<p><strong>ಹುಬ್ಬಳ್ಳಿ:</strong> ಮೊಬೈಲ್ ಮೋಡಿಯೇ ಅಂಥ್ದ್ದಾದು. ಜೇಬಿನಲ್ಲಿ ಕರವಸ್ತ್ರ ಇಲ್ಲದಿದ್ದರೂ ಚಿಂತೆಯಿಲ್ಲ. ಕೈಯಲ್ಲಿ ಮೊಬೈಲ್ ಹಿಡಿಯುವುದನ್ನು ಮಾತ್ರ ಮರೆಯೋ ಹಾಗೇ ಇಲ್ಲ. ಈಗಂತೂ ಮೊಬೈಲ್ ಎಷ್ಟು ಅಗ್ಗವಾಗಿದೆ ಎಂದರೆ, ಮೆಸೇಜ್ ಫ್ರೀ. ಕಾಲ್ ರೇಟ್ ಅಟ್ ಜಸ್ಟ್ ಹಾಫ್ ಪೈಸೆ.<br /> <br /> ಕೆಲವೊಮ್ಮೆ ಗೊತ್ತಿಲ್ಲದ ನಂಬರ್ಗಳಿಂದಲೂ ಕರೆಗಳು ಬರುತ್ತವೆ. ಮೊಬೈಲ್ ಮಾಯೆಯ ಸುಳಿಯಲ್ಲಿ ಇತ್ತೀಚೆಗೆ ಹೊಸದೊಂದು ಕರಾಮತ್ತು ಶುರುವಾಗಿ ಬಿಟ್ಟಿದೆ. 9609316579, 9609320379 ಈ ನಂಬರ್ನಿಂದ ಮೊಬೈಲ್ ಕರೆ ಬಂದಾಗ ಪೋನ್ ಎತ್ತಬೇಕೆನ್ನುವಷ್ಟರಲ್ಲಿಯೇ ಕಟ್ ಆಗುತ್ತವೆ.<br /> <br /> ಈ ಕರೆ ಯಾರದಿರಬಹುದು? ಏನು ವಿಷಯ ಹೇಳಲು ಫೋನ್ ಮಾಡಿದ್ದರೋ ಏನು? ಎಂಬ ತವಕ ಶುರುವಾಗಿಯೇ ಬಿಡುತ್ತದೆ. ಆಗಲೇ ಹಾಫ್ ಪೈಸೆಯ ಆಮಿಷದಿಂದ, ಆ ನಂಬರಿಗೆ ರಿಡಯಲ್ ಮಾಡಲು ಬೆರಳುಗಳು ಹವಣಿಸುತ್ತಿವೆ. <br /> <br /> ಮಿಸ್ಡ್ ಕಾಲ್ನಲ್ಲಿರುವ ನಂಬರ್ಗೆ ಕರೆ ಮಾಡಿದರೆ ಅಲ್ಲಿಂದ ಒಂದು ಗಣಕೀಕೃತ ಧ್ವನಿ ಕೇಳಿಸುತ್ತದೆ. ಆಪ್ ಅಕೆಲೆ ಹೋ... ಆಪ್ ಉದಾಸ ಹೋ ಎಂಬ ಮಾತು ಆರಂಭವಾಗುತ್ತದೆ. ಹೀಗೇಕೆ ಮಾತನಾಡುತ್ತಿದ್ದಾರೆ ಎಂದು ಹಲೋ ಹಲೋ ಎಂದು ಹಲವಾರು ಬಾರಿ ಹೇಳಿದರೂ, ಆ ಕಡೆಯಿಂದ ಯಾವುದೇ ಉತ್ತರ ಬರುವುದಿಲ್ಲ. ಅಷ್ಟರಲ್ಲಿಯೇ ಕಟ್ ಮಾಡಿ ನಿಮ್ಮ ಕರೆನ್ಸಿ ನೋಡಿಕೊಂಡರೆ, ಬಿಸಿಲಿಗೆ ಮೈಯೊಡ್ಡಿದ ಹಿಮದಂತೆ ಅದು ಕರಗಿರುತ್ತದೆ. <br /> <br /> ಇದರಲ್ಲಿ ಒಂದು ವಿಶೇಷ ಎಂದರೆ ನೀವು ಆ ನಂಬರ್ಗೆ ಕರೆ ಮಾಡಿದರೆ ರಿಂಗ್ ಕೂಡ ಆಗುವುದಿಲ್ಲ. ಬದಲಿಗೆ ಕಾಲ್ ಮಾಡಿದ ತಕ್ಷಣವೇ ಮೇಲೆ ಹೇಳಿದಂತಹ ಧ್ವನಿ ಕೇಳಿಸುತ್ತದೆ. ನೀವು ಮರಳಿ ಕರೆ ಮಾಡಿ ಹಲೋ ಎಂದರೆ ಸಾಕು ನಿಮ್ಮ ಮೊಬೈಲ್ನಿಂದ 40 ರೂಪಾಯಿ ಮಾಯವಾಗಿರುತ್ತದೆ!<br /> <br /> ಹಲವಾರು ಜನರಿಗೆ ಈ ಅನುಭವವಾಗಿದೆ. ಇದೇ ನಂಬರಿಗೆ ಸ್ಥಿರ ದೂರವಾಣಿಯಿಂದ ಕರೆ ಮಾಡಿದರೆ ಈ ಪೋನ್ಗಳು ಸಂಪರ್ಕದಲ್ಲಿ ಇಲ್ಲ ಎಂಬ ಸಿದ್ಧ ಉತ್ತರ ತಯಾರಾಗಿರುತ್ತದೆ.<br /> <br /> ಆದರೆ ಎಲ್ಲರೂ ಗಮನಿಸಬೇಕಾದ ಸಂಗತಿ ಎಂದರೆ ಯಾವುದೇ ಕರೆಗಳು ಬಂದರೂ ಆ ನಂಬರ್ +91ನಿಂದ ಆರಂಭವಾಗುತ್ತದೆ. ಅದರ ಬದಲಿಗೆ ಕೇವಲ 10 ಸಂಖ್ಯೆಯುಳ್ಳ ನಂಬರ್ ಮಾತ್ರ ಇರುತ್ತದೆ. ಈ ಕರೆಗಳಿಗೆ ನೀವು ಮರಳಿ ಕರೆ ಮಾಡಿದರೆ ನಿಮ್ಮ ಜೇಬಿಗೆ ಕನಿಷ್ಠ ರೂ 40 ಕತ್ತರಿ ಬೀಳುತ್ತದೆ. ಹಲವಾರು ಜನರು ಮರಳಿ ಕರೆ ಮಾಡಿ ಹಣ ಕಳೆದುಕೊಂಡಿದ್ದಾರೆ. <br /> <br /> 08067725000, 08033215100 ಸಂಖ್ಯೆಗೆ ಪೋನ್ ಮಾಡಿದರೂ ಅದೇ ರೀತಿ ಆಗುತ್ತದೆ. ಸ್ಥಿರ ದೂರವಾಣಿಯಿಂದ ಕರೆ ಮಾಡಿದರೆ ನೀವು ಕರೆ ಮಾಡಿದ ಸಂಖ್ಯೆ ಚಾಲನೆಯಲ್ಲಿ ಇಲ್ಲ ಅಥವಾ ಟಿವ್ ಟಿವ್ ಎಂಬ ಶಬ್ದ ಬಂದು ಕಟ್ ಆಗುತ್ತದೆ. <br /> <br /> `ಈ ರೀತಿಯ ಕರೆಗಳಿಂದ ಬೇಸತ್ತು ಹೋಗಿದ್ದೇವೆ. ಈ ಕುರಿತು ಗ್ರಾಹಕರ ಸೇವಾ ಕೇಂದ್ರಕ್ಕೆ ಕರೆ ಮಾಡಿದರೆ ಯಾವುದೇ ಉತ್ತರ ಸಿಗುವುದಿಲ್ಲ~ ಎನ್ನುತ್ತಾರೆ ಸಂತೋಷಕುಮಾರ ನವಲಿ.