<p><strong>ಲೇಹ್</strong>: ಇಂಡೋ–ಚೀನಾ ಗಡಿಯಲ್ಲಿ ಅಕ್ರಮವಾಗಿ ಸಾಗಾಟ ಮಾಡುತ್ತಿದ್ದ ತಲಾ 1 ಕೆ.ಜಿ ತೂಕದ 108 ಚಿನ್ನದ ಗಟ್ಟಿಗಳನ್ನು ಇಂಡೋ–ಟಿಬೆಟನ್ ಬಾರ್ಡರ್ ಪೊಲೀಸ್(ಐಟಿಬಿಪಿ) ವಶಪಡಿಸಿಕೊಂಡಿದೆ. ಪ್ರಕರಣ ಸಂಬಂಧ ಮೂವರನ್ನು ಬಂಧಿಸಲಾಗಿದೆ ಎಂದು ಅಧಿಕಾರಿ ತಿಳಿಸಿದ್ದಾರೆ.</p> <p>ಸ್ಮಗ್ಲರ್ಗಳ ಬಳಿಯಿಂದ ಎರಡು ಮೊಬೈಲ್ ಪೋನ್, ಬೈನಾಕ್ಯುಲರ್, ಎರಡು ಚಾಕು ಮತ್ತು ಕೇಕ್, ಹಾಲು ಸೇರಿದಂತೆ ಚೀನಾದ ಹಲವು ಆಹಾರೋತ್ಪನ್ನಗಳನ್ನು ವಶಕ್ಕೆ ಪಡೆಯಲಾಗಿದೆ.</p><p>ಇತಿಹಾಸದಲ್ಲೇ ಐಟಿಬಿಪಿ ಗಡಿಯಲ್ಲಿ ವಶಪಡಿಸಿಕೊಂಡ ಅತ್ಯಧಿಕ ಪ್ರಮಾಣ ಚಿನ್ನ ಇದಾಗಿದೆ. ಜಪ್ತಿ ಮಾಡಿದ ಬಂಗಾರವನ್ನು ಕಸ್ಟಮ್ಸ್ ಅಧಿಕಾರಿಗಳ ವಶಕ್ಕೆ ನೀಡಲಾಗುತ್ತದೆ ಎಂದೂ ಅವರು ತಿಳಿಸಿದ್ದಾರೆ.</p><p>ಈಶಾನ್ಯ ಲಡಾಖ್ನ ಚಂಗ್ತಂಗ್ ಉಪವಲಯದ ಚಿಸ್ಬುಲೆ, ನರ್ಬುಲಾ, ಝಂಗ್ಲೆ, ಝಕ್ಲಾ ಪ್ರದೇಶಗಳಲ್ಲಿ ಅಕ್ರಮ ಸಾಗಾಟಗಾರರ ಹಾವಳಿ ಹೆಚ್ಚಾಗಿರುವುದರಿಂದ ಈ ವಲಯದಲ್ಲಿ ಮಂಗಳವಾರ ಮಧ್ಯಾಹ್ನದಿಂದ ಐಟಿಬಿಪಿಯ 21ನೇ ಬೆಟಾಲಿಯನ್ ತೀವ್ರ ಶೋಧ ಕೈಗೊಂಡಿತ್ತು.</p><p>ಎಲ್ಎಸಿಯಿಂದ 1 ಕಿ.ಮೀ ದೂರದ ಶ್ರೀರಾಪ್ಲೆ ಬಳಿ ಅಕ್ರಮ ವಸ್ತುಗಳ ಸಾಗಾಟದ ಬಗ್ಗೆ ಐಟಿಬಿಪಿಗೆ ಮಾಹಿತಿ ಸಿಕ್ಕಿತ್ತು. ಗಸ್ತು ಪಡೆಯ ನೇತೃತ್ವ ವಹಿಸಿರುವ ಡೆಪ್ಯುಟಿ ಕಮಾಂಡೆಂಟ್ ದೀಪಕ್ ಭಟ್, ಇಬ್ಬರು ವ್ಯಕ್ತಿಗಳು ಹೇಸರಗತ್ತೆ ಮೇಲೆ ಪ್ರಯಾಣಿಸುತ್ತಿರುವುದನ್ನು ಗುರುತಿಸಿದ್ದಾರೆ.