Covid-19 Karnataka Update | ರಾಜ್ಯದಲ್ಲಿ 10,913 ಹೊಸ ಪ್ರಕರಣ, 114 ಜನ ಸಾವು

ಈವರೆಗೆ 5,61,610 ಮಂದಿ ಗುಣಮುಖರಾಗಿ ಆಸ್ಪತ್ರೆಯಿಂದ ಬಿಡುಗಡೆಯಾಗಿದ್ದು, 1,18,851 ಸಕ್ರಿಯ ಪ್ರಕರಣಗಳು ರಾಜ್ಯದಲ್ಲಿವೆ. ಇದರಲ್ಲಿ 873 ಜನರನ್ನು ಐಸಿಯುನಲ್ಲಿಟ್ಟು ಚಿಕಿತ್ಸೆ ನೀಡಲಾಗುತ್ತಿದೆ. ಇಂದು ಗುಣಮುಖರಾಗಿ 9,091 ಜನರು ಬಿಡುಗಡೆಯಾಗಿದ್ದಾರೆ.

ಬೆಂಗಳೂರಿನಲ್ಲಿ ಇಂದು ಹೊಸದಾಗಿ 5,009 ಜನರಿಗೆ ಸೋಂಕು ತಗುಲಿದ್ದು, ಒಟ್ಟಾರೆ 2,06,976 ಜನರು ಗುಣಮುಖರಾಗಿ ಬಿಡುಗಡೆಯಾಗಿದ್ದಾರೆ. ಒಟ್ಟು ಸೋಂಕಿತರ ಸಂಖ್ಯೆ 2.72 ಲಕ್ಷದ ಗಡಿ ದಾಟಿದೆ. ಇಂದು 57 ಜನರು ಮೃತಪಟ್ಟಿದ್ದು, ಈವರೆಗೂ 3,290 ಮಂದಿ ಸಾವಿಗೀಡಾಗಿದ್ದಾರೆ.

ಬಾಗಲಕೋಟೆಯಲ್ಲಿ 76, ಬಳ್ಳಾರಿ 217, ಬೆಳಗಾವಿ 269, ಬೆಂಗಳೂರು ಗ್ರಾಮಾಂತರ 242, ಬೀದರ್ 57, ಚಾಮರಾಜನಗರ 72, ಚಿಕ್ಕಬಳ್ಳಾಪುರ 154, ಚಿಕ್ಕಮಗಳೂರು 129, ಚಿತ್ರದುರ್ಗ 418, ದಕ್ಷಿಣ ಕನ್ನಡ 376, ದಾವಣಗೆರೆ 450, ಧಾರವಾಡ 150, ಗದಗ 68, ಹಾಸನ 489, ಹಾವೇರಿ 75, ಕಲಬುರಗಿ 144, ಕೊಡಗು 31, ಕೋಲಾರ 156, ಕೊಪ್ಪಳ 65, ಮಂಡ್ಯ 250, ಮೈಸೂರು 826, ರಾಯಚೂರು 73, ರಾಮನಗರ 125, ಶಿವಮೊಗ್ಗ 140, ತುಮಕೂರು 366, ಉಡುಪಿ 177, ಉತ್ತರ ಕನ್ನಡ 196, ವಿಜಯಪುರ 92 ಮತ್ತು ಯಾದಗಿರಿಯಲ್ಲಿ 66 ಜನರಿಗೆ ಕೊರೊನಾ ವೈರಸ್ ಸೋಂಕು ತಗುಲಿರುವ ಹೊಸ ಪ್ರಕರಣಗಳು ಪತ್ತೆಯಾಗಿದೆ.