<br /> <br /> ಹಲವು ಬಾರಿ ಹಣ ಕಳೆದುಕೊಂಡರೂ ಜನರಿಗೆ ಮೊಬೈಲ್ ಬಗ್ಗೆ ಬೇಸರವಿಲ್ಲ. ಇದೇ ಅಲ್ಲವೇ ಮೊಬೈಲ್ ಮೋಡಿ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಹುಬ್ಬಳ್ಳಿ:</strong> ಮೊಬೈಲ್ ಮೋಡಿಯೇ ಅಂಥ್ದ್ದಾದು. ಜೇಬಿನಲ್ಲಿ ಕರವಸ್ತ್ರ ಇಲ್ಲದಿದ್ದರೂ ಚಿಂತೆಯಿಲ್ಲ. ಕೈಯಲ್ಲಿ ಮೊಬೈಲ್ ಹಿಡಿಯುವುದನ್ನು ಮಾತ್ರ ಮರೆಯೋ ಹಾಗೇ ಇಲ್ಲ. ಈಗಂತೂ ಮೊಬೈಲ್ ಎಷ್ಟು ಅಗ್ಗವಾಗಿದೆ ಎಂದರೆ, ಮೆಸೇಜ್ ಫ್ರೀ. ಕಾಲ್ ರೇಟ್ ಅಟ್ ಜಸ್ಟ್ ಹಾಫ್ ಪೈಸೆ.<br /> <br /> ಕೆಲವೊಮ್ಮೆ ಗೊತ್ತಿಲ್ಲದ ನಂಬರ್ಗಳಿಂದಲೂ ಕರೆಗಳು ಬರುತ್ತವೆ. ಮೊಬೈಲ್ ಮಾಯೆಯ ಸುಳಿಯಲ್ಲಿ ಇತ್ತೀಚೆಗೆ ಹೊಸದೊಂದು ಕರಾಮತ್ತು ಶುರುವಾಗಿ ಬಿಟ್ಟಿದೆ. 9609316579, 9609320379 ಈ ನಂಬರ್ನಿಂದ ಮೊಬೈಲ್ ಕರೆ ಬಂದಾಗ ಪೋನ್ ಎತ್ತಬೇಕೆನ್ನುವಷ್ಟರಲ್ಲಿಯೇ ಕಟ್ ಆಗುತ್ತವೆ.<br /> <br /> ಈ ಕರೆ ಯಾರದಿರಬಹುದು? ಏನು ವಿಷಯ ಹೇಳಲು ಫೋನ್ ಮಾಡಿದ್ದರೋ ಏನು? ಎಂಬ ತವಕ ಶುರುವಾಗಿಯೇ ಬಿಡುತ್ತದೆ. ಆಗಲೇ ಹಾಫ್ ಪೈಸೆಯ ಆಮಿಷದಿಂದ, ಆ ನಂಬರಿಗೆ ರಿಡಯಲ್ ಮಾಡಲು ಬೆರಳುಗಳು ಹವಣಿಸುತ್ತಿವೆ. <br /> <br /> ಮಿಸ್ಡ್ ಕಾಲ್ನಲ್ಲಿರುವ ನಂಬರ್ಗೆ ಕರೆ ಮಾಡಿದರೆ ಅಲ್ಲಿಂದ ಒಂದು ಗಣಕೀಕೃತ ಧ್ವನಿ ಕೇಳಿಸುತ್ತದೆ. ಆಪ್ ಅಕೆಲೆ ಹೋ... ಆಪ್ ಉದಾಸ ಹೋ ಎಂಬ ಮಾತು ಆರಂಭವಾಗುತ್ತದೆ. ಹೀಗೇಕೆ ಮಾತನಾಡುತ್ತಿದ್ದಾರೆ ಎಂದು ಹಲೋ ಹಲೋ ಎಂದು ಹಲವಾರು ಬಾರಿ ಹೇಳಿದರೂ, ಆ ಕಡೆಯಿಂದ ಯಾವುದೇ ಉತ್ತರ ಬರುವುದಿಲ್ಲ. ಅಷ್ಟರಲ್ಲಿಯೇ ಕಟ್ ಮಾಡಿ ನಿಮ್ಮ ಕರೆನ್ಸಿ ನೋಡಿಕೊಂಡರೆ, ಬಿಸಿಲಿಗೆ ಮೈಯೊಡ್ಡಿದ ಹಿಮದಂತೆ ಅದು ಕರಗಿರುತ್ತದೆ. <br /> <br /> ಇದರಲ್ಲಿ ಒಂದು ವಿಶೇಷ ಎಂದರೆ ನೀವು ಆ ನಂಬರ್ಗೆ ಕರೆ ಮಾಡಿದರೆ ರಿಂಗ್ ಕೂಡ ಆಗುವುದಿಲ್ಲ. ಬದಲಿಗೆ ಕಾಲ್ ಮಾಡಿದ ತಕ್ಷಣವೇ ಮೇಲೆ ಹೇಳಿದಂತಹ ಧ್ವನಿ ಕೇಳಿಸುತ್ತದೆ. ನೀವು ಮರಳಿ ಕರೆ ಮಾಡಿ ಹಲೋ ಎಂದರೆ ಸಾಕು ನಿಮ್ಮ ಮೊಬೈಲ್ನಿಂದ 40 ರೂಪಾಯಿ ಮಾಯವಾಗಿರುತ್ತದೆ!