<p>ಬೆಕ್ಕಣ್ಣ ಗಗನಯಾನಕ್ಕೆ ಆಯ್ಕೆಯಾದವರ ಫೋಟೊ ನೋಡುತ್ತ ಲೊಚ್ಗುಡುತ್ತಿತ್ತು. ‘ಮೋದಿಮಾಮಾರೇ ಖುಷಿಯಿಂದ ಗಗನ ಯಾತ್ರಿಗಳ ಹೆಸರು ಪ್ರಕಟಮಾಡ್ಯಾರೆ… ನೀ ಎದಕ್ಕೆ ಬೇಜಾರಾಗೀಯಲೇ?’ ಎಂದೆ. </p><p>‘ನಮ್ ಮೋದಿಮಾಮ ಲಕ್ಷದ್ವೀಪದಲ್ಲಿ ಸ್ನಾರ್ಕಲಿಂಗ್ ಸೂಟ್ ಹಾಕ್ಕಂಡು ಸಾಹಸ ಮಾಡಿದ್ರು. ಸಮುದ್ರದ ಕೆಳಗೆ ಮುಳುಗಿರೋ ದ್ವಾರಕಾಗೆ ಡೈವ್ ಮಾಡಿಕೊಂಡು ಹೋಗಿ ಪ್ರಾರ್ಥನೆ ಸಲ್ಲಿಸಿದರು. ಹಿಂಗೇ ಗಗನಯಾನದ ಸೂಟ್ ಹಾಕ್ಕಂಡು, ಬಾಹ್ಯಾಕಾಶದಾಗೆ ಪ್ರಾರ್ಥಿಸತಾರೆ ಅಂತ ಕನಸು ಕಾಣುತ್ತಿದ್ದೆ’ ಅಂತ ನಿಟ್ಟುಸಿರುಬಿಟ್ಟಿತು.</p><p>‘ಗಗನಯಾನಕ್ಕೆ ಮುಂಚೆ ರಾಕೆಟ್ ಸಿಮುಲೇಶನ್ ಮಾಡ್ತಾರಲ್ಲ, ಆವಾಗ ಗಗನಯಾನದ ಸೂಟ್ ಹಾಕ್ಕಂಡು, ಅದ್ರಾಗೆ ಕೂತು ಫೋಟೊಗೆ ಪೋಸು ಕೊಡ್ತಾರೇಳು’ ಎಂದು ಸಮಾಧಾನಿಸಿದೆ. ಆದರೂ ಕೇಳದೆ ಪ್ರಧಾನಿ ಕಾರ್ಯಾಲಯದ ಜಾಲತಾಣದಲ್ಲಿ ಸುದ್ದಿಗಳನ್ನು ತೆರೆತೆರೆದು ಓದಿತು.</p><p>‘ಬಿಹಾರದಲ್ಲಿ ₹ 21,400 ಕೋಟಿ, ಪಶ್ಚಿಮ ಬಂಗಾಳದಲ್ಲಿ ₹ 22,200 ಕೋಟಿ ಮೊತ್ತದ ಯೋಜನೆಗಳು, ದೇಶದಾದ್ಯಂತ ₹ 41,000 ಕೋಟಿಯ ರೈಲ್ವೆ ಯೋಜನೆ, ರಾಜಕೋಟದಲ್ಲಿ ₹ 48,100 ಕೋಟಿ, ದ್ವಾರಕಾದಲ್ಲಿ ₹ 4,150 ಕೋಟಿ, ವಾರಾಣಸಿಯಲ್ಲಿ ₹ 13,000 ಕೋಟಿ, ಗುಜರಾತಿನ ಮೆಹ್ಸಾನದಲ್ಲಿ ₹ 13,500 ಕೋಟಿ, ಜಮ್ಮುಕಾಶ್ಮೀರದಲ್ಲಿ ₹ 32,000 ಕೋಟಿಯ ಯೋಜನೆಗಳು… ಇವು ಫೆ. 20ರ ನಂತರ ಮೋದಿಮಾಮ ಲೋಕಾರ್ಪಣೆ ಮಾಡಿದ್ದು. ಇದೆಲ್ಲಾ ಕೂಡಿಸು ನೋಡಾಮು’ ಎಂದಿತು.</p><p>‘₹ 1,95,350 ಕೋಟಿ’ ಎಂದೆ ಕಕ್ಕಾಬಿಕ್ಕಿಯಾಗಿ.</p><p>‘ಗಗನಯಾತ್ರಿಗಳನ್ನು ಈಗ ಕಳಿಸೂದು 400 ಕಿ.ಮೀ. ಮೇಲಿನ ಕಕ್ಷೆಗೆ, ಹೌದಿಲ್ಲೋ… ಒಂದು ಕೋಟಿ ರೂ. ಒಂದು ಕಿ.ಮೀ.ಗೆ ಸಮ ಅಂದ್ಕಂಡು ಈ ಕೋಟಿಗಳನ್ನು ಭೂಮಿಯಿಂದ ಮೇಲೆ ಆಕಾಶಕ್ಕೆ ಜೋಡಿಸು. ನಮ್ ಮೋದಿಮಾಮಾನೇ ಖುದ್ದು 1,95,350 ಕಿ.ಮೀ.ನಷ್ಟು ಮೇಲೆ ಯೋಜನಾ ರಾಕೆಟ್ ಅನ್ನು ಉಡಾಯಿಸಿದ ಹಂಗೆ ಆತಿಲ್ಲೋ’ ಎಂದು ಹೆಮ್ಮೆಯಿಂದ ಹ್ಹೆಹ್ಹೆಗುಟ್ಟಿತು!