'ಕನ್ನಡ ಕಲಿಯೋಣ' ಕನ್ನಡೇತರರಿಗೆ ಸರಳ ಕನ್ನಡ ಕಲಿಸುವ ತಂಡ

ಹೊರರಾಜ್ಯಗಳಿಂದ ಬೆಂಗಳೂರಿಗೆ ಬಂದು ಬದುಕು ಕಟ್ಟಿಕೊಳ್ಳುವ ಬಹಳಷ್ಟು ಜನರು ಕನ್ನಡ ಕಲಿಕೆಯಿಂದ ಬಹು ದೂರವೇ ಉಳಿಯುತ್ತಾರೆ. ಅವರಿಗೆಲ್ಲ ನಮ್ಮ ಭಾಷೆ ಕಲಿಯಲು ಅವಕಾಶ, ಕಲಿಸುವ ಸ್ಫೂರ್ತಿ ಅತ್ಯವಶ್ಯಕ. ಇಂಥದ್ದೇ ಯೋಚನೆಗಳೊಂದಿಗೆ ಸಮಾನಮನಸ್ಕರೆಲ್ಲ ಜೊತೆಯಾಗಿ ಕಟ್ಟಿದ್ದು 'ಕನ್ನಡ ಕಲಿಯೋಣ' ತಂಡ.

. ಬೆಂಗಳೂರಿನ ಖಾಸಗಿ ಸಂಸ್ಥೆಯಲ್ಲಿ ಕಾರ್ಯನಿರ್ವಹಿಸುವವರು ಒಂದು ಕಡೆ ಸೇರಿ ಹೊರನಾಡಿನವರಿಗೆ ಸರಳವಾಗಿ ಕನ್ನಡ ದಾಟಿಸುವ ಕೆಲಸ ನಿರಂತರವಾಗಿ ನಡೆಸುತ್ತಿದ್ದಾರೆ. ಕನ್ನಡೇತರರು ನಿತ್ಯ ವ್ಯವಹಾರಗಳಲ್ಲಿ ಕನ್ನಡ ಬಾರದೆ ಅನೇಕ ಬಾರಿ ತೊಂದರೆಗೆ ಸಿಲುಕುವುದೂ ಇದೆ. ಕನ್ನಡದ ಬಗ್ಗೆ ಆಸಕ್ತಿಯೂ ಮೂಡಬೇಕು, ಬಹುಬೇಗ ಕನ್ನಡ ಕಲಿಕೆಯೂ ನಡೆಯಬೇಕೆಂಬ ಅಂಶಗಳನ್ನು ಗಮನದಲ್ಲಿರಿಸಿ ತಂಡದ ಮುಂದಾಳು ಸತೀಶ್ ನಾಯ್ಡು ಅವರು ಕನ್ನಡ ತರಬೇತಿಗೆ ಪಠ್ಯ ಹಾಗೂ ರೂಪುರೇಷೆ ಸಿದ್ಧಪಡಿಸಿದರು.

. ಅಂಗಡಿಯವರೊಂದಿಗೆ ಸಂವಾದ, ಆಟೊ, ಬಸ್ನಲ್ಲಿ ನಡೆಸುವ ಸಂಭಾಷಣೆ, ಕಚೇರಿಯಲ್ಲಿ ಮಾತು–ಕತೆ,..ಹೀಗೆ ಹಲವು ಸಂದರ್ಭಗಳಲ್ಲಿ ಬಳಸಬೇಕಾದ ಕನ್ನಡ ಪದ ಮತ್ತು ವಾಕ್ಯಗಳನ್ನು ಕಲಿಸಿಕೊಡುವ ಚಟುವಟಿಕೆಯನ್ನು ತಂಡದ ಸದಸ್ಯರಾದ ರೇಣುಕಾರಾಧ್ಯ, ಪ್ರತೀಕ್ ಜೈನ್, ಶ್ವೇತಾ ನಡೆಸುತ್ತಿದ್ದಾರೆ. ಕಚೇರಿ ಕೆಲಸಗಳು ಮುಗಿದ ನಂತರ 1 ತಾಸು ಕನ್ನಡ ಕಲಿಸಲು ಮೀಸಲು. ತಾವು ಕಾರ್ಯನಿರ್ವಹಿಸುವ ಸಂಸ್ಥೆಗಳಲ್ಲಿ ಆಸಕ್ತರನ್ನು ಗುರುತಿಸಿ ಹತ್ತು ದಿನಗಳ ವರೆಗೆ ನಿತ್ಯ 1 ತಾಸು ಕನ್ನಡ ಪಾಠ ಮಾಡಲಾಗುತ್ತಿದೆ.

