ಬೆಂಗಳೂರು: ರಾಜ್ಯದಲ್ಲಿ ಕಪ್ಪು ಶಿಲೀಂಧ್ರದಿಂದ ಮೃತಪಟ್ಟವರ ಸಂಖ್ಯೆ 313ಕ್ಕೆ ಏರಿದೆ. ಬೆಂಗಳೂರಿನಲ್ಲೇ 108 ಜನ ಅಸುನೀಗಿದ್ದಾರೆ. ಈವರೆಗೆ ಈ ಸೋಂಕಿಗೆ ಒಳಗಾದವರ ಒಟ್ಟು ಸಂಖ್ಯೆಯು 3,588ಕ್ಕೆ ಹೆಚ್ಚಿದೆ.
ಸೋಂಕಿತರ ಸಂಖ್ಯೆ ಬೆಂಗಳೂರಿನಲ್ಲೇ ಅಧಿಕವಾಗಿದೆ. ರಾಜಧಾನಿಯಲ್ಲಿ ಈವರೆಗೆ 1,143 ಜನರಿಗೆ ಸೋಂಕು ತಗುಲಿದೆ. ಬಳ್ಳಾರಿ (144), ಬೆಳಗಾವಿ (159), ಚಿತ್ರದುರ್ಗ (153), ಧಾರವಾಡ (281), ಕಲಬುರ್ಗಿ (205) ಹಾಗೂ ವಿಜಯಪುರದಲ್ಲೂ (220) ಹೆಚ್ಚು ಪ್ರಕರಣಗಳು ವರದಿಯಾಗಿವೆ.
ಸೋಂಕಿತರ ಪೈಕಿ ಬಳ್ಳಾರಿ ಮತ್ತು ದಕ್ಷಿಣ ಕನ್ನಡದಲ್ಲಿ ತಲಾ 21, ದಾವಣಗೆರೆಯಲ್ಲಿ 20, ಕಲಬುರ್ಗಿಯಲ್ಲಿ 23, ಧಾರವಾಡ ಮತ್ತು ಮೈಸೂರಿನಲ್ಲಿ ತಲಾ 17 ಹಾಗೂ ಶಿವಮೊಗ್ಗದಲ್ಲಿ 15 ಜನ ಅಸುನೀಗಿದ್ದಾರೆ.
