ಹೆಕ್ಟೇರ್‌ಗೆ 62 ಕ್ವಿಂಟಲ್ ಇಳುವರಿ!

ಗೋಣಿಕೊಪ್ಪಲು : ‘ಭತ್ತದ ಖಣಜ’ವಾದ ದಕ್ಷಿಣ ಕೊಡಗು ಈಗ ಹವಾಮಾನ ವೈಪರೀತ್ಯ, ಕಾರ್ಮಿಕರ ಸಮಸ್ಯೆ, ಬೆಲೆ ಕುಸಿತ... ಈ ರೀತಿಯ ಹತ್ತಾರು ಸಮಸ್ಯೆಗಳಿಂದ ನಲುಗುತ್ತಿದೆ; ಭತ್ತ ಬೆಳೆಯುವ ಪ್ರದೇಶವೂ ವರ್ಷದಿಂದ ವರ್ಷಕ್ಕೆ ಕುಸಿಯುತ್ತಿದೆ. ಈ ಎಲ್ಲ ಸಮಸ್ಯೆಗಳನ್ನು ಸಂಬಾಳಿಸಿಕೊಂಡು ಭತ್ತದ ಕೃಷಿಯಲ್ಲಿ ಯಶಸ್ಸು ಕಂಡವರು ಬಾಳೆಲೆ ದೇವನೂರು ಗ್ರಾಮದ ಪೋಡಮಾಡ ಮೋಹನ್.

. ಇವರು ಕೇವಲ 2.5 ಎಕರೆ ಭೂಮಿಯಲ್ಲಿ ಮಾತ್ರ ಭತ್ತದ ಕೃಷಿ ಕೈಗೊಂಡಿದ್ದಾರೆ. ಇಷ್ಟರಲ್ಲಿಯೇ ಸಮೃದ್ಧಿಯಾಗಿ ಬೆಳೆ ತೆಗೆಯುತ್ತಿದ್ದಾರೆ. ಬಾಳೆಲೆ ಭಾಗಕ್ಕೆ ಮಳೆ ಯಾವತ್ತೂ ಕಡಿಮೆ. ಹೀಗಾಗಿ, ಈ ಭಾಗದ ಜನರು ಕಾಫಿಗೆ ಕೊಡುವಷ್ಟು ಆದ್ಯತೆಯನ್ನು ಭತ್ತಕ್ಕೆ ಕೊಡಲಾರರು. ಇಂತಹ ಸನ್ನಿವೇಶದಲ್ಲಿ ಮೋಹನ್ ಅವರು ತೋಡುಗಳಲ್ಲಿ ಹರಿಯವ ನೀರನ್ನು ಬಳಸಿಕೊಂಡು ಉತ್ತಮ ಕೃಷಿ ಕೈಗೊಂಡಿದ್ದಾರೆ.

. ಮಳೆಗಾಲದಲ್ಲಿ ಸಂಗ್ರಹಿಸಿಕೊಂಡು ಕೆರೆಗಳಿಗೆ ತುಂಬಿಸಿಕೊಳ್ಳುತ್ತಾರೆ. ಬಳಿಕ ಗದ್ದೆಯಲ್ಲಿ ನೀರು ಕಡಿಮೆಯಾದರೆ ಕೆರೆಯಿಂದ ನೀರು ಹಾಯಿಸಿಕೊಳ್ಳುತ್ತಾರೆ. ಹೀಗಾಗಿ, ಪ್ರತಿ ವರ್ಷವೂ ಗದ್ದೆಯನ್ನು ಖಾಲಿ ಬಿಡದೇ ಕೃಷಿಮಾಡಿ ಉತ್ತಮ ಬೆಳೆ ತೆಗೆಯುತ್ತಿದ್ದಾರೆ.

. 2015–16ನೇ ಸಾಲಿನ ಮುಂಗಾರು ಹಂಗಾಮಿನಲ್ಲಿ ಒಂದು ಹೆಕ್ಟೇರ್ಗೆ 62.64 ಕ್ವಿಂಟಲ್ ಭತ್ತ ಬೆಳೆದು ವಿರಾಜಪೇಟೆ ತಾಲ್ಲೂಕಿನಲ್ಲಿ ಅತಿ ಹೆಚ್ಚು ಇಳುವರಿ ಪಡೆದ ರೈತರಲ್ಲಿ ಪ್ರಥಮ ಸ್ಥಾನ ಪಡೆದುಕೊಂಡಿದ್ದರು. ಹೀಗಾಗಿ ಇವರನ್ನು ಕೃಷಿ ಇಲಾಖೆ ಪ್ರಶಸ್ತಿ ನೀಡಿ ಗೌರವಿಸಿದೆ.

. ಕಾಫಿ ತೋಟದ ನಡುವಿನ ಹಳ್ಳದಲ್ಲಿರುವ ಗದ್ದೆಗಳು ಯಾವಾಗಲೂ ನೀರಿನ ಪಸೆಯಿಂದ ಕೂಡಿರುತ್ತವೆ. ಗದ್ದೆ ಮಣ್ಣು ಕೂಡ ಕೊಟ್ಟಿಗೆ ಗೊಬ್ಬರ, ಹಸಿರೆಲೆ ಗೊಬ್ಬರದಿಂದ ಫಲವತ್ತಾಗಿದೆ. ಈ ವರ್ಷವೂ ಗದ್ದೆಯಲ್ಲಿ ಭತ್ತ ಸುಮಾರು 5 ಅಡಿಯಷ್ಟು ಎತ್ತರವಾಗಿ ಸಮೃದ್ಧಿಯಾಗಿ ಬೆಳೆದಿದೆ. ಗೊನೆಗಳು ಕೂಡ ನೀಳವಾಗಿದ್ದು ಕಾಳುಬಿಟ್ಟು ತಲೆದೂಗುತ್ತಿವೆ. ಭತ್ತದ ಗೊನೆ ಹಿಡಿದು ಮುದ್ದಿಸುವ ಮೋಹನ್ ಅದರೊಳಗೆ ಸುತ್ತುತ್ತಾ ಆನಂದಿಸುತ್ತಾರೆ.

