<p><strong>ಹಾಂಗ್ಕಾಂಗ್</strong>: ಚೀನಾ ಪ್ರಾಯೋಜಿತ ಶಂಕಿತ ಹ್ಯಾಕಿಂಗ್ ತಂಡವು ತೈವಾನ್ನ ಸಂಸ್ಥೆಗಳನ್ನು ಗುರಿಯಾಗಿರಿಸಿಕೊಂಡು ಸೈಬರ್ ದಾಳಿ ನಡೆಸಿದೆ. ಅದರಲ್ಲೂ ಪ್ರಮುಖವಾಗಿ ಸರ್ಕಾರಿ ಸಂಸ್ಥೆ, ಶಿಕ್ಷಣ, ತಂತ್ರಜ್ಞಾನ ಹಾಗೂ ರಾಜತಾಂತ್ರಿಕತೆ ವಲಯಗಳ ಮೇಲೆ ಈ ದಾಳಿ ನಡೆದಿದೆ ಎಂದು ಸೈಬರ್ ಭದ್ರತೆ ಗುಪ್ತಚರ ಸಂಸ್ಥೆ ‘ರೆಕಾರ್ಡೆಡ್ ಫ್ಯೂಚರ್’ ಸಂಸ್ಥೆ ತಿಳಿಸಿದೆ.</p>.<p>ಇತ್ತೀಚಿನ ವರ್ಷಗಳಲ್ಲಿ ಚೀನಾ– ತೈವಾನ್ ನಡುವೆ ಸಂಬಂಧ ಹದಗೆಟ್ಟಿದೆ. ತೈವಾನ್ ಜಲಸಂಧಿಯ ಉದ್ದದ ದ್ವೀಪವನ್ನು ಚೀನಾ ತನ್ನದೆಂದು ಹೇಳಿಕೊಂಡಿದ್ದು, ಎರಡು ರಾಷ್ಟ್ರಗಳ ನಡುವಿನ ಪರಿಸ್ಥಿತಿ ಬಿಗಡಾಯಿಸಿದೆ.</p>.<p>ತೈವಾನ್ನಲ್ಲಿ ಜನವರಿಯಲ್ಲಿ ನಡೆದ ಅಧ್ಯಕ್ಷೀಯ ಚುನಾವಣೆ ಬಳಿಕ ನಡೆದ ಅಧಿಕಾರ ಹಸ್ತಾಂತರ ಪ್ರಕ್ರಿಯೆಗೂ ಮುನ್ನ ಹಾಗೂ ನಂತರದ ಅವಧಿಯಲ್ಲಿ (2023ರ ನವೆಂಬರ್ನಿಂದ 2024ರ ಏಪ್ರಿಲ್) ‘ರೆಡ್ ಜ್ಯೂಲಿಯಟ್’ ತಂಡದಿಂದ ಸೈಬರ್ ದಾಳಿ ನಡೆದಿದೆ ಎಂದು ಆರೋಪಿಸಿದೆ. </p>.<p>ತೈವಾನ್ನ ಸಂಸ್ಥೆಗಳ ಮೇಲೆ ‘ರೆಡ್ ಜ್ಯೂಲಿಯಟ್’ ಸಂಸ್ಥೆಯೂ ಈ ಹಿಂದೆಯೂ ಸೈಬರ್ ದಾಳಿ ನಡೆಸಿದ್ದರೂ, ಇದೇ ಮೊದಲ ಬಾರಿಗೆ ದೊಡ್ಡ ಪ್ರಮಾಣದಲ್ಲಿ ದಾಳಿ ನಡೆಸಿದೆ ಎಂದು ಸುರಕ್ಷತೆ ಕಾಳಜಿ ಸಂಸ್ಥೆ ‘ರೆಕಾರ್ಡೆಡ್ ಫ್ಯೂಚರ್ ಅನಾಲಿಸ್ಟ್’ ತಿಳಿಸಿದೆ.</p>.