</p><p>ಆರಂಭದಲ್ಲಿ ಅವರು ತಾವು ಔಷಧಿಯ ಸಸ್ಯಗಳ ಡೀಲರ್ಗಳೆಂದು ಹೇಳಿಕೊಂಡಿದ್ದರು. ಬಳಿಕ, ಶೋಧ ನಡೆಸಿದಾಗ ಭಾರಿ ಪ್ರಮಾಣದ ಚಿನ್ನ ಪತ್ತೆಯಾಗಿದೆ. </p><p>ತಪ್ಪಿಸಿಕೊಳ್ಳಲು ಮುಂದಾದ ಅವರನ್ನು ಐಟಿಬಿಪಿ ಸೆರೆಹಿಡಿದಿದೆ. ಬಂಧಿತರನ್ನು ಸೆರಿಂಗ್ ಛಂಬಾ(40) ಮತ್ತು ಸ್ಟ್ಯಾಂಜಿನ್ ಡೊರ್ಗ್ಯಾಲ್ ಎಂದು ಗುರುತಿಸಲಾಗಿದೆ.</p><p>ವಶಪಡಿಸಿಕೊಂಡ ಚಿನ್ನಕ್ಕೆ ಸಂಬಂಧಿಸಿದ ಮತ್ತೊಬ್ಬನನ್ನೂ ಬಂಧಿಸಲಾಗಿದ್ದು, ವಿಚಾರಣೆ ನಡೆಯುತ್ತಿದೆ.</p> .ಭಾರತ ಕ್ರಿಕೆಟ್ ತಂಡದ ಬೌಲಿಂಗ್ ಕೋಚ್ ಹುದ್ದೆಗೆ ಜಹೀರ್, ಬಾಲಾಜಿ ಹೆಸರು.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಲೇಹ್</strong>: ಇಂಡೋ–ಚೀನಾ ಗಡಿಯಲ್ಲಿ ಅಕ್ರಮವಾಗಿ ಸಾಗಾಟ ಮಾಡುತ್ತಿದ್ದ ತಲಾ 1 ಕೆ.ಜಿ ತೂಕದ 108 ಚಿನ್ನದ ಗಟ್ಟಿಗಳನ್ನು ಇಂಡೋ–ಟಿಬೆಟನ್ ಬಾರ್ಡರ್ ಪೊಲೀಸ್(ಐಟಿಬಿಪಿ) ವಶಪಡಿಸಿಕೊಂಡಿದೆ. ಪ್ರಕರಣ ಸಂಬಂಧ ಮೂವರನ್ನು ಬಂಧಿಸಲಾಗಿದೆ ಎಂದು ಅಧಿಕಾರಿ ತಿಳಿಸಿದ್ದಾರೆ.</p> <p>ಸ್ಮಗ್ಲರ್ಗಳ ಬಳಿಯಿಂದ ಎರಡು ಮೊಬೈಲ್ ಪೋನ್, ಬೈನಾಕ್ಯುಲರ್, ಎರಡು ಚಾಕು ಮತ್ತು ಕೇಕ್, ಹಾಲು ಸೇರಿದಂತೆ ಚೀನಾದ ಹಲವು ಆಹಾರೋತ್ಪನ್ನಗಳನ್ನು ವಶಕ್ಕೆ ಪಡೆಯಲಾಗಿದೆ.</p><p>ಇತಿಹಾಸದಲ್ಲೇ ಐಟಿಬಿಪಿ ಗಡಿಯಲ್ಲಿ ವಶಪಡಿಸಿಕೊಂಡ ಅತ್ಯಧಿಕ ಪ್ರಮಾಣ ಚಿನ್ನ ಇದಾಗಿದೆ. ಜಪ್ತಿ ಮಾಡಿದ ಬಂಗಾರವನ್ನು ಕಸ್ಟಮ್ಸ್ ಅಧಿಕಾರಿಗಳ ವಶಕ್ಕೆ ನೀಡಲಾಗುತ್ತದೆ ಎಂದೂ ಅವರು ತಿಳಿಸಿದ್ದಾರೆ.