<p><strong>ಟೆಲ್ ಅವೀವ್ (ಇಸ್ರೇಲ್):</strong> ಜನಪ್ರಿಯ ಇಸ್ರೇಲಿ ದೂರದರ್ಶನ ಸರಣಿ ‘ಫೌಡಾ’ದ ಸಿಬ್ಬಂದಿಯೊಬ್ಬರು ಗಾಜಾದಲ್ಲಿನ ಕಾರ್ಯಾಚರಣೆಯ ಸಂದರ್ಭ ಹತ್ಯೆಗೀಡಾಗಿದ್ದಾರೆ ಎಂದು ವರದಿಯಾಗಿದೆ.</p><p>ಇಸ್ರೇಲ್ನ 551ನೇ ಬ್ರಿಗೇಡ್ನ 697ನೇ ಬೆಟಾಲಿಯನ್ನಲ್ಲಿ ರಿಸರ್ವ್ ಸದಸ್ಯರಾಗಿದ್ದ ಮತನ್ ಮೀರ್ ಅವರ ಹೆಸರನ್ನು ಗಾಜಾದಲ್ಲಿ ಕರ್ತವ್ಯದಲ್ಲಿದ್ದಾಗ ಮಡಿದ ಸೈನಿಕರ ಪಟ್ಟಿಯಲ್ಲಿ ಘೋಷಿಸಲಾಗಿದೆ ಎಂದು ಜೆರುಸಲೆಮ್ ಪೋಸ್ಟ್ ವರದಿ ಮಾಡಿದೆ ಎಂದು ಎಎನ್ಐ ಟ್ವೀಟಿಸಿದೆ.</p>. <p>'ಫೌಡಾ'ದ ಸಾಮಾಜಿಕ ಮಾಧ್ಯಮ ತಂಡವು ಮತನ್ ಮೀರ್ ಅವರ ನಿಧನವನ್ನು ಎಕ್ಸ್ ಪೋಸ್ಟ್ ಮೂಲಕ ದೃಢಪಡಿಸಿದೆ ಎಂದು ಎಎನ್ಐ ಟ್ವೀಟ್ನಲ್ಲಿ ತಿಳಿಸಲಾಗಿದೆ.</p><p>‘ನಮ್ಮ ಫೌಡಾ ಕುಟುಂಬದ ಸದಸ್ಯರಲ್ಲಿ ಒಬ್ಬರಾದ ಮತನ್ ಮೀರ್ ಅವರು ಗಾಜಾದಲ್ಲಿ ಕಾರ್ಯಾಚರಣೆಯಲ್ಲಿದ್ದಾಗ ಕೊಲ್ಲಲ್ಪಟ್ಟಿದ್ದಾರೆ ಎಂಬ ವಿಷಯವನ್ನು ತಿಳಿಸಲು ಬಹಳ ದುಃಖವಾಗುತ್ತಿದೆ. ಮತನ್ ಅವರು ಫೌಡಾ ಟಿ.ವಿ ಸರಣಿಯ ಅವಿಭಾಜ್ಯ ಸದಸ್ಯರಾಗಿದ್ದರು. ಈ ದುರಂತದಿಂದ ನಮ್ಮ ತಂಡ ಎದೆಗುಂದಿದೆ. ನಾವು ಮತನ್ ಅವರ ಕುಟುಂಬಕ್ಕೆ ನಮ್ಮ ಸಂತಾಪವನ್ನು ವ್ಯಕ್ತಪಡಿಸುತ್ತೇವೆ’ಎಂದು ಪೋಸ್ಟ್ನಲ್ಲಿ ಬರೆಯಲಾಗಿದೆ.</p><p>ಫೌಡಾದ ಹೊರತಾಗಿ, ದಿ ಕಾಪ್ಸ್ ಸರಣಿ ಸೇರಿದಂತೆ ಇತರ ಕಾರ್ಯಕ್ರಮಗಳ ನಿರ್ಮಾಣದಲ್ಲಿಯೂ ಸಹ ಮೀರ್ ತೊಡಗಿಸಿಕೊಂಡಿದ್ದರು. ಫೌಡಾದ ಸಂಸ್ಥಾಪಕ ಅವಿ ಅಸ್ಸಾಚರೋಫ್ ಅವರು ಸಹ ತಮ್ಮ ಸಂತಾಪವನ್ನು ಹಂಚಿಕೊಂಡಿದ್ದಾರೆ.