. ಇದನ್ನೂ ಓದಿ: ತಮಿಳು ಯುವಕನ ಕನ್ನಡ ಕಲಿಕೆಗೆ ಪ್ರೇರಣೆಯಾಯ್ತು 'ಮುಂಗಾರು ಮಳೆ' ಹಾಡು

. ಹೀಗೆ ಹತ್ತು ದಿನಗಳಲ್ಲಿ ಒಂದು ಬ್ಯಾಚ್ನ ಜನರು ಕನ್ನಡ ಮಾತನಾಡಲು ಶುರು ಮಾಡುತ್ತಾರೆ. ಖಾಸಗಿ ಸಂಸ್ಥೆಗಳಲ್ಲಿ ಮಾತ್ರವಲ್ಲದೇ ಅಪಾರ್ಟ್ಮೆಂಟ್, ಗೇಟೆಡ್ಕಮ್ಯುನಿಟಿಗಳಲ್ಲಿಯೂ ಶಿಬಿರಗಳನ್ನು ಆಯೋಜಿಸಲಾಗುತ್ತಿದೆ. ಸುಮಾರು ಎರಡು ವರ್ಷಗಳಿಂದ ಕನ್ನಡ ಕಲಿಸುವ ಸೇವೆಯಲ್ಲಿ ತೊಡಗಿರುವ ತಂಡವು ಹತ್ತಾರು ಬ್ಯಾಚ್ಗಳಲ್ಲಿ ನೂರಾರು ಜನರಲ್ಲಿ ಕನ್ನಡ ಅಕ್ಷರಗಳನ್ನು ಬಿತ್ತುವ ಪ್ರಯತ್ನ ನಡೆಸಿದೆ.

. ಕನ್ನಡ ಕಲಿಯೋಣ ಕಾರ್ಯಕ್ರಮದ ಮೂಲಕ ಕನ್ನಡ ಕಲಿತಿರುವ ಕನ್ನಡೇತರರು ಸ್ವಯಂ ಪ್ರೇರಿತರಾಗಿ ಬೇರೆಯವರಿಗೂ ಕನ್ನಡ ಕಲಿಸಿಕೊಟ್ಟ ನಿದರ್ಶನಗಳಿವೆ ಎಂದು ಸಾರ್ಥಕ ನಗೆಯನ್ನು ಬೀರುತ್ತಾರೆ ತಂಡದ ಸದಸ್ಯರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

'ಕನ್ನಡ ಕಲಿಯೋಣ' ಕನ್ನಡೇತರರಿಗೆ ಸರಳ ಕನ್ನಡ ಕಲಿಸುವ ತಂಡ

ಚಿನಕುರುಳಿ: 2026ರ ಮಾರ್ಚ್ 3, ಮಂಗಳವಾರ

ಚಿನಕುರುಳಿ: 2026ರ ಮಾರ್ಚ್ ‌02, ಸೋಮವಾರ

ಪ್ರಜ್ವಲ್‌ ರೇವಣ್ಣ ಜೈಲು ಪಾಲಾಗಲು HDK ಕಾರಣ: ಮದ್ದೂರು ಶಾಸಕ ಕೆ.ಎಂ.ಉದಯ ಆರೋಪ

ಚುರುಮುರಿ: ಬಜೆಟ್‌ ಭಾಗ್ಯ

ಮಹಿಳಾ ದಿನ: 250 ಜಿಲ್ಲೆಗಳಲ್ಲಿ ‘ಅಸ್ಮಿತಾ ಅಥ್ಲೆಟಿಕ್ಸ್‌’

ಟೆಸ್ಟ್, ಏಕದಿನ ಸರಣಿ: ಜೂನ್‌ನಲ್ಲಿ ಅಫ್ಗಾನಿಸ್ತಾನ ಕ್ರಿಕೆಟ್‌ ತಂಡ ಭಾರತಕ್ಕೆ

ವಿಶ್ವಕಪ್‌ನಲ್ಲಿ ಕಳಪೆ ಪ್ರದರ್ಶನ ನೀಡಿದ ಆಟಗಾರರಿಗೆ ದಂಡ ವಿಧಿಸಲು ಪಿಸಿಬಿ ಚಿಂತನೆ

ವಿಶ್ವಕಪ್ ಸೆಮಿಫೈನಲ್‌ಗೆ ಭಾರತದಲ್ಲಿ ಆಡಿರುವ ಅನುಭವ ನೆರವಾಗಲಿದೆ: ಡೇರಿಲ್ ಮಿಚೆಲ್

ಒಳನೋಟ: ನೆಡುತೋಪಿನಿಂದ ವನ ವಿಸ್ತರಣೆ?

ಒಳನೋಟ | ಕೋಟಿ ವೃಕ್ಷ ಅಭಿಯಾನಕ್ಕೆ ಜನ ಸಹಭಾಗಿತ್ವ: ಹಸಿರಾಗುತ್ತಿದೆ ವಿಜಯಪುರ

ಒಳನೋಟ | ಕಾಣದ ಕೈ: ಕಾಡುವ ಡ್ರಗ್ಸ್‌

ಒಳನೋಟ: ಕಿನ್ನಾಳ ಕಲೆಗೀಗ ಯುವೋತ್ಸಾಹ

ಚಿನಕುರುಳಿ: 2026ರ ಮಾರ್ಚ್ 3, ಮಂಗಳವಾರ

ಚಿನಕುರುಳಿ: 2026ರ ಮಾರ್ಚ್ ‌02, ಸೋಮವಾರ

ಪ್ರಜ್ವಲ್‌ ರೇವಣ್ಣ ಜೈಲು ಪಾಲಾಗಲು HDK ಕಾರಣ: ಮದ್ದೂರು ಶಾಸಕ ಕೆ.ಎಂ.ಉದಯ ಆರೋಪ

ಚುರುಮುರಿ: ಬಜೆಟ್‌ ಭಾಗ್ಯ