ಟೆಲ್ ಅವೀವ್(ಇಸ್ರೇಲ್): ಗಾಜಾದ ಶಿಫಾ ಆಸ್ಪತ್ರೆ ಸಂಕೀರ್ಣದಲ್ಲಿ ಹಮಾಸ್ ಭಯೋತ್ಪಾದಕ ಸುರಂಗ ಮಾರ್ಗವನ್ನು ಪತ್ತೆಹಚ್ಚಲಾಗಿದೆ ಎಂದು ಇಸ್ರೇಲ್ ರಕ್ಷಣಾ ಪಡೆ(ಐಡಿಎಫ್) ಹೇಳಿಕೊಂಡಿದೆ.
'ಗಾಜಾದ ಮೂರು ದೊಡ್ಡ ಆಸ್ಪತ್ರೆಗಳ ಮೇಲೆ ಹಮಾಸ್ ಶೋಷಣೆಯ ಮತ್ತೊಂದು ಮುಖವನ್ನು ಇಸ್ರೇಲ್ ಬಹಿರಂಗಪಡಿಸುತ್ತಿದೆ. ಇಸ್ರೇಲಿ ಸೈನ್ಯ ಗಾಜಾದ ಅತಿದೊಡ್ಡ ಆಸ್ಪತ್ರೆಯಾದ ಅಲ್ ಶಿಫಾದ ಹೊರಾಂಗಣ ಪ್ರದೇಶದಲ್ಲಿ ಸುರಂಗ ಮಾರ್ಗವನ್ನು ಪತ್ತೆ ಹಚ್ಚಿದೆ' ಎಂದು ಐಡಿಎಫ್ ಸಾಮಾಜಿಕ ಮಾಧ್ಯಮ ಎಕ್ಸ್ನಲ್ಲಿ ಪೋಸ್ಟ್ ಮಾಡಿದೆ. ಜತೆಗೆ ವಿಡಿಯೊ ತುಣುಕನ್ನು ಸಹ ಬಿಡುಗಡೆ ಮಾಡಿದೆ.