<p><strong>ಮುಂಬೈ:</strong> ಉತ್ತರ ಕಾಶಿಯ ನೆಹರೂ ಪರ್ವತಾರೋಹಣ ಸಂಸ್ಥೆ (ಎನ್ಐಎಂ) ಹಾಗೂ ಪುಣೆ ಮೂಲದ ‘ಗಿರಿಪ್ರೇಮಿ’ ಸಾಹಸ ಕ್ಲಬ್ ಸದಸ್ಯರ ಜಂಟಿ ತಂಡವು, 6,660 ಮೀಟರ್ ಎತ್ತರದ ‘ಮೌಂಟ್ ಮೇರು’ ಶಿಖರ ಏರುವ ಮೂಲಕ ಐತಿಹಾಸಿಕ ಸಾಧನೆ ಮಾಡಿದೆ.</p>.<p>ಗರ್ವಾಲ್ ಹಿಮಾಲಯ ಪ್ರದೇಶದಲ್ಲಿ ಈ ಶಿಖರವಿದೆ. ಇದರ ಆರೋಹಣವು ತುಂಬಾ ಕ್ಲಿಷ್ಟಕರ ಎಂದೇ ಪರಿಗಣಿಸಿದ್ದು, ಇದನ್ನು ಏರಿದ ಮೊದಲ ಭಾರತೀಯ ತಂಡ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ. ಅನುಭವಿ ಪರ್ವತಾರೋಹಿ ಉಮೇಶ ಜಿರ್ಪೆ ಈ ಯಾತ್ರೆಯ ನೇತೃತ್ವವಹಿಸಿದ್ದರು.</p>.<p>ಗಿರಿಪ್ರೇಮಿ ತಂಡದ ಗಣೇಶ್ ಮೋರೆ, ವಿವೇಕ್ ಶಿವದೇ, ವರುಣ್ ಭಾಗವತ್, ಮಿಂಗ್ಮಾ ಶೆರ್ಪಾ, ಎನ್ಐಎಂನ ಹಿರಿಯ ಬೋಧಕ ವಿನೋದ್ ಗುಸೇನ್ ಸೇರಿದಂತೆ ಅವರ ಸಹೋದ್ಯೋಗಿಗಳಾದ ಬಿಹಾರಿ ರಾಣಾ, ಅಜಿತ್ ರಾವತ್ ಅವರು ಶುಕ್ರವಾರ ಈ ಶಿಖರದ ಮೇಲೆ ಭಾರತದ ತ್ರಿವರ್ಣ ಧ್ವಜ ಹಾರಿಸುವಲ್ಲಿ ಯಶಸ್ವಿಯಾಗಿದ್ದಾರೆ.</p>.<p>ಭಾರತದಲ್ಲಿ ಮೌಂಟ್ ಮೇರು (ದಕ್ಷಿಣ) ಏರಿದ ಮೊದಲ ತಂಡ ಇದಾಗಿದೆ. ಅಲ್ಲದೇ, ಪಶ್ಚಿಮ ಭಾಗದಿಂದ ಈ ಶಿಖರ ಏರಿದ ವಿಶ್ವದ ಪ್ರಥಮ ತಂಡ ಎಂಬ ಶ್ರೇಯಕ್ಕೆ ಭಾಜನವಾಗಿದೆ. ದಾವಾ ಶೆರ್ಪಾ ಮತ್ತು ಫರ್ಟೆನ್ಸಿಂಗ್ ಶೆರ್ಪಾ ಕೂಡ ಗಿರಿಪ್ರೇಮಿ ತಂಡದೊಟ್ಟಿಗೆ ಶಿಖರವೇರಿದ್ದಾರೆ. </p>.<p>‘ಕ್ಯಾಂಪ್ 1ರ ವರೆಗೆ ತಂಡದ ಸದಸ್ಯರು ತಲುಪಲು ಲಕ್ಪಾ ಶೇರ್ಪಾ ಸಹಾಯ ನೀಡಿದರು. ಇಡೀ ತಂಡ ಚಾರಿತ್ರಿಕ ಸಾಧನೆ ಮಾಡುವಲ್ಲಿ ಯಶಸ್ವಿಯಾಗಿದೆ’ ಎಂದು ಉಮೇಶ ಜಿರ್ಪೆ ‘ಪ್ರಜಾವಾಣಿ’ಗೆ ತಿಳಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮುಂಬೈ:</strong> ಉತ್ತರ ಕಾಶಿಯ ನೆಹರೂ ಪರ್ವತಾರೋಹಣ ಸಂಸ್ಥೆ (ಎನ್ಐಎಂ) ಹಾಗೂ ಪುಣೆ ಮೂಲದ ‘ಗಿರಿಪ್ರೇಮಿ’ ಸಾಹಸ ಕ್ಲಬ್ ಸದಸ್ಯರ ಜಂಟಿ ತಂಡವು, 6,660 ಮೀಟರ್ ಎತ್ತರದ ‘ಮೌಂಟ್ ಮೇರು’ ಶಿಖರ ಏರುವ ಮೂಲಕ ಐತಿಹಾಸಿಕ ಸಾಧನೆ ಮಾಡಿದೆ.</p>.<p>ಗರ್ವಾಲ್ ಹಿಮಾಲಯ ಪ್ರದೇಶದಲ್ಲಿ ಈ ಶಿಖರವಿದೆ. ಇದರ ಆರೋಹಣವು ತುಂಬಾ ಕ್ಲಿಷ್ಟಕರ ಎಂದೇ ಪರಿಗಣಿಸಿದ್ದು, ಇದನ್ನು ಏರಿದ ಮೊದಲ ಭಾರತೀಯ ತಂಡ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ. ಅನುಭವಿ ಪರ್ವತಾರೋಹಿ ಉಮೇಶ ಜಿರ್ಪೆ ಈ ಯಾತ್ರೆಯ ನೇತೃತ್ವವಹಿಸಿದ್ದರು.</p>.<p>ಗಿರಿಪ್ರೇಮಿ ತಂಡದ ಗಣೇಶ್ ಮೋರೆ, ವಿವೇಕ್ ಶಿವದೇ, ವರುಣ್ ಭಾಗವತ್, ಮಿಂಗ್ಮಾ ಶೆರ್ಪಾ, ಎನ್ಐಎಂನ ಹಿರಿಯ ಬೋಧಕ ವಿನೋದ್ ಗುಸೇನ್ ಸೇರಿದಂತೆ ಅವರ ಸಹೋದ್ಯೋಗಿಗಳಾದ ಬಿಹಾರಿ ರಾಣಾ, ಅಜಿತ್ ರಾವತ್ ಅವರು ಶುಕ್ರವಾರ ಈ ಶಿಖರದ ಮೇಲೆ ಭಾರತದ ತ್ರಿವರ್ಣ ಧ್ವಜ ಹಾರಿಸುವಲ್ಲಿ ಯಶಸ್ವಿಯಾಗಿದ್ದಾರೆ.</p>.<p>ಭಾರತದಲ್ಲಿ ಮೌಂಟ್ ಮೇರು (ದಕ್ಷಿಣ) ಏರಿದ ಮೊದಲ ತಂಡ ಇದಾಗಿದೆ. ಅಲ್ಲದೇ, ಪಶ್ಚಿಮ ಭಾಗದಿಂದ ಈ ಶಿಖರ ಏರಿದ ವಿಶ್ವದ ಪ್ರಥಮ ತಂಡ ಎಂಬ ಶ್ರೇಯಕ್ಕೆ ಭಾಜನವಾಗಿದೆ. ದಾವಾ ಶೆರ್ಪಾ ಮತ್ತು ಫರ್ಟೆನ್ಸಿಂಗ್ ಶೆರ್ಪಾ ಕೂಡ ಗಿರಿಪ್ರೇಮಿ ತಂಡದೊಟ್ಟಿಗೆ ಶಿಖರವೇರಿದ್ದಾರೆ. </p>.<p>‘ಕ್ಯಾಂಪ್ 1ರ ವರೆಗೆ ತಂಡದ ಸದಸ್ಯರು ತಲುಪಲು ಲಕ್ಪಾ ಶೇರ್ಪಾ ಸಹಾಯ ನೀಡಿದರು. ಇಡೀ ತಂಡ ಚಾರಿತ್ರಿಕ ಸಾಧನೆ ಮಾಡುವಲ್ಲಿ ಯಶಸ್ವಿಯಾಗಿದೆ’ ಎಂದು ಉಮೇಶ ಜಿರ್ಪೆ ‘ಪ್ರಜಾವಾಣಿ’ಗೆ ತಿಳಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