</p><p>ಹಮಾಸ್ ಅಕ್ಟೋಬರ್ 7ರಂದು ಇಸ್ರೇಲ್ ಮೇಲೆ ಆಕ್ರಮಣವನ್ನು ನಡೆಸಿತ್ತು. ಇದರ ನಂತರ, ಇಸ್ರೇಲ್ ಸೇನೆ ಹಮಾಸ್ ಉಗ್ರರ ಮೇಲೆ ಪ್ರತಿದಾಳಿ ಆರಂಭಿಸಿದ್ದು, ಭಯೋತ್ಪಾದಕ ಗುಂಪನ್ನು ನಾಶಮಾಡುವ ಪ್ರತಿಜ್ಞೆ ಮಾಡಿದೆ.</p><p>ಈ ಮಧ್ಯೆ, ಇಸ್ರೇಲಿ ಪ್ರಧಾನಿ ಬೆಂಜಮಿನ್ ನೆತನ್ಯಾಹು ಅವರು, ಹಮಾಸ್ ಭಯೋತ್ಪಾದನೆಯ ಅವಿಭಾಜ್ಯ ಅಂಗ, ಮಧ್ಯಪ್ರಾಚ್ಯ ಮತ್ತು ಅರಬ್ ಜಗತ್ತಿಗೂ ಅಪಾಯವನ್ನುಂಟುಮಾಡುತ್ತದೆ ಎಂದು ಹೇಳಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಟೆಲ್ ಅವೀವ್ (ಇಸ್ರೇಲ್):</strong> ಜನಪ್ರಿಯ ಇಸ್ರೇಲಿ ದೂರದರ್ಶನ ಸರಣಿ ‘ಫೌಡಾ’ದ ಸಿಬ್ಬಂದಿಯೊಬ್ಬರು ಗಾಜಾದಲ್ಲಿನ ಕಾರ್ಯಾಚರಣೆಯ ಸಂದರ್ಭ ಹತ್ಯೆಗೀಡಾಗಿದ್ದಾರೆ ಎಂದು ವರದಿಯಾಗಿದೆ.</p><p>ಇಸ್ರೇಲ್ನ 551ನೇ ಬ್ರಿಗೇಡ್ನ 697ನೇ ಬೆಟಾಲಿಯನ್ನಲ್ಲಿ ರಿಸರ್ವ್ ಸದಸ್ಯರಾಗಿದ್ದ ಮತನ್ ಮೀರ್ ಅವರ ಹೆಸರನ್ನು ಗಾಜಾದಲ್ಲಿ ಕರ್ತವ್ಯದಲ್ಲಿದ್ದಾಗ ಮಡಿದ ಸೈನಿಕರ ಪಟ್ಟಿಯಲ್ಲಿ ಘೋಷಿಸಲಾಗಿದೆ ಎಂದು ಜೆರುಸಲೆಮ್ ಪೋಸ್ಟ್ ವರದಿ ಮಾಡಿದೆ ಎಂದು ಎಎನ್ಐ ಟ್ವೀಟಿಸಿದೆ.</p>. <p>'ಫೌಡಾ'ದ ಸಾಮಾಜಿಕ ಮಾಧ್ಯಮ ತಂಡವು ಮತನ್ ಮೀರ್ ಅವರ ನಿಧನವನ್ನು ಎಕ್ಸ್ ಪೋಸ್ಟ್ ಮೂಲಕ ದೃಢಪಡಿಸಿದೆ ಎಂದು ಎಎನ್ಐ ಟ್ವೀಟ್ನಲ್ಲಿ ತಿಳಿಸಲಾಗಿದೆ.