<p>ವರದಿ ಪ್ರಕಾರ, ‘ರೆಡ್ಜ್ಯೂಲಿಯಟ್’ ಸಂಸ್ಥೆಯು 24 ಸಂಸ್ಥೆಗಳ ಮೇಲೆ ದಾಳಿ ನಡೆಸಿದ್ದು, ಲಾವೋಸ್, ಕೀನ್ಯಾ, ರುವಾಂಡ ಹಾಗೂ ತೈವಾನ್ನ ಮೇಲೂ ಈ ದಾಳಿ ನಡೆದಿದೆ. ಹಾಂಗ್ಕಾಂಗ್, ದಕ್ಷಿಣ ಕೊರಿಯಾದ ಧಾರ್ಮಿಕ ಸಂಸ್ಥೆಗಳಿಗೆ ಸೇರಿದ ವೆಬ್ಸೈಟ್ಗಳ ಮೇಲೂ ದಾಳಿ ನಡೆಸಿದೆ. ಆದರೆ, ಸಂಸ್ಥೆಗಳ ಹೆಸರುಗಳನ್ನು ಬಹಿರಂಗಪಡಿಸಿಲ್ಲ.</p>.<p>‘ರೆಡ್ ಜ್ಯೂಲಿಯಟ್’ ಹ್ಯಾಕಿಂಗ್ ಮಾದರಿಯು ಚೀನಾ ಬೆಂಬಲಿತ ಹ್ಯಾಕರ್ಸ್ಗಳ ಮಾದರಿಯಾಗಿದೆ. ಐ.ಪಿ ವಿಳಾಸಗಳ ಭೌಗೋಳಿಕ ಸ್ಥಳಗಳು ಚೀನಾದ ಪೂಜಿಯಾನ್ ಪ್ರಾಂತ್ಯದ ಫುಝೌ ನಗರದಿಂದ ಹೊರಗಿರುವ ಸಾಧ್ಯತೆಯಿದೆ ಎಂದು ತೈವಾನ್ ಸರ್ಕಾರದ ವರದಿ ತಿಳಿಸಿದೆ.</p>.<p>ಈ ಕುರಿತಂತೆ ತೈವಾನ್ನ ವಿದೇಶಾಂಗ ಸಚಿವಾಲಯವು ಯಾವುದೇ ಹೇಳಿಕೆ ನೀಡಿಲ್ಲ. ಚೀನಾದ ವಿದೇಶಾಂಗ ಸಚಿವಾಲಯದ ವಕ್ತಾರರು ಈ ಆರೋಪವನ್ನು ಸ್ಪಷ್ಟವಾಗಿ ನಿರಾಕರಿಸಿದ್ದಾರೆ.</p>.<p>‘ನೀವು ನಿರ್ದಿಷ್ಟವಾಗಿ ಪ್ರಸ್ತಾಪಿಸಿರುವ ಸಂಸ್ಥೆಗಳ ಮೇಲೆ ನನಗೆ ಗೊತ್ತಿಲ್ಲ. ಆದರೆ, ನೀವು ಪ್ರಸ್ತಾಪಿಸಿದ ಸಂಸ್ಥೆಯು ಈ ಹಿಂದೆಯೂ ತಿರುಚಿದ ಮಾಹಿತಿ ಹರಡಿದೆ. ಆ ಕಂಪನಿಯು ಏನು ಮಾಡುತ್ತದೆ ಎಂಬುದರ ಕುರಿತು ಯಾವುದೇ ವೃತ್ತಿಪರತೆ ಅಥವಾ ವಿಶ್ವಾಸರ್ಹತೆ ಉಳಿಸಿಕೊಂಡಿಲ್ಲ’ ಎಂದು ಇಲಾಖೆ ವಕ್ತಾರ ಮಾವೋ ನಿಂಗ್ ಹೇಳಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಹಾಂಗ್ಕಾಂಗ್</strong>: ಚೀನಾ ಪ್ರಾಯೋಜಿತ ಶಂಕಿತ ಹ್ಯಾಕಿಂಗ್ ತಂಡವು ತೈವಾನ್ನ ಸಂಸ್ಥೆಗಳನ್ನು ಗುರಿಯಾಗಿರಿಸಿಕೊಂಡು ಸೈಬರ್ ದಾಳಿ ನಡೆಸಿದೆ. ಅದರಲ್ಲೂ ಪ್ರಮುಖವಾಗಿ ಸರ್ಕಾರಿ ಸಂಸ್ಥೆ, ಶಿಕ್ಷಣ, ತಂತ್ರಜ್ಞಾನ ಹಾಗೂ ರಾಜತಾಂತ್ರಿಕತೆ ವಲಯಗಳ ಮೇಲೆ ಈ ದಾಳಿ ನಡೆದಿದೆ ಎಂದು ಸೈಬರ್ ಭದ್ರತೆ ಗುಪ್ತಚರ ಸಂಸ್ಥೆ ‘ರೆಕಾರ್ಡೆಡ್ ಫ್ಯೂಚರ್’ ಸಂಸ್ಥೆ ತಿಳಿಸಿದೆ.</p>.<p>ಇತ್ತೀಚಿನ ವರ್ಷಗಳಲ್ಲಿ ಚೀನಾ– ತೈವಾನ್ ನಡುವೆ ಸಂಬಂಧ ಹದಗೆಟ್ಟಿದೆ. ತೈವಾನ್ ಜಲಸಂಧಿಯ ಉದ್ದದ ದ್ವೀಪವನ್ನು ಚೀನಾ ತನ್ನದೆಂದು ಹೇಳಿಕೊಂಡಿದ್ದು, ಎರಡು ರಾಷ್ಟ್ರಗಳ ನಡುವಿನ ಪರಿಸ್ಥಿತಿ ಬಿಗಡಾಯಿಸಿದೆ.</p>.<p>ತೈವಾನ್ನಲ್ಲಿ ಜನವರಿಯಲ್ಲಿ ನಡೆದ ಅಧ್ಯಕ್ಷೀಯ ಚುನಾವಣೆ ಬಳಿಕ ನಡೆದ ಅಧಿಕಾರ ಹಸ್ತಾಂತರ ಪ್ರಕ್ರಿಯೆಗೂ ಮುನ್ನ ಹಾಗೂ ನಂತರದ ಅವಧಿಯಲ್ಲಿ (2023ರ ನವೆಂಬರ್ನಿಂದ 2024ರ ಏಪ್ರಿಲ್) ‘ರೆಡ್ ಜ್ಯೂಲಿಯಟ್’ ತಂಡದಿಂದ ಸೈಬರ್ ದಾಳಿ ನಡೆದಿದೆ ಎಂದು ಆರೋಪಿಸಿದೆ. </p>.<p>ತೈವಾನ್ನ ಸಂಸ್ಥೆಗಳ ಮೇಲೆ ‘ರೆಡ್ ಜ್ಯೂಲಿಯಟ್’ ಸಂಸ್ಥೆಯೂ ಈ ಹಿಂದೆಯೂ ಸೈಬರ್ ದಾಳಿ ನಡೆಸಿದ್ದರೂ, ಇದೇ ಮೊದಲ ಬಾರಿಗೆ ದೊಡ್ಡ ಪ್ರಮಾಣದಲ್ಲಿ ದಾಳಿ ನಡೆಸಿದೆ ಎಂದು ಸುರಕ್ಷತೆ ಕಾಳಜಿ ಸಂಸ್ಥೆ ‘ರೆಕಾರ್ಡೆಡ್ ಫ್ಯೂಚರ್ ಅನಾಲಿಸ್ಟ್’ ತಿಳಿಸಿದೆ.</p>.