ಕೊನೆಗೂ ಉದ್ಯೋಗ ನಷ್ಟ ಒಪ್ಪಿದ ಬಿಜೆಪಿ ಸರ್ಕಾರ: ಕಾಂಗ್ರೆಸ್

ಬೆಂಗಳೂರು: ಉದ್ಯೋಗ ನಷ್ಟವಾಗಿರುವ ಬಗ್ಗೆ ವಾಸ್ತವ ಮರೆಮಾಚಿದ್ದ ಕೇಂದ್ರದ ಬಿಜೆಪಿ ಸರ್ಕಾರ ಕೊನೆಗೂ ಅನಿವಾರ್ಯವಾಗಿ ಸತ್ಯವನ್ನು ಒಪ್ಪಿಕೊಂಡಿದೆ ಎಂದು ಕಾಂಗ್ರೆಸ್ ಟೀಕಿಸಿದೆ.

ಕೋವಿಡ್ ಮೊದಲನೇ ಅಲೆಯಿಂದ ಲಾಕ್‌ಡೌನ್‌ ಹೇರಿದ್ದ ಮಾರ್ಚ್–ಜೂನ್ ಅವಧಿಯಲ್ಲಿ ದೇಶದ 9 ಪ್ರಮುಖ ಕೃಷಿಯೇತರ ವಲಯಗಳಲ್ಲಿ 23.6 ಲಕ್ಷ ಜನರು ಉದ್ಯೋಗ ಕಳೆದುಕೊಂಡಿದ್ದಾರೆ ಎಂದು ಕೇಂದ್ರ ಸರ್ಕಾರದ ಸಮೀಕ್ಷೆ ಸೋಮವಾರ ತಿಳಿಸಿತ್ತು.

ಓದಿ: ಲಾಕ್‌ಡೌನ್ ಅವಧಿಯಲ್ಲಿ 23 ಲಕ್ಷ ಉದ್ಯೋಗಕ್ಕೆ ಕುತ್ತು

ಈ ಕುರಿತ ‘ಪ್ರಜಾವಾಣಿ’ ವರದಿ ಉಲ್ಲೇಖಿಸಿ ಟ್ವೀಟ್ ಮಾಡಿರುವ ಕಾಂಗ್ರೆಸ್, ‘ಮರ್ಯಾದೆ ಉಳಿಸಿಕೊಳ್ಳುವ ಸಲುವಾಗಿ ವಾಸ್ತವ ಮರೆಮಾಚಿ ಅಂಕಿ ಅಂಶಗಳನ್ನು ನೀಡಿದ್ದರೂ ಬಿಜೆಪಿ ಸರ್ಕಾರವು ಉದ್ಯೋಗ ನಷ್ಟವನ್ನು ಅನಿವಾರ್ಯವಾಗಿ ಒಪ್ಪಿಕೊಂಡಿದೆ. ಸರ್ಕಾರದ ಪ್ರಕಾರ, ಕೇವಲ 3 ತಿಂಗಳಲ್ಲಿ 23 ಲಕ್ಷ ಉದ್ಯೋಗ ನಷ್ಟವಾಗಿದ್ದು ಆತಂಕಕಾರಿ ಸಂಗತಿ. ‘ಪಕೋಡಾನಾಮಿಕ್ಸ್’ ಸೂತ್ರದ ಬಿಜೆಪಿ ಸರ್ಕಾರದಿಂದ ಜನತೆಗೆ ಮತ್ತೊಮ್ಮೆ ಉದ್ಯೋಗ ಸಿಗಬಹುದಾದ ಯಾವ ನಿರೀಕ್ಷೆಯೂ ಇಲ್ಲ’ ಎಂದು ಉಲ್ಲೇಖಿಸಿದೆ.

ಮರ್ಯಾದೆ ಉಳಿಸಿಕೊಳ್ಳುವ ಸಲುವಾಗಿ ವಾಸ್ತವ ಮರೆಮಾಚಿ ಅಂಕಿ ಅಂಶಗಳನ್ನ ನೀಡಿದರೂ ಉದ್ಯೋಗ ನಷ್ಟವನ್ನ ಅನಿವಾರ್ಯವಾಗಿ ಒಪ್ಪಿದೆ.

ಸರ್ಕಾರದ ಪ್ರಕಾರವೇ ಕೇವಲ 3 ತಿಂಗಳಲ್ಲಿ 23 ಲಕ್ಷ ಉದ್ಯೋಗ ನಷ್ಟವಾಗಿದ್ದು ಆತಂಕಕಾರಿ ಸಂಗತಿ.

ಪಕೋಡಾನಾಮಿಕ್ಸ್ ಸೂತ್ರದ @BJP4India ಸರ್ಕಾರದಿಂದ ಜನತೆಗೆ ಮತ್ತೊಮ್ಮೆ ಉದ್ಯೋಗ ಸಿಗಬಹುದಾದ ಯಾವ ನಿರೀಕ್ಷೆಯೂ ಇಲ್ಲ pic.twitter.com/hAkDzmPzhp

— Karnataka Congress (@INCKarnataka) September 28, 2021