</p><p>‘ನಮ್ಮ ಫೌಡಾ ಕುಟುಂಬದ ಸದಸ್ಯರಲ್ಲಿ ಒಬ್ಬರಾದ ಮತನ್ ಮೀರ್ ಅವರು ಗಾಜಾದಲ್ಲಿ ಕಾರ್ಯಾಚರಣೆಯಲ್ಲಿದ್ದಾಗ ಕೊಲ್ಲಲ್ಪಟ್ಟಿದ್ದಾರೆ ಎಂಬ ವಿಷಯವನ್ನು ತಿಳಿಸಲು ಬಹಳ ದುಃಖವಾಗುತ್ತಿದೆ. ಮತನ್ ಅವರು ಫೌಡಾ ಟಿ.ವಿ ಸರಣಿಯ ಅವಿಭಾಜ್ಯ ಸದಸ್ಯರಾಗಿದ್ದರು. ಈ ದುರಂತದಿಂದ ನಮ್ಮ ತಂಡ ಎದೆಗುಂದಿದೆ. ನಾವು ಮತನ್ ಅವರ ಕುಟುಂಬಕ್ಕೆ ನಮ್ಮ ಸಂತಾಪವನ್ನು ವ್ಯಕ್ತಪಡಿಸುತ್ತೇವೆ’ಎಂದು ಪೋಸ್ಟ್ನಲ್ಲಿ ಬರೆಯಲಾಗಿದೆ.</p><p>ಫೌಡಾದ ಹೊರತಾಗಿ, ದಿ ಕಾಪ್ಸ್ ಸರಣಿ ಸೇರಿದಂತೆ ಇತರ ಕಾರ್ಯಕ್ರಮಗಳ ನಿರ್ಮಾಣದಲ್ಲಿಯೂ ಸಹ ಮೀರ್ ತೊಡಗಿಸಿಕೊಂಡಿದ್ದರು. ಫೌಡಾದ ಸಂಸ್ಥಾಪಕ ಅವಿ ಅಸ್ಸಾಚರೋಫ್ ಅವರು ಸಹ ತಮ್ಮ ಸಂತಾಪವನ್ನು ಹಂಚಿಕೊಂಡಿದ್ದಾರೆ.</p><p>ಹಮಾಸ್ ಅಕ್ಟೋಬರ್ 7ರಂದು ಇಸ್ರೇಲ್ ಮೇಲೆ ಆಕ್ರಮಣವನ್ನು ನಡೆಸಿತ್ತು. ಇದರ ನಂತರ, ಇಸ್ರೇಲ್ ಸೇನೆ ಹಮಾಸ್ ಉಗ್ರರ ಮೇಲೆ ಪ್ರತಿದಾಳಿ ಆರಂಭಿಸಿದ್ದು, ಭಯೋತ್ಪಾದಕ ಗುಂಪನ್ನು ನಾಶಮಾಡುವ ಪ್ರತಿಜ್ಞೆ ಮಾಡಿದೆ.</p><p>ಈ ಮಧ್ಯೆ, ಇಸ್ರೇಲಿ ಪ್ರಧಾನಿ ಬೆಂಜಮಿನ್ ನೆತನ್ಯಾಹು ಅವರು, ಹಮಾಸ್ ಭಯೋತ್ಪಾದನೆಯ ಅವಿಭಾಜ್ಯ ಅಂಗ, ಮಧ್ಯಪ್ರಾಚ್ಯ ಮತ್ತು ಅರಬ್ ಜಗತ್ತಿಗೂ ಅಪಾಯವನ್ನುಂಟುಮಾಡುತ್ತದೆ ಎಂದು ಹೇಳಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
