ಮೂರು ಪರೀಕ್ಷೆ | ವಿದ್ಯಾರ್ಥಿಗಳಿಗೇ ಆಯ್ಕೆಯ ಅವಕಾಶ: ಸಚಿವ ಮಧು ಬಂಗಾರಪ್ಪ

ನಕಲು ತಡೆಯುವ ಉದ್ದೇಶದಿಂದ 558 ಎಸ್‌ಎಸ್‌ಎಲ್‌ಸಿ ಪರೀಕ್ಷಾ ಕೇಂದ್ರಗಳನ್ನು ರದ್ದು ಮಾಡಲಾಗಿದೆ.  2022–23ನೇ ಸಾಕಿನ ಪರೀಕ್ಷೆಯಲ್ಲಿ 3305 ಕೇಂದ್ರಗಳಿದ್ದವು. ಈ ಬಾರಿ 2747 ಕೇಂದ್ರಗಳಿವೆ.  ಪರೀಕ್ಷೆಗೆ ಹಾಜರಾಗುವ ಮಕ್ಕಳು ತಮ್ಮ ಗ್ರಾಮದಿಂದ 10 ಕಿ.ಮೀ ಮೀರದಂತಹ ಕೇಂದ್ರಗಳಲ್ಲಿ ಪರೀಕ್ಷೆಗೆ ಅವಕಾಶ ನೀಡಲಾಗಿದೆ. ಹೊಸ ಪರೀಕ್ಷಾ ಕೇಂದ್ರಗಳಿಗೆ ತೆರಳುವ ಮಕ್ಕಳಿಗೆ ಬಸ್‌ ಮತ್ತಿತರ ಸೌಕರ್ಯಗಳು ಇಲ್ಲದಿದ್ದರೆ ಮಕ್ಕಳನ್ನು ನಿಗದಿತ ಕೇಂದ್ರಗಳಿಗೆ ಸುರಕ್ಷಿತವಾಗಿ ಸಮಯಕ್ಕೆ ಸರಿಯಾಗಿ ಕರೆತರುವ ಹೊಣೆಗಾರಿಕೆಯನ್ನು ಆಯಾ ಕ್ಷೇತ್ರ ಶಿಕ್ಷಣಾಧಿಕಾರಿಗಳಿಗೆ ನೀಡಲಾಗಿದೆ.  ಪಿಯು ಪರೀಕ್ಷಾ ಕೇಂದ್ರಗಳಲ್ಲಿ 15 ಹೆಚ್ಚಳವಾಗಿವೆ. ಕಳೆದ ವರ್ಷ 1109 ಕೇಂದ್ರಗಳು ಇದ್ದವು ಈ ಬಾರಿ 1124 ಇವೆ.