. ಮೋಹನ್ ಅವರು ಉಳುಮೆಗೆ ಟಿಲ್ಲರ್ ಬಳಸಿದರೂ ನಾಟಿ ಮತ್ತು ಕೊಯ್ಲನ್ನು ಕೈಯಿಂದಲೇ ಮಾಡಿಸುತ್ತಾರೆ. ಒಕ್ಕಣೆಯನ್ನೂ ಸಾಂಪ್ರದಾಯಿಕವಾಗಿ ಕಾರ್ಮಿಕರಿಂದಲೇ ಮಾಡಿಸುತ್ತಾರೆ. ಇದರಿಂದ ಹುಲ್ಲು ಮತ್ತು ಭತ್ತ ಎರಡರಲ್ಲಿಯೂ ಅವರಿಗೆ ಆದಾಯ ಬರುತ್ತಿದೆ.

. ಭತ್ತದ ಹುಲ್ಲಿಗೂ ಉತ್ತಮ ಬೆಲೆ ಇರುವುದರಿಂದ ಹುಲ್ಲನ್ನು ಹಾಳು ಮಾಡುತ್ತಿಲ್ಲ. ಹೀಗಾಗಿ ಅವರಿಗೆ ಭತ್ತದ ಕೃಷಿ ಕೈಹಿಡಿದಿದೆ. ಲಾಭದಾಯಕ ಎನ್ನಿಸಿದೆ. ಜತೆಗೆ ಕಾಫಿ, ಅಡಿಕೆ, ತೆಂಗು, ಬಾಳೆ, ಸಪೋಟ ಮೊದಲಾದವುಗಳನ್ನು ಅಚುಕಟ್ಟಾಗಿ ಬೆಳೆದಿದ್ದಾರೆ.

. ಕಾಫಿ ತೋಟವನ್ನು ಉತ್ತಮವಾಗಿ ನಿರ್ವಹಿಸುತ್ತಿದ್ದಾರೆ. ಭತ್ತದ ಗದ್ದೆಯ ಮಧ್ಯದಲ್ಲಿರುವ ವಿಶಾಲವಾದ ಕೆರೆಯಲ್ಲಿ ಸಾವಿರಾರು ಮೀನುಗಳನ್ನು ಸಾಕಿದ್ದಾರೆ. ಪಪ್ಪಾಯಿ, ಸಪೋಟ, ಸೀಬೆ ಮೊದಲಾದ ಹಣ್ಣುಗಳಿರುವ ಇವರ ತೋಟದಲ್ಲಿ ಪಕ್ಷಿಗಳ ಕಲರವ ಕಿವಿಗಡಚಿಕ್ಕುತ್ತದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಹೆಕ್ಟೇರ್‌ಗೆ 62 ಕ್ವಿಂಟಲ್ ಇಳುವರಿ!

ಚಿನಕುರುಳಿ | ಸೋಮವಾರ, 14 ಜುಲೈ 2025

ಚುರುಮುರಿ | ಭೋಜನ ಭಾಗ್ಯ

ದಿನ ಭವಿಷ್ಯ | ಖರ್ಚು ವೆಚ್ಚಗಳ ಮೇಲೆ ಗಮನವಿದ್ದರೆ ಒಳ್ಳೆಯದು

ಮದುವೆಯಾಗಿ ಮೂರೇ ತಿಂಗಳಿಗೆ ಗಂಡನನ್ನು ಕೃಷ್ಣಾ ನದಿಗೆ ತಳ್ಳಿದ ಪತ್ನಿ! ಹೈಡ್ರಾಮಾ

Lords Test: ಹೋರಾಡಿ ಸೋತ ಗಿಲ್‌ ಬಳಗ

ಜಪಾನ್‌ ಓಪನ್‌ ಬ್ಯಾಡ್ಮಿಂಟನ್‌ ಟೂರ್ನಿ: ಸಾತ್ವಿಕ್‌– ಚಿರಾಗ್‌ ಮೇಲೆ ನಿರೀಕ್ಷೆ

ರಾಜ್ಯ ರ‍್ಯಾಂಕಿಂಗ್‌ ಬ್ಯಾಡ್ಮಿಂಟನ್‌ ಟೂರ್ನಿ: ಇಶಾನ್‌, ಜೋಹನ್ನಾಗೆ ಪ್ರಶಸ್ತಿ

ಟಿ20 ತ್ರಿಕೋನ ಸರಣಿ: ದಕ್ಷಿಣ ಆಫ್ರಿಕಾ ಶುಭಾರಂಭ

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಚಿನಕುರುಳಿ | ಸೋಮವಾರ, 14 ಜುಲೈ 2025

ಚುರುಮುರಿ | ಭೋಜನ ಭಾಗ್ಯ

ದಿನ ಭವಿಷ್ಯ | ಖರ್ಚು ವೆಚ್ಚಗಳ ಮೇಲೆ ಗಮನವಿದ್ದರೆ ಒಳ್ಳೆಯದು

ಮದುವೆಯಾಗಿ ಮೂರೇ ತಿಂಗಳಿಗೆ ಗಂಡನನ್ನು ಕೃಷ್ಣಾ ನದಿಗೆ ತಳ್ಳಿದ ಪತ್ನಿ! ಹೈಡ್ರಾಮಾ