ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆ ಬಿಡುಗಡೆ ಮಾಡಿರುವ ಪಟ್ಟಿ ಪ್ರಕಾರ, ನಗರದ ಮಾಳಿ ಗಲ್ಲಿಯ ಮಹಿಳೆ, ಅಂಬೇಡ್ಕರ್ ಗಲ್ಲಿಯ ಪುರುಷ, ಅನಗೋಳ, ಶಾಂತಿನಗರ, ಅಂಬೇಡ್ಕರ್ ನಗರ, ಮಜಗಾವಿ, ತಲಾ ಒಬ್ಬರು, ಅಥಣಿಯ ಮೂವರು, ಕಾಗವಾಡ ಜುಗುಳದ ಒಬ್ಬರು, ನಿಪ್ಪಾಣಿ, ಗೋಕಾಕದ ದುರದುಂಡಿಯ ತಲಾ ಒಬ್ಬರು, ವಂಟಮೂರಿ ಕಾಲೊನಿಯ ಐವರು, ರಾಯಬಾಗ ತಾಲ್ಲೂಕು ಕುಡಚಿಯ ಮುಜಾವರ ಗಲ್ಲಿಯ ನಾಲ್ವರು ಹಾಗೂ ಪೊಲೀಸ್ ಠಾಣೆ ಸಮೀಪದ ವ್ಯಕ್ತಿ, ಸವದತ್ತಿಯ ಗಡೇಕರ್ ಓಣಿಯ ವ್ಯಕ್ತಿಗೆ ಸೋಂಕು ದೃಢಪಟ್ಟಿದೆ. ಇವರಲ್ಲಿ ಬಹುತೇಕರ ಸಂಪರ್ಕವನ್ನು ಪತ್ತೆ ಹಚ್ಚಲಾಗುತ್ತಿದೆ ಎಂದು ತಿಳಿಸಲಾಗಿದೆ. ಕೆಲವರಿಗೆ ಐಎಲ್ಐ (ಶೀತ ಜ್ವರ ಮಾದರಿ) ಸಮಸ್ಯೆ ಇದೆ. ಎಲ್ಲರನ್ನೂ ಚಿಕಿತ್ಸೆಗಾಗಿ ಬಿಮ್ಸ್ ಕೋವಿಡ್ ಆಸ್ಪತ್ರೆಗೆ ದಾಖಲಿಸಲಾಗಿದೆ. 9 ಮಂದಿ ತೀವ್ರ ನಿಗಾ ಘಟಕ (ಐಸಿಯು)ದಲ್ಲಿದ್ದಾರೆ ಎಂದು ಇಲಾಖೆ ತಿಳಿಸಿದೆ.