್ ಮಜುಂದಾರ್