Tax Devolution | ತೆರಿಗೆ ಪಾಲು: ಜಗಳ ಜೋರು

‘ಕೇಂದ್ರ ಸಚಿವರಾದ ಎಚ್.ಡಿ.ಕುಮಾರಸ್ವಾಮಿ, ಶೋಭಾ ಕರಂದ್ಲಾಜೆ, ಸಂಸದ ಪಿ.ಸಿ.ಮೋಹನ್‌ ಅವರು ಪ್ರಧಾನಿ ಅವರನ್ನು ಗಟ್ಟಿಯಾಗಿ ಕೇಳುತ್ತಿಲ್ಲ. ಬೆಂಗಳೂರು ದಕ್ಷಿಣ ಸಂಸದ ಅಮಾವಾಸ್ಯೆ ಸೂರ್ಯ ಕೂಡ ಪ್ರಶ್ನಿಸುತ್ತಿ‌ಲ್ಲ’ ಎಂದು ಸಿದ್ದರಾಮಯ್ಯ ಹೇಳಿದರು. ‘ಮೆಟ್ರೊ ಹಳದಿ ಮಾರ್ಗ ಉದ್ಘಾಟನೆಗೆ ಬಂದಿದ್ದ ಮೋದಿ ಅವರು ಕೆರೆ ಅಭಿವೃದ್ದಿಗೆ ₹3 ಸಾವಿರ ಕೋಟಿ, ಹೊರ ವರ್ತುಲ ರಸ್ತೆಗೆ ₹3 ಸಾವಿರ ಕೋಟಿ ಹಾಗೂ 15ನೇ ಹಣಕಾಸು ಯೋಜನೆಯಡಿ ಕಡಿಮೆಯಾದ ₹5,495 ಕೋಟಿ ಸೇರಿ ₹11,495 ಕೋಟಿ ನೀಡುವ ಭರವಸೆ ನೀಡಿದರೂ ಈವರೆಗೂ ಒಂದು ಪೈಸೆಯನ್ನೂ ನೀಡಿಲ್ಲ. ಬೆಂಗಳೂರು ಅಭಿವೃದ್ದಿಗೆ ನೆರವು ಕೋರಿದರೂ ಸ್ಪಂದಿಸಲಿಲ್ಲ’ ಎಂದು ಸಿದ್ದರಾಮಯ್ಯ ಆರೋಪಿಸಿದರು.