ಕೋಲ್ಕತ್ತಾ: ಕೇಂದ್ರ, ರಾಜ್ಯ ಸರ್ಕಾರ ಮತ್ತು ಖಾಸಗಿ ಆಸ್ಪತ್ರೆಗಳಿಗೆ ಮಾರಾಟ ಮಾಡುವ ಕೊರೊನಾ ಲಸಿಕೆಗೆ ದರ ನಿಗದಿಯಲ್ಲಾಗಿರುವ ‘ಅಸಮಾನತೆ‘ಗೆ ಸಂಬಂಧಿಸಿದಂತೆ ಕೇಂದ್ರ ಸರ್ಕಾರದ ವಿರುದ್ಧ ಹರಿಹಾಯ್ದಿರುವ ಪಶ್ಚಿಮ ಬಂಗಾಳ ಮುಖ್ಯಮಂತ್ರಿ ಮಮತಾ ಬ್ಯಾನರ್ಜಿ, ‘ಲಸಿಕೆಗೆ ಏಕರೂಪ ದರ ನಿಗದಿಪಡಿಸಬೇಕು‘ ಎಂದು ಒತ್ತಾಯಿಸಿದರು.
‘ಯಾವಾಗಲೂ ಒಂದು ದೇಶ, ಒಂದು ಪಕ್ಷ, ಒಬ್ಬ ನಾಯಕ‘ ಎಂದು ಕೂಗಾಡುವ ಬಿಜೆಪಿ, ದೇಶದ ಜನರ ಜೀವ ಉಳಿಸುವ ಲಸಿಕೆಯ ವಿಚಾರದಲ್ಲಿ ಏಕೆ ಒಂದೇ ಬೆಲೆಯನ್ನು ನಿಗದಿಪಡಿಸುವುದಿಲ್ಲ‘ ಎಂದು ಮಮತಾ ಪ್ರಶ್ನಿಸಿದ್ದಾರೆ. ಲಸಿಕೆಗೆ ದರ ನಿಗದಿ ವಿಚಾರದಲ್ಲಿ, ರಾಜ್ಯ, ಕೇಂದ್ರ, ವಯಸ್ಸುಯಾವುದನ್ನೂ ನೋಡದೇ ಏಕರೂಪ ದರವನ್ನು ನಿಗದಿಪಡಿಸಬೇಕು‘ ಎಂದು ಮಮತಾ ಟ್ವೀಟ್‌ ಮಾಡಿದ್ದಾರೆ.
