<p><strong>ನವದೆಹಲಿ</strong>: ಹಿಂದೂ ಮಹಾಸಾಗರ ಪ್ರದೇಶದ ಮೇಲೆ ನಿಗಾ ಇರಿಸುವ ಭಾರತದ ಇನ್ಫರ್ಮೇಶನ್ ಫ್ಯೂಶನ್ ಸೆಂಟರ್ (ಐಎಫ್ಸಿ) ಅನ್ನು ಇತರ ದೇಶಗಳ ಇಂತಹ ಕೇಂದ್ರಗಳ ಜತೆಗೆ ಜೋಡಿಸುವ ಸಾಧ್ಯತೆ ಇದೆ. ಈ ಪ್ರದೇಶದ ಮೇಲೆ ನಿಗಾ ಇರಿಸುವ ಜಾಲ ರೂಪಿಸುವುದು ಇದರ ಉದ್ದೇಶ. ಅಕ್ರಮ ಮೀನುಗಾರಿಕೆಯ ಮೇಲೆ ಕಣ್ಗಾವಲು ಇರಿಸುವುದು ಐಎಫ್ಸಿಯ ಮುಖ್ಯ ಕೆಲಸ. ಆದರೆ, ಹಿಂದೂ ಮಹಾಸಾಗರ ಪ್ರದೇಶದಲ್ಲಿ ಚೀನಾದ ಸೇನಾ ಚಟುವಟಿಕೆಗಳ ಮೇಲೆ ನಿಗಾ ಇರಿಸುವ ಸಾಮರ್ಥ್ಯವೂ ಈ ಕೇಂದ್ರಕ್ಕೆ ಇದೆ.</p>.<p>ಭಾರತ, ಆಸ್ಟ್ರೇಲಿಯಾ, ಜಪಾನ್ ಮತ್ತು ಅಮೆರಿಕದ ನಾಯಕರು ಕ್ವಾಡ್ನ (ಈ ನಾಲ್ಕು ದೇಶಗಳ ಕೂಟ) ಎರಡನೇ ಮುಖಾಮುಖಿ ಸಭೆಯನ್ನು ಟೋಕಿಯೊದಲ್ಲಿ ಮಂಗಳವಾರ ನಡೆಸಲಿದ್ದಾರೆ. ಹಿಂದೂ ಮಹಾಸಾಗರ ಪ್ರದೇಶದ ಮೇಲೆ ನಿಗಾ ಇರಿಸಲು ಉಪಗ್ರಹ ಸಂಪರ್ಕಿತ ಜಾಲವನ್ನು ಜೋಡಿಸುವ ಪ್ರಸ್ತಾವದ ಬಗ್ಗೆ ಚರ್ಚೆ ನಡೆಯಲಿದೆ.</p>.<p>ಪ್ರಧಾನಿ ನರೇಂದ್ರ ಮೋದಿ, ಅಮೆರಿಕ ಅಧ್ಯಕ್ಷ ಜೋ ಬೈಡನ್, ಆಸ್ಟ್ರೇಲಿಯಾ ಪ್ರಧಾನಿ ಆ್ಯಂಟನಿ ಅಲ್ಬನೀಸ್, ಜಪಾನ್ ಪ್ರಧಾನಿ ಫುಮಿಯೊ ಕಿಶಿಡಾ ಅವರ ನಡುವೆ ಕ್ವಾಡ್ ಶೃಂಗ ಸಭೆ ನಡೆಯಲಿದೆ.</p>.<p>ಭಾರತದ ನೌಕಾಪಡೆಯ ಐಎಫ್ಸಿಯನ್ನು ಗುರುಗ್ರಾಮದಲ್ಲಿ ಸ್ಥಾಪಿಸಲಾಗಿದೆ. ಕಡಲ್ಗಳ್ಳತನ, ದರೋಡೆ, ಕಳ್ಳ ಸಾಗಾಟ, ಅಕ್ರಮ ಮೀನುಗಾರಿಕೆ, ಅಸಹಜ ಮಾನವ ಸಂಚಾರ ಮತ್ತು ಇತರ ಸಾಗರ ಸವಾಲುಗಳ ಮೇಲೆ ಈ ಕೇಂದ್ರವು ನಿಗಾ ಇರಿಸುತ್ತದೆ. 