</p><p>ಈಶಾನ್ಯ ಲಡಾಖ್ನ ಚಂಗ್ತಂಗ್ ಉಪವಲಯದ ಚಿಸ್ಬುಲೆ, ನರ್ಬುಲಾ, ಝಂಗ್ಲೆ, ಝಕ್ಲಾ ಪ್ರದೇಶಗಳಲ್ಲಿ ಅಕ್ರಮ ಸಾಗಾಟಗಾರರ ಹಾವಳಿ ಹೆಚ್ಚಾಗಿರುವುದರಿಂದ ಈ ವಲಯದಲ್ಲಿ ಮಂಗಳವಾರ ಮಧ್ಯಾಹ್ನದಿಂದ ಐಟಿಬಿಪಿಯ 21ನೇ ಬೆಟಾಲಿಯನ್ ತೀವ್ರ ಶೋಧ ಕೈಗೊಂಡಿತ್ತು.</p><p>ಎಲ್ಎಸಿಯಿಂದ 1 ಕಿ.ಮೀ ದೂರದ ಶ್ರೀರಾಪ್ಲೆ ಬಳಿ ಅಕ್ರಮ ವಸ್ತುಗಳ ಸಾಗಾಟದ ಬಗ್ಗೆ ಐಟಿಬಿಪಿಗೆ ಮಾಹಿತಿ ಸಿಕ್ಕಿತ್ತು. ಗಸ್ತು ಪಡೆಯ ನೇತೃತ್ವ ವಹಿಸಿರುವ ಡೆಪ್ಯುಟಿ ಕಮಾಂಡೆಂಟ್ ದೀಪಕ್ ಭಟ್, ಇಬ್ಬರು ವ್ಯಕ್ತಿಗಳು ಹೇಸರಗತ್ತೆ ಮೇಲೆ ಪ್ರಯಾಣಿಸುತ್ತಿರುವುದನ್ನು ಗುರುತಿಸಿದ್ದಾರೆ.</p><p>ಆರಂಭದಲ್ಲಿ ಅವರು ತಾವು ಔಷಧಿಯ ಸಸ್ಯಗಳ ಡೀಲರ್ಗಳೆಂದು ಹೇಳಿಕೊಂಡಿದ್ದರು. ಬಳಿಕ, ಶೋಧ ನಡೆಸಿದಾಗ ಭಾರಿ ಪ್ರಮಾಣದ ಚಿನ್ನ ಪತ್ತೆಯಾಗಿದೆ. </p><p>ತಪ್ಪಿಸಿಕೊಳ್ಳಲು ಮುಂದಾದ ಅವರನ್ನು ಐಟಿಬಿಪಿ ಸೆರೆಹಿಡಿದಿದೆ. ಬಂಧಿತರನ್ನು ಸೆರಿಂಗ್ ಛಂಬಾ(40) ಮತ್ತು ಸ್ಟ್ಯಾಂಜಿನ್ ಡೊರ್ಗ್ಯಾಲ್ ಎಂದು ಗುರುತಿಸಲಾಗಿದೆ.</p><p>ವಶಪಡಿಸಿಕೊಂಡ ಚಿನ್ನಕ್ಕೆ ಸಂಬಂಧಿಸಿದ ಮತ್ತೊಬ್ಬನನ್ನೂ ಬಂಧಿಸಲಾಗಿದ್ದು, ವಿಚಾರಣೆ ನಡೆಯುತ್ತಿದೆ.</p> .ಭಾರತ ಕ್ರಿಕೆಟ್ ತಂಡದ ಬೌಲಿಂಗ್ ಕೋಚ್ ಹುದ್ದೆಗೆ ಜಹೀರ್, ಬಾಲಾಜಿ ಹೆಸರು.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>