<br /> <br /> ಹಲವಾರು ಜನರಿಗೆ ಈ ಅನುಭವವಾಗಿದೆ. ಇದೇ ನಂಬರಿಗೆ ಸ್ಥಿರ ದೂರವಾಣಿಯಿಂದ ಕರೆ ಮಾಡಿದರೆ ಈ ಪೋನ್ಗಳು ಸಂಪರ್ಕದಲ್ಲಿ ಇಲ್ಲ ಎಂಬ ಸಿದ್ಧ ಉತ್ತರ ತಯಾರಾಗಿರುತ್ತದೆ.<br /> <br /> ಆದರೆ ಎಲ್ಲರೂ ಗಮನಿಸಬೇಕಾದ ಸಂಗತಿ ಎಂದರೆ ಯಾವುದೇ ಕರೆಗಳು ಬಂದರೂ ಆ ನಂಬರ್ +91ನಿಂದ ಆರಂಭವಾಗುತ್ತದೆ. ಅದರ ಬದಲಿಗೆ ಕೇವಲ 10 ಸಂಖ್ಯೆಯುಳ್ಳ ನಂಬರ್ ಮಾತ್ರ ಇರುತ್ತದೆ. ಈ ಕರೆಗಳಿಗೆ ನೀವು ಮರಳಿ ಕರೆ ಮಾಡಿದರೆ ನಿಮ್ಮ ಜೇಬಿಗೆ ಕನಿಷ್ಠ ರೂ 40 ಕತ್ತರಿ ಬೀಳುತ್ತದೆ. ಹಲವಾರು ಜನರು ಮರಳಿ ಕರೆ ಮಾಡಿ ಹಣ ಕಳೆದುಕೊಂಡಿದ್ದಾರೆ. <br /> <br /> 08067725000, 08033215100 ಸಂಖ್ಯೆಗೆ ಪೋನ್ ಮಾಡಿದರೂ ಅದೇ ರೀತಿ ಆಗುತ್ತದೆ. ಸ್ಥಿರ ದೂರವಾಣಿಯಿಂದ ಕರೆ ಮಾಡಿದರೆ ನೀವು ಕರೆ ಮಾಡಿದ ಸಂಖ್ಯೆ ಚಾಲನೆಯಲ್ಲಿ ಇಲ್ಲ ಅಥವಾ ಟಿವ್ ಟಿವ್ ಎಂಬ ಶಬ್ದ ಬಂದು ಕಟ್ ಆಗುತ್ತದೆ. <br /> <br /> `ಈ ರೀತಿಯ ಕರೆಗಳಿಂದ ಬೇಸತ್ತು ಹೋಗಿದ್ದೇವೆ. ಈ ಕುರಿತು ಗ್ರಾಹಕರ ಸೇವಾ ಕೇಂದ್ರಕ್ಕೆ ಕರೆ ಮಾಡಿದರೆ ಯಾವುದೇ ಉತ್ತರ ಸಿಗುವುದಿಲ್ಲ~ ಎನ್ನುತ್ತಾರೆ ಸಂತೋಷಕುಮಾರ ನವಲಿ.<br /> <br /> ಹಲವು ಬಾರಿ ಹಣ ಕಳೆದುಕೊಂಡರೂ ಜನರಿಗೆ ಮೊಬೈಲ್ ಬಗ್ಗೆ ಬೇಸರವಿಲ್ಲ. ಇದೇ ಅಲ್ಲವೇ ಮೊಬೈಲ್ ಮೋಡಿ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