2021ರಲ್ಲಿ ಅಕ್ರಮ ಮೀನುಗಾರಿಕೆಯ 399 ಪ್ರಕರಣಗಳನ್ನು ಈ ಕೇಂದ್ರವು ಗುರುತಿಸಿತ್ತು. ಕಳೆದ ತಿಂಗಳು ಇಂತಹ 40 ಪ್ರಕರಣಗಳು ನಡೆದಿದ್ದವು.</p>.<p>ಪ್ರಸ್ತಾವಿತ ಜಾಲವು ಮಹತ್ವದ್ದಾಗಿದೆ. ಕ್ವಾಡ್ ಸದಸ್ಯ ರಾಷ್ಟ್ರಗಳ ನಡುವೆ ಇಂತಹುದೊಂದು ಜಾಲ ರಚನೆಯಾದರೆ, ಹಿಂದೂ ಮಹಾಸಾಗರದಲ್ಲಿ ನಡೆಯುವ ಅಕ್ರಮಗಳಿಗೆ ಕಡಿವಾಣ ಹಾಕುವುದು ಸಾಧ್ಯ ಎಂದು ಮೂಲಗಳು ಹೇಳಿವೆ.</p>.<p>ಹಿಂದೂ ಮಹಾಸಾಗರ–ಪೆಸಿಫಿಕ್ ಪ್ರದೇಶದಲ್ಲಿ ಚೀನಾದ ಆಕ್ರಮಣಶೀಲತೆಯನ್ನು ತಡೆಯುವುದಕ್ಕಾಗಿ ಭಾರತ, ಜಪಾನ್, ಆಸ್ಟ್ರೇಲಿಯಾ ಮತ್ತು ಅಮೆರಿಕ ಜತೆಯಾಗಿ ಕ್ವಾಡ್ ಕೂಟವನ್ನು ರಚಿಸಿಕೊಂಡಿವೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ</strong>: ಹಿಂದೂ ಮಹಾಸಾಗರ ಪ್ರದೇಶದ ಮೇಲೆ ನಿಗಾ ಇರಿಸುವ ಭಾರತದ ಇನ್ಫರ್ಮೇಶನ್ ಫ್ಯೂಶನ್ ಸೆಂಟರ್ (ಐಎಫ್ಸಿ) ಅನ್ನು ಇತರ ದೇಶಗಳ ಇಂತಹ ಕೇಂದ್ರಗಳ ಜತೆಗೆ ಜೋಡಿಸುವ ಸಾಧ್ಯತೆ ಇದೆ. ಈ ಪ್ರದೇಶದ ಮೇಲೆ ನಿಗಾ ಇರಿಸುವ ಜಾಲ ರೂಪಿಸುವುದು ಇದರ ಉದ್ದೇಶ. ಅಕ್ರಮ ಮೀನುಗಾರಿಕೆಯ ಮೇಲೆ ಕಣ್ಗಾವಲು ಇರಿಸುವುದು ಐಎಫ್ಸಿಯ ಮುಖ್ಯ ಕೆಲಸ. ಆದರೆ, ಹಿಂದೂ ಮಹಾಸಾಗರ ಪ್ರದೇಶದಲ್ಲಿ ಚೀನಾದ ಸೇನಾ ಚಟುವಟಿಕೆಗಳ ಮೇಲೆ ನಿಗಾ ಇರಿಸುವ ಸಾಮರ್ಥ್ಯವೂ ಈ ಕೇಂದ್ರಕ್ಕೆ ಇದೆ.</p>.