<p>ವರದಿ ಪ್ರಕಾರ, ‘ರೆಡ್ಜ್ಯೂಲಿಯಟ್’ ಸಂಸ್ಥೆಯು 24 ಸಂಸ್ಥೆಗಳ ಮೇಲೆ ದಾಳಿ ನಡೆಸಿದ್ದು, ಲಾವೋಸ್, ಕೀನ್ಯಾ, ರುವಾಂಡ ಹಾಗೂ ತೈವಾನ್ನ ಮೇಲೂ ಈ ದಾಳಿ ನಡೆದಿದೆ. ಹಾಂಗ್ಕಾಂಗ್, ದಕ್ಷಿಣ ಕೊರಿಯಾದ ಧಾರ್ಮಿಕ ಸಂಸ್ಥೆಗಳಿಗೆ ಸೇರಿದ ವೆಬ್ಸೈಟ್ಗಳ ಮೇಲೂ ದಾಳಿ ನಡೆಸಿದೆ. ಆದರೆ, ಸಂಸ್ಥೆಗಳ ಹೆಸರುಗಳನ್ನು ಬಹಿರಂಗಪಡಿಸಿಲ್ಲ.</p>.<p>‘ರೆಡ್ ಜ್ಯೂಲಿಯಟ್’ ಹ್ಯಾಕಿಂಗ್ ಮಾದರಿಯು ಚೀನಾ ಬೆಂಬಲಿತ ಹ್ಯಾಕರ್ಸ್ಗಳ ಮಾದರಿಯಾಗಿದೆ. ಐ.ಪಿ ವಿಳಾಸಗಳ ಭೌಗೋಳಿಕ ಸ್ಥಳಗಳು ಚೀನಾದ ಪೂಜಿಯಾನ್ ಪ್ರಾಂತ್ಯದ ಫುಝೌ ನಗರದಿಂದ ಹೊರಗಿರುವ ಸಾಧ್ಯತೆಯಿದೆ ಎಂದು ತೈವಾನ್ ಸರ್ಕಾರದ ವರದಿ ತಿಳಿಸಿದೆ.</p>.<p>ಈ ಕುರಿತಂತೆ ತೈವಾನ್ನ ವಿದೇಶಾಂಗ ಸಚಿವಾಲಯವು ಯಾವುದೇ ಹೇಳಿಕೆ ನೀಡಿಲ್ಲ. ಚೀನಾದ ವಿದೇಶಾಂಗ ಸಚಿವಾಲಯದ ವಕ್ತಾರರು ಈ ಆರೋಪವನ್ನು ಸ್ಪಷ್ಟವಾಗಿ ನಿರಾಕರಿಸಿದ್ದಾರೆ.</p>.<p>‘ನೀವು ನಿರ್ದಿಷ್ಟವಾಗಿ ಪ್ರಸ್ತಾಪಿಸಿರುವ ಸಂಸ್ಥೆಗಳ ಮೇಲೆ ನನಗೆ ಗೊತ್ತಿಲ್ಲ. ಆದರೆ, ನೀವು ಪ್ರಸ್ತಾಪಿಸಿದ ಸಂಸ್ಥೆಯು ಈ ಹಿಂದೆಯೂ ತಿರುಚಿದ ಮಾಹಿತಿ ಹರಡಿದೆ. ಆ ಕಂಪನಿಯು ಏನು ಮಾಡುತ್ತದೆ ಎಂಬುದರ ಕುರಿತು ಯಾವುದೇ ವೃತ್ತಿಪರತೆ ಅಥವಾ ವಿಶ್ವಾಸರ್ಹತೆ ಉಳಿಸಿಕೊಂಡಿಲ್ಲ’ ಎಂದು ಇಲಾಖೆ ವಕ್ತಾರ ಮಾವೋ ನಿಂಗ್ ಹೇಳಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>