ಥಾಣೆ: ಇಲ್ಲಿಗೆ ಸಮೀಪದಲ್ಲಿರುವ ಪ್ರಮುಖ ಆಹಾರ ತಯಾರಕ ಕಂಪನಿಯ ಗೋದಾಮಿಗೆ ಶುಕ್ರವಾರ ಮುಂಜಾನೆ 2.20ರ ಸುಮಾರಿಗೆ ಬೆಂಕಿ ಬಿದ್ದಿದ್ದು, 12 ಸರಕು ಸಾಗಣೆ ವಾಹನಗಳು ಸುಟ್ಟು ಹೋಗಿವೆ.
ಈ ಅವಘಡದಲ್ಲಿ ಯಾವುದೇ ಸಾವುನೋವುಗಳಾದ ವರದಿಯಾಗಿಲ್ಲ.
‘ಮನ್ಪಾಡಾದ ಪ್ರಮುಖ ಆಹಾರ ತಯಾರಕಾ ಕಂಪನಿಯ ಗೋದಾಮಿನಲ್ಲಿ ಮುಂಜಾನೆ ಬೆಂಕಿ ಕಾಣಿಸಿಕೊಂಡಿತು. ಬೆಂಕಿಯಿಂದ ಒಳಗಿದ್ದ 12 ಸರಕು ಸಾಗಣೆ ವಾಹನಗಳು ಮತ್ತು ಅದರೊಳಗಿದ್ದ ಪದಾರ್ಥಗಳು ಸುಟ್ಟು ಹೋದವು‘ ಎಂದು ಥಾಣೆಯ ವಲಯ ವಿಪತ್ತು ನಿರ್ವಹಣಾ ಕೋಶದ ಮುಖ್ಯಸ್ಥ ಸಂತೋಷ್ ಕದಮ್ ತಿಳಿಸಿದ್ದಾರೆ. ಘಟನೆ ಬಗ್ಗೆ ಮಾಹಿತಿ ಸಿಕ್ಕಕೂಡಲೇ ಸ್ಥಳಕ್ಕೆ ಧಾವಿಸಿದ ಅಗ್ನಿಶಾಮಕ ವಾಹನಗಳು, ಬೆಂಕಿ ನಂದಿಸುವ ಕಾರ್ಯ ಕೈಗೊಂಡವು.
