ಚೆನ್ನೈ: ಬಿಜೆಪಿಯು ತನ್ನ ವೆಬ್ಸೈಟ್ನಲ್ಲಿ ಲೋಕಸಭಾ ಚುನಾವಣೆಯ ಸಮೀಕ್ಷೆಯಲ್ಲಿ ಪಾಲ್ಗೊಳ್ಳುವವರಿಗೆ ಬೋನಸ್, ಉಡುಗೊರೆ ನೀಡುವ ಮೂಲಕ ಮತದಾರರಿಗೆ ಆಮಿಷವೊಡ್ಡುತ್ತಿದೆ ಎಂದು ಆಡಳಿತಾರೂಢ ಡಿಎಂಕೆ ಆರೋಪಿಸಿದ್ದು, ಈ ಸಂಬಂಧ ಸೂಕ್ತ ಕ್ರಮ ಕೈಗೊಳ್ಳುವಂತೆ ಚುನಾವಣಾ ಆಯೋಗವನ್ನು ಒತ್ತಾಯಿಸಿದೆ.
‘ರಾಷ್ಷ್ರೀಯ ಪಕ್ಷದ ಚುನಾವಣಾ ಬೋನಸ್ ನೀಡುವ ಪ್ರಚಾರವು ಮತದಾರರನ್ನು ಪ್ರಚೋದಿಸುತ್ತಿದ್ದು, ಅದು ಬಿಜೆಪಿ ಪರವಾಗಿ ಮತ ಚಲಾಯಿಸಲು ಮತದಾರರಿಗೆ ನೇರವಾಗಿ ಹಣ ನೀಡುವುದಕ್ಕಿಂತ ಕಡಿಮೆ ಏನಲ್ಲ’ ಎಂದು ಡಿಎಂಕೆ ಸಂಘಟನಾ ಕಾರ್ಯದರ್ಶಿ ಆರ್.ಎಸ್.ಭಾರತಿ ಚುನಾವಣಾ ಆಯೋಗಕ್ಕೆ ಸಲ್ಲಿಸಿರುವ ದೂರಿನಲ್ಲಿ ಉಲ್ಲೇಖಿಸಿದ್ದಾರೆ.