<p><strong>ಕಠ್ಮಂಡು</strong>: ಭಾರತದಲ್ಲಿ ಹೊಸದಾಗಿ ಚಲಾವಣೆಗೆ ಬಂದಿರುವ ₹100ಕ್ಕಿಂತ ಹೆಚ್ಚಿನ ಮೌಲ್ಯದ ನೋಟುಗಳನ್ನು ನೇಪಾಳದಲ್ಲಿ ಬಳಸುವುದನ್ನು ಮಾನ್ಯಗೊಳಿಸಬೇಕು ಎಂದು ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾಗೆ (ಆರ್ಬಿಐ) ನೇಪಾಳ ಮನವಿ ಮಾಡಿದೆ.</p>.<p>‘ಭಾರತದ₹200, ₹500 ಹಾಗೂ ₹2,000ದ ನೋಟುಗಳ ಬಳಕೆ ಕಾನೂನುಬದ್ಧಗೊಳಿಸಲುವಿದೇಶಿ ವಿನಿಮಯ ನಿರ್ವಹಣಾ ಕಾಯ್ದೆ (ಫೆಮಾ) ಅಡಿಯಲ್ಲಿ ಅಧಿಸೂಚನೆ ಹೊರಡಿಸಬೇಕು. ಆಗ ಇವುಗಳ ವಿನಿಮಯ ಅಧಿಕೃತವಾಗಿರುತ್ತದೆ’ಎಂದು ಆರ್ಬಿಐಗೆ ನೇಪಾಳ ರಾಷ್ಟ್ರ ಬ್ಯಾಂಕ್ (ಎನ್ಆರ್ಬಿ) ಪತ್ರ ಬರೆದಿದೆ.</p>.<p>‘ಭಾರತದಲ್ಲಿ ರದ್ದಾಗಿರುವ ₹500 ಹಾಗೂ ₹1,000 ಮುಖಬೆಲೆಯ₹4.8 ಕೋಟಿ ಮೌಲ್ಯದ ಹಣನೇಪಾಳದ ಬ್ಯಾಂಕ್, ಹಣಕಾಸು ಸಂಸ್ಥೆಗಳು ಹಾಗೂ ಎನ್ಆರ್ಬಿ ಬಳಿ ಇದೆ. ಇವುಗಳ ವಿನಿಮಯಕ್ಕೆ ಅವಕಾಶ ನೀಡಬೇಕು’ ಎಂದೂಪತ್ರದಲ್ಲಿ ಕೋರಲಾಗಿದೆ. ‘ದಿ ಹಿಮಾಲಯನ್ ಟೈಮ್ಸ್’ ಈ ಕುರಿತು ವರದಿ ಮಾಡಿದೆ.</p>.<p>ಪ್ರಸ್ತುತ, ನೇಪಾಳದಲ್ಲಿ ₹100 ಹಾಗೂ ಅದಕ್ಕಿಂತ ಕಡಿಮೆ ಮೌಲ್ಯದ ಭಾರತೀಯ ನೋಟುಗಳ ಚಲಾವಣೆಗೆ ಮಾತ್ರ ಆರ್ಬಿಐ ಅವಕಾಶ ನೀಡಿದೆ.</p>.<p>ಭಾರತದಲ್ಲಿ ಅಧಿಕ ಮುಖಬೆಲೆಯ ನೋಟು ರದ್ದಾಗುವ ಮೊದಲು, ನೇಪಾಳದಲ್ಲಿ ₹500 ಹಾಗೂ ₹1,000 ಮುಖಬೆಲೆಯ ಭಾರತೀಯ ನೋಟುಗಳನ್ನು (₹25 ಸಾವಿರ ಮಿತಿ) ಬಳಸಲು ಫೆಮಾ ಅಡಿಯಲ್ಲಿ ಆರ್ಬಿಐ ಅನುಮತಿ ನೀಡಿತ್ತು. ಆದರೆ, ನೋಟು ರದ್ದತಿ ಬಳಿಕ ಚಲಾವಣೆಗೆ ಬಂದ ₹200, ₹500, ₹2,000 ಮುಖಬೆಲೆಯ ನೋಟುಗಳನ್ನು ನೇಪಾಳದಲ್ಲಿಬಳಸಲು ಆರ್ಬಿಐ ಅಧಿಸೂಚನೆ ನೀಡಿಲ್ಲ. ಹೀಗಾಗಿ ಇವುಗಳ ಬಳಕೆ ಅನಧಿಕೃತವಾಗಿದೆ.</p>.<p><strong>ದೂರಿನ ಬಳಿಕ ಮನವಿ</strong><br />‘ಹೊಸ ನೋಟುಗಳ ಚಲಾವಣೆಗೆ ಆರ್ಬಿಐ ಅನುಮತಿ ನೀಡದೆ ಇದ್ದುದರಿಂದ, ನೇಪಾಳಿಗರ ರಕ್ಷಣೆಗಾಗಿ ಇಲ್ಲಿ ಅವುಗಳ ಬಳಕೆಯನ್ನು ನಿಷೇಧಿಸಬೇಕಾಯಿತು. ಆದರೆ, ಸತತವಾಗಿ ಭಾರತಕ್ಕೆ ಭೇಟಿ ನೀಡುವ ವಿವಿಧ ಕ್ಷೇತ್ರದ ಜನರಿಂದ ದೂರುಗಳು ಬಂದ ಬಳಿಕ, ಈ ನೋಟುಗಳ ಬಳಕೆ ಮಾನ್ಯ ಮಾಡುವಂತೆ ನಾವು ಆರ್ಬಿಐಗೆ ಮನವಿ ಮಾಡಿದ್ದೇವೆ’ ಎಂದು ಎನ್ಆರ್ಬಿಯ ವಿದೇಶಿ ವಿನಿಮಯ ನಿರ್ವಹಣಾ ವಿಭಾಗದ ಮುಖ್ಯಸ್ಥ ಧುಂಗನ ತಿಳಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಕಠ್ಮಂಡು</strong>: ಭಾರತದಲ್ಲಿ ಹೊಸದಾಗಿ ಚಲಾವಣೆಗೆ ಬಂದಿರುವ ₹100ಕ್ಕಿಂತ ಹೆಚ್ಚಿನ ಮೌಲ್ಯದ ನೋಟುಗಳನ್ನು ನೇಪಾಳದಲ್ಲಿ ಬಳಸುವುದನ್ನು ಮಾನ್ಯಗೊಳಿಸಬೇಕು ಎಂದು ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾಗೆ (ಆರ್ಬಿಐ) ನೇಪಾಳ ಮನವಿ ಮಾಡಿದೆ.</p>.<p>‘ಭಾರತದ₹200, ₹500 ಹಾಗೂ ₹2,000ದ ನೋಟುಗಳ ಬಳಕೆ ಕಾನೂನುಬದ್ಧಗೊಳಿಸಲುವಿದೇಶಿ ವಿನಿಮಯ ನಿರ್ವಹಣಾ ಕಾಯ್ದೆ (ಫೆಮಾ) ಅಡಿಯಲ್ಲಿ ಅಧಿಸೂಚನೆ ಹೊರಡಿಸಬೇಕು. ಆಗ ಇವುಗಳ ವಿನಿಮಯ ಅಧಿಕೃತವಾಗಿರುತ್ತದೆ’ಎಂದು ಆರ್ಬಿಐಗೆ ನೇಪಾಳ ರಾಷ್ಟ್ರ ಬ್ಯಾಂಕ್ (ಎನ್ಆರ್ಬಿ) ಪತ್ರ ಬರೆದಿದೆ.</p>.