Fact Check: ಒಲಿಂಪಿಕ್ಸ್‌ನಲ್ಲಿ ಪ್ರಧಾನಿ ಮೋದಿಗೆ ಪದಕ? ಏನಿದರ ಮರ್ಮ?

‘ಟೋಕಿಯೊದಲ್ಲಿ ನಡೆಯುತ್ತಿರುವ ಒಲಿಂಪಿಕ್ಸ್ ಕ್ರೀಡಾಕೂಟದಲ್ಲಿ ಪ್ರಧಾನಿ ನರೇಂದ್ರ ಮೋದಿ ಅವರು ಭಾರತಕ್ಕೆ ಮೊದಲ ಪದಕ ಗೆದ್ದುಕೊಟ್ಟಿದ್ದಾರೆ’. ಈ ಮಾಹಿತಿ ಇರುವ ಪೋಸ್ಟರ್‌ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ಹಿಂದಿ ಸುದ್ದಿವಾಹಿನಿ ಆಜ್‌ತಕ್‌ನ ಖಬರ್‌ದಾರ್ ಕಾರ್ಯಕ್ರಮ ನಡೆಸಿಕೊಡುವ ನಿರೂಪಕಿ ಶ್ವೇತಾ ಸಿಂಗ್ ಹಾಗೂ ಪ್ರಧಾನಿ ನರೇಂದ್ರ ಮೋದಿ ಅವರು ಇರುವ ಪೋಸ್ಟರ್‌ನಲ್ಲಿ ಮೋದಿ ಪದಕ ಗೆದ್ದಿರುವ ಉಲ್ಲೇಖವಿದೆ. ಮೊದಲ ಪದಕ ಗೆದ್ದ ಮೀರಾಬಾಯಿ ಚಾನು ಅವರ ಬದಲಾಗಿ ಮೋದಿ ಅವರಿಗೆ ಪದಕ ಬಂದಿದೆ ಎಂದು ಬಿತ್ತರಿಸಿರುವ ಚಾನೆಲ್‌ ವಿರುದ್ಧ ಸಾಮಾಜಿಕ ಜಾಲತಾಣ ಬಳಕೆದಾರರು ಕಿಡಿಕಾರಿದ್ದಾರೆ.