<p>ಭಾರತ, ಆಸ್ಟ್ರೇಲಿಯಾ, ಜಪಾನ್ ಮತ್ತು ಅಮೆರಿಕದ ನಾಯಕರು ಕ್ವಾಡ್ನ (ಈ ನಾಲ್ಕು ದೇಶಗಳ ಕೂಟ) ಎರಡನೇ ಮುಖಾಮುಖಿ ಸಭೆಯನ್ನು ಟೋಕಿಯೊದಲ್ಲಿ ಮಂಗಳವಾರ ನಡೆಸಲಿದ್ದಾರೆ. ಹಿಂದೂ ಮಹಾಸಾಗರ ಪ್ರದೇಶದ ಮೇಲೆ ನಿಗಾ ಇರಿಸಲು ಉಪಗ್ರಹ ಸಂಪರ್ಕಿತ ಜಾಲವನ್ನು ಜೋಡಿಸುವ ಪ್ರಸ್ತಾವದ ಬಗ್ಗೆ ಚರ್ಚೆ ನಡೆಯಲಿದೆ.</p>.<p>ಪ್ರಧಾನಿ ನರೇಂದ್ರ ಮೋದಿ, ಅಮೆರಿಕ ಅಧ್ಯಕ್ಷ ಜೋ ಬೈಡನ್, ಆಸ್ಟ್ರೇಲಿಯಾ ಪ್ರಧಾನಿ ಆ್ಯಂಟನಿ ಅಲ್ಬನೀಸ್, ಜಪಾನ್ ಪ್ರಧಾನಿ ಫುಮಿಯೊ ಕಿಶಿಡಾ ಅವರ ನಡುವೆ ಕ್ವಾಡ್ ಶೃಂಗ ಸಭೆ ನಡೆಯಲಿದೆ.</p>.<p>ಭಾರತದ ನೌಕಾಪಡೆಯ ಐಎಫ್ಸಿಯನ್ನು ಗುರುಗ್ರಾಮದಲ್ಲಿ ಸ್ಥಾಪಿಸಲಾಗಿದೆ. ಕಡಲ್ಗಳ್ಳತನ, ದರೋಡೆ, ಕಳ್ಳ ಸಾಗಾಟ, ಅಕ್ರಮ ಮೀನುಗಾರಿಕೆ, ಅಸಹಜ ಮಾನವ ಸಂಚಾರ ಮತ್ತು ಇತರ ಸಾಗರ ಸವಾಲುಗಳ ಮೇಲೆ ಈ ಕೇಂದ್ರವು ನಿಗಾ ಇರಿಸುತ್ತದೆ. 2021ರಲ್ಲಿ ಅಕ್ರಮ ಮೀನುಗಾರಿಕೆಯ 399 ಪ್ರಕರಣಗಳನ್ನು ಈ ಕೇಂದ್ರವು ಗುರುತಿಸಿತ್ತು. ಕಳೆದ ತಿಂಗಳು ಇಂತಹ 40 ಪ್ರಕರಣಗಳು ನಡೆದಿದ್ದವು.</p>.<p>ಪ್ರಸ್ತಾವಿತ ಜಾಲವು ಮಹತ್ವದ್ದಾಗಿದೆ. ಕ್ವಾಡ್ ಸದಸ್ಯ ರಾಷ್ಟ್ರಗಳ ನಡುವೆ ಇಂತಹುದೊಂದು ಜಾಲ ರಚನೆಯಾದರೆ, ಹಿಂದೂ ಮಹಾಸಾಗರದಲ್ಲಿ ನಡೆಯುವ ಅಕ್ರಮಗಳಿಗೆ ಕಡಿವಾಣ ಹಾಕುವುದು ಸಾಧ್ಯ ಎಂದು ಮೂಲಗಳು ಹೇಳಿವೆ.</p>.<p>ಹಿಂದೂ ಮಹಾಸಾಗರ–ಪೆಸಿಫಿಕ್ ಪ್ರದೇಶದಲ್ಲಿ ಚೀನಾದ ಆಕ್ರಮಣಶೀಲತೆಯನ್ನು ತಡೆಯುವುದಕ್ಕಾಗಿ ಭಾರತ, ಜಪಾನ್, ಆಸ್ಟ್ರೇಲಿಯಾ ಮತ್ತು ಅಮೆರಿಕ ಜತೆಯಾಗಿ ಕ್ವಾಡ್ ಕೂಟವನ್ನು ರಚಿಸಿಕೊಂಡಿವೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
