ಐದು ಮಸೂದೆಗಳನ್ನು ಮಂಡಿಸಿದ ಸಂಸದ ಮಾರ್ಕ್ ಗ್ರೀನ್ ಅವರು, ಕಮ್ಯುನಿಸ್ಟ್ ಚೀನಾ ಮಿಲಿಟರಿ ಮತ್ತು ಆರ್ಥಿಕ ಶಕ್ತಿಯಾಗಿ ಬೆಳೆದಿದ್ದು, ಅಮೆರಿಕದ ಭದ್ರತೆಗೆ ಸವಾಲು ಹಾಕುತ್ತಿದೆ. ರಾಜತಾಂತ್ರಿಕ, ಮಾಹಿತಿ, ಮಿಲಿಟರಿ ಮತ್ತು ಆರ್ಥಿಕವಾಗಿಯೂ ಚೀನಾ ಪ್ರಾಬಲ್ಯತೆ ಮೆರೆಯಲು ಮುಂದಾಗಿದೆ. ಚೀನಾದ ತಂತ್ರಗಳಿಂದ ಅಮೆರಿಕದ ರಕ್ಷಣಾ ಕಂಪನಿಗಳನ್ನು ರಕ್ಷಿಸಿಕೊಳ್ಳಬೇಕಿದೆ. ಚೀನಾದ ತಂತ್ರಜ್ಞಾನ ವರ್ಗಾವಣೆ ಮೇಲೆ ನಿಯಂತ್ರಣ ಹೇರಬೇಕಿದೆ. ಜತೆಗೆ ಚೀನಾ ಸಾಲ ಮರುಪಾವತಿಗೆ ಕ್ರಮ ಕೈಗೊಳ್ಳಬೇಕಿದೆ. ನಮ್ಮ ಬೌದ್ಧಿಕ ಆಸ್ತಿಯನ್ನು ಕಾಪಾಡಿಕೊಳ್ಳಬೇಕಿದೆ. ಈ ವಿಷಯಗಳ ಬಗ್ಗೆ ನಾನು ಮಂಡಿಸಿರುವ ಮಸೂದೆಗಳು ಗಮನ ಹರಿಸುತ್ತವೆ ಎಂದರು.