<p>‘ಭಾರತದಲ್ಲಿ ರದ್ದಾಗಿರುವ ₹500 ಹಾಗೂ ₹1,000 ಮುಖಬೆಲೆಯ₹4.8 ಕೋಟಿ ಮೌಲ್ಯದ ಹಣನೇಪಾಳದ ಬ್ಯಾಂಕ್, ಹಣಕಾಸು ಸಂಸ್ಥೆಗಳು ಹಾಗೂ ಎನ್ಆರ್ಬಿ ಬಳಿ ಇದೆ. ಇವುಗಳ ವಿನಿಮಯಕ್ಕೆ ಅವಕಾಶ ನೀಡಬೇಕು’ ಎಂದೂಪತ್ರದಲ್ಲಿ ಕೋರಲಾಗಿದೆ. ‘ದಿ ಹಿಮಾಲಯನ್ ಟೈಮ್ಸ್’ ಈ ಕುರಿತು ವರದಿ ಮಾಡಿದೆ.</p>.<p>ಪ್ರಸ್ತುತ, ನೇಪಾಳದಲ್ಲಿ ₹100 ಹಾಗೂ ಅದಕ್ಕಿಂತ ಕಡಿಮೆ ಮೌಲ್ಯದ ಭಾರತೀಯ ನೋಟುಗಳ ಚಲಾವಣೆಗೆ ಮಾತ್ರ ಆರ್ಬಿಐ ಅವಕಾಶ ನೀಡಿದೆ.</p>.<p>ಭಾರತದಲ್ಲಿ ಅಧಿಕ ಮುಖಬೆಲೆಯ ನೋಟು ರದ್ದಾಗುವ ಮೊದಲು, ನೇಪಾಳದಲ್ಲಿ ₹500 ಹಾಗೂ ₹1,000 ಮುಖಬೆಲೆಯ ಭಾರತೀಯ ನೋಟುಗಳನ್ನು (₹25 ಸಾವಿರ ಮಿತಿ) ಬಳಸಲು ಫೆಮಾ ಅಡಿಯಲ್ಲಿ ಆರ್ಬಿಐ ಅನುಮತಿ ನೀಡಿತ್ತು. ಆದರೆ, ನೋಟು ರದ್ದತಿ ಬಳಿಕ ಚಲಾವಣೆಗೆ ಬಂದ ₹200, ₹500, ₹2,000 ಮುಖಬೆಲೆಯ ನೋಟುಗಳನ್ನು ನೇಪಾಳದಲ್ಲಿಬಳಸಲು ಆರ್ಬಿಐ ಅಧಿಸೂಚನೆ ನೀಡಿಲ್ಲ. ಹೀಗಾಗಿ ಇವುಗಳ ಬಳಕೆ ಅನಧಿಕೃತವಾಗಿದೆ.</p>.<p><strong>ದೂರಿನ ಬಳಿಕ ಮನವಿ</strong><br />‘ಹೊಸ ನೋಟುಗಳ ಚಲಾವಣೆಗೆ ಆರ್ಬಿಐ ಅನುಮತಿ ನೀಡದೆ ಇದ್ದುದರಿಂದ, ನೇಪಾಳಿಗರ ರಕ್ಷಣೆಗಾಗಿ ಇಲ್ಲಿ ಅವುಗಳ ಬಳಕೆಯನ್ನು ನಿಷೇಧಿಸಬೇಕಾಯಿತು. ಆದರೆ, ಸತತವಾಗಿ ಭಾರತಕ್ಕೆ ಭೇಟಿ ನೀಡುವ ವಿವಿಧ ಕ್ಷೇತ್ರದ ಜನರಿಂದ ದೂರುಗಳು ಬಂದ ಬಳಿಕ, ಈ ನೋಟುಗಳ ಬಳಕೆ ಮಾನ್ಯ ಮಾಡುವಂತೆ ನಾವು ಆರ್ಬಿಐಗೆ ಮನವಿ ಮಾಡಿದ್ದೇವೆ’ ಎಂದು ಎನ್ಆರ್ಬಿಯ ವಿದೇಶಿ ವಿನಿಮಯ ನಿರ್ವಹಣಾ ವಿಭಾಗದ ಮುಖ್ಯಸ್ಥ ಧುಂಗನ ತಿಳಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