</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಬೆಕ್ಕಣ್ಣ ಗಗನಯಾನಕ್ಕೆ ಆಯ್ಕೆಯಾದವರ ಫೋಟೊ ನೋಡುತ್ತ ಲೊಚ್ಗುಡುತ್ತಿತ್ತು. ‘ಮೋದಿಮಾಮಾರೇ ಖುಷಿಯಿಂದ ಗಗನ ಯಾತ್ರಿಗಳ ಹೆಸರು ಪ್ರಕಟಮಾಡ್ಯಾರೆ… ನೀ ಎದಕ್ಕೆ ಬೇಜಾರಾಗೀಯಲೇ?’ ಎಂದೆ. </p><p>‘ನಮ್ ಮೋದಿಮಾಮ ಲಕ್ಷದ್ವೀಪದಲ್ಲಿ ಸ್ನಾರ್ಕಲಿಂಗ್ ಸೂಟ್ ಹಾಕ್ಕಂಡು ಸಾಹಸ ಮಾಡಿದ್ರು. ಸಮುದ್ರದ ಕೆಳಗೆ ಮುಳುಗಿರೋ ದ್ವಾರಕಾಗೆ ಡೈವ್ ಮಾಡಿಕೊಂಡು ಹೋಗಿ ಪ್ರಾರ್ಥನೆ ಸಲ್ಲಿಸಿದರು. ಹಿಂಗೇ ಗಗನಯಾನದ ಸೂಟ್ ಹಾಕ್ಕಂಡು, ಬಾಹ್ಯಾಕಾಶದಾಗೆ ಪ್ರಾರ್ಥಿಸತಾರೆ ಅಂತ ಕನಸು ಕಾಣುತ್ತಿದ್ದೆ’ ಅಂತ ನಿಟ್ಟುಸಿರುಬಿಟ್ಟಿತು.</p><p>‘ಗಗನಯಾನಕ್ಕೆ ಮುಂಚೆ ರಾಕೆಟ್ ಸಿಮುಲೇಶನ್ ಮಾಡ್ತಾರಲ್ಲ, ಆವಾಗ ಗಗನಯಾನದ ಸೂಟ್ ಹಾಕ್ಕಂಡು, ಅದ್ರಾಗೆ ಕೂತು ಫೋಟೊಗೆ ಪೋಸು ಕೊಡ್ತಾರೇಳು’ ಎಂದು ಸಮಾಧಾನಿಸಿದೆ. ಆದರೂ ಕೇಳದೆ ಪ್ರಧಾನಿ ಕಾರ್ಯಾಲಯದ ಜಾಲತಾಣದಲ್ಲಿ ಸುದ್ದಿಗಳನ್ನು ತೆರೆತೆರೆದು ಓದಿತು.</p><p>‘ಬಿಹಾರದಲ್ಲಿ ₹ 21,400 ಕೋಟಿ, ಪಶ್ಚಿಮ ಬಂಗಾಳದಲ್ಲಿ ₹ 22,200 ಕೋಟಿ ಮೊತ್ತದ ಯೋಜನೆಗಳು, ದೇಶದಾದ್ಯಂತ ₹ 41,000 ಕೋಟಿಯ ರೈಲ್ವೆ ಯೋಜನೆ, ರಾಜಕೋಟದಲ್ಲಿ ₹ 48,100 ಕೋಟಿ, ದ್ವಾರಕಾದಲ್ಲಿ ₹ 4,150 ಕೋಟಿ, ವಾರಾಣಸಿಯಲ್ಲಿ ₹ 13,000 ಕೋಟಿ, ಗುಜರಾತಿನ ಮೆಹ್ಸಾನದಲ್ಲಿ ₹ 13,500 ಕೋಟಿ, ಜಮ್ಮುಕಾಶ್ಮೀರದಲ್ಲಿ ₹ 32,000 ಕೋಟಿಯ ಯೋಜನೆಗಳು… ಇವು ಫೆ. 20ರ ನಂತರ ಮೋದಿಮಾಮ ಲೋಕಾರ್ಪಣೆ ಮಾಡಿದ್ದು. ಇದೆಲ್ಲಾ ಕೂಡಿಸು ನೋಡಾಮು’ ಎಂದಿತು.</p><p>‘₹ 1,95,350 ಕೋಟಿ’ ಎಂದೆ ಕಕ್ಕಾಬಿಕ್ಕಿಯಾಗಿ.</p><p>‘ಗಗನಯಾತ್ರಿಗಳನ್ನು ಈಗ ಕಳಿಸೂದು 400 ಕಿ.ಮೀ. ಮೇಲಿನ ಕಕ್ಷೆಗೆ, ಹೌದಿಲ್ಲೋ… ಒಂದು ಕೋಟಿ ರೂ. ಒಂದು ಕಿ.ಮೀ.ಗೆ ಸಮ ಅಂದ್ಕಂಡು ಈ ಕೋಟಿಗಳನ್ನು ಭೂಮಿಯಿಂದ ಮೇಲೆ ಆಕಾಶಕ್ಕೆ ಜೋಡಿಸು. ನಮ್ ಮೋದಿಮಾಮಾನೇ ಖುದ್ದು 1,95,350 ಕಿ.ಮೀ.ನಷ್ಟು ಮೇಲೆ ಯೋಜನಾ ರಾಕೆಟ್ ಅನ್ನು ಉಡಾಯಿಸಿದ ಹಂಗೆ ಆತಿಲ್ಲೋ’ ಎಂದು ಹೆಮ್ಮೆಯಿಂದ ಹ್ಹೆಹ್ಹೆಗುಟ್